Isikiyɛli 16:44 - ALLALA KUMƐ

⁴⁴ “ ‘Nba, ile Yerusalɛm, mɔgɛnu si hɛnkilimaya-kumɛ kɛ fɔ i wara-koe rɔ. Anu kɛnɛna a fɔla ko, “Dunmusi si bɔ a na le la,”

Isikiyɛli 16:44 ပူးပေါင်းရင်းမြစ်များ

1 Mansɛnu 21:16

Tiriyante wo rɔ, Mansa Ehabu ya a lasɔ ka ta dugi wo bi.

2 Mansɛnu 17:11

Anu tora isɛnti mintanna Alla-batobɛlɛnuna kan-tina-mayɛlɛnɛnu tɔ iko Mari ya mɔgɛ minnu gben anu yarɔ, wonu ya a ma nya min. Anu ya a ma, Mari fonde bɔra anu kuma anuna ko-yogomɛ wonuna ko la.

2 Mansɛnu 17:15

Mari ko anu ma sɔn ata sereyanu birala. Anubɛ anu benbanu sarata min na, anu ma sɔn wo birala. A ko a ya anu makawandi minnu ma, anu ma sɔn anu tole masɔla wonu na. Anu ya bɛsi-fufafuyinu kɔ ka anu nyɛrɛ ma mɔgɔ-fufafuyinu na. Mari ya a fɔ anu ye nun ko anu kana anu dan-masa-nyɔgɛnuna namunu bi kɔnɔ anu ya wonuna namunyɛnu bi.

2 Mansɛnu 21:9

Kɔnɔ hali wo, anu ma sɔn anu tole masɔla. Mansa Manasa ya a ma, Isirɛla mɔgɛnu ya hakɛ kɛ dɔgɔma-ma-de hali ka tenbi mɔgɛ wonu na Mari ya minnu gben anu yarɔ nun.

Ɛsira 9:1

Kɛ dama kanɛ a la, Isirɛla mɔgɔ-ba donu nara a fɔ n ye ko, “A saraka-masɔla wo, a Lifayi wo, a Isirɛla mɔgɔ wo, anu do-wo-do ma sɔn sibolo-gbɛrɛnu masangbala minnu bi mala foolɛ rɔ. Anu taranta basanna Amon kɛnu anubɛ Mohabu kɛnu anubɛ Iyipiti kɛnu na. Kenannu wo, Hɛtinu wo, Perasanu wo, Yɛbusinu wo, anubɛ Amoranu, anu taranta basanni wonu na, ado anu bi kisimiriya-koenu mala iko mɔgɛ wonu bi a mala nya min.

Isikiyɛli 12:22

“Ile hadama-dan, nfenna mɔgɛnu bi sarandɛ kɛ sala ko, ‘Yanni wati kɛ ni ke, koe kɛ ye mala kɔnɔ anu kuman-kan ti bɔ anuna ko-rayirɛ rɔ’?

Isikiyɛli 12:23

A fɔ anu ye ko wo Tigi Mari le kɛnu wara-koe fɔla wo ye. A fɔ anu ye tun ko n si tɔn sigi anuna sarandi-sɛ wo la. Mɔgɔ ti wo fɔ Isirɛla nyamanɛ rɔ tun. Wo kɔma, a fɔ anu ye ko anu bi min fɔla gbɛ anubɛ anu bi wɔlɔyiya-kumɛ minnu fɔla, anu kan ni bɔ a la ko-rayirɛ wo rɔ. Wo wati ara ke!

Isikiyɛli 16:3

A fɔ Yerusalɛm kɛnu ye ko nde, wo Tigi Mari kan le kɛ la. “ ‘Ile Yerusalɛm soe, i fa le Amoranu na. I na le Hɛtinu na bawo wonu denu ya ile Yerusalɛm soe datɛgɛ Kenan nyamanɛ tɛma.

Isikiyɛli 16:45

ado ile Yerusalɛm bɔra i na le la, yɔ! I na wola kei anubɛ ala dannu ma di a ye. Ile fanan mani de iko i na-kelen-nyɔgɔ-musi minnuna keinu anubɛ anuna dannu gboyanɛ anu ye. I fa le Amoranu na. I na le Hɛtinu na bawo wonu denu ya wo datɛgɛ.

1 Samuwɛli 24:13

Anu bi sarandɛ min fɔla ko, ‘Ko-yogoma-kɛlɛ le si ko-yogomɛ ma,’ ile ya wo lɔn serr! Woletɔ nde ti ko-yogoma ma i la.