Isikiyɛli 16:43 - ALLALA KUMƐ

⁴³ N ya i bira nya min, wo tumɛ i dɔgɔ, i wara nyina wo la. I ya n yisi-tinya-koe gbansan le ladan. Woletɔ n bara i sara ila ko-yogomɛ bɛɛla ko la. Nfenna i ya yɛlɛnya-koenu sa i sɔn-yogomɛnu kuma? Nde, i Tigi Mari kan le kɛ la.

Isikiyɛli 16:43 ပူးပေါင်းရင်းမြစ်များ

Yaburi 106:13

Kɔnɔ a ara min bɛɛ kɛ anu ye, anu nyinara wonu ko tiriya! Anu gbaranta anu nyɛrɛ la. Anu ma Allata makawandilɛ makɔni.

Yaburi 78:40

Anu murutiyara a ma wula-da-rakolɔn rɔ iko yili! Anu ya a ma, a fonde bɔra iko siyaman.

Yaburi 78:42

Anu nyinara Allata sɛnbɛ-makawanɛ ko salon! A ya anu nakanan anu yogenu bolo nya min, anu ma anu hɛnkili lamiri wo ma.

Yaburi 95:10

Mari ko san bi-nani dɛgɛdɛgɛ, a kɔrɔtɔnɛ anu ma. A ko kan-kelen-tigi ma anu na. Anu ma sɔn ata kumɛ birala mumɛ!

Aiseya 63:10

Kɔnɔ anu kan-kɔ-sɔɛ Mari la, anu ya a ma, ata Ni-Sɛnimɛ yisi tinyanta. Woletɔ Mari mara anu yoge la, ado ka a tɛgɛ wo ma, a ya anu kɛlɛ.

Yɛrɛmaya 2:32

Sunkurɔn ti nyina a makiri-fan ko. Kɔɛn-kurɛ ti nyina ala kɔnyɔ-masɔ-kurɛnu ko. Kɔnɔ Mari ko ata mɔgɛnu nyinara a ko bi-ko-ma,

Isikiyɛli 11:21

Kɔnɔ bɛsi-makɔsɔni-batoe di minnu ye anubɛ ko-yogoma-su bɛɛ, n si wonu dama tɔrɔ. N si anu tɔrɔ ka a tɛgɛ anu bara min ma n na. Nde, wo Tigi Mari kan le kɛ la.”

Isikiyɛli 16:22

I ye ila yɛlɛnya-wulen-bɛ kɛ kun na, i sa i mirila ila denniya-tumɛ ma, wo tumɛ i makolɔn sani mamagala i sɔrɔn-yele rɔ.

Isikiyɛli 16:58

Ile si tɔrɔya ila kisimiriya-ko-ladannuna ko la. Nde, i Mari kan le kɛ la.

Isikiyɛli 17:19

“Wo le ya a ma, nde, wo Tigi Mari Alla ko n bara n keli n nyɛrɛ rɔ ko n si a tɔrɔ ka a tɛgɛ sarama-kan-tinyɛ wo ma, a ya min kiri n tɔgɔ rɔ.

Isikiyɛli 22:31

Woletɔ n si n yisi labɔ anu ma. N si don anu tɔ iko tɛ ka a tɛgɛ anu kɛ-nya-yogomɛnu ma. Nde, wo Tigi Mari kan le kɛ la.”

Isikiyɛli 6:9

Minnu si to biralɛ rɔ nyɔ rɔ, wonu si anu miri n ma. Anu si a lɔn yati, ko nde le ya anu tɔrɔ ka anu nayarabi bawo bɛsi-kɔ-koe diyara anu ye nde bato koe ko, ado anu bara anu kan-kɔ sɔ nde la. Anu si tɛgɛ anu nyɔgɔn tɔ kasikasi, ka a tɛgɛ anuna wunduyogoyɛ anubɛ kisimiriya-koenu ma.

Isikiyɛli 9:10

N ti kinikini anu ma. N si a ma anu na iko anu denu fanan bara a ma doinu na nya min.”

Daniyɛli 9:13

I ya ma tɔrɔ iko Musa ya a sɛbɛ ala tɔn-buku rɔ nya min. Kɔnɔ mata Mari Alla, ma ma ma raya ka duwɛ nyini i bolo ka fara mala hakɛnu na alako ma ni bila ita kila-telennɛ fɛ.

Daniyɛli 9:14

Ile, mata Mari Alla, i ya i rabɛn ma tɔrɔ kan ma, ado i ya a ma le, yɔ! I ya wo ma bawo i ya ko-wo-ko ma, wo telennɛ le tede! Kɔnɔ hali wo, ma ma ma tole masɔ i la.

Emɔsi 2:13

Mari ko a si wo digin dugu la ha wo ni kurun iko dunu-bilɛ wa dunɛ bi, a ti min nɔ.

Kɛwɔlɛnu 7:51

“Wole yisi-gbɛlɛnu! Wo yisi manɛ iko sibolo-gbɛrɛnutɛ. Wo tengberenyanɛ Allala kumɛ lamɔɛn-koe rɔ! Wo ye Allata Ni-Sɛnimɛ kɛlɛla tuma-wo-tuma iko wo benbanu ya a ma nya min!

Ɛfɛsa 4:30

Mɔgɔ kana Allata Ni-Sɛnimɛ ladiminya bawo ata Ni-Sɛnimɛ le Allala tamasere la wo kuma ko a halalɛ le wole la. Tamasere le ale ata Ni-Sɛnimɛ la ko Marita Tele wa na, a si ma hɔrɔya wulɔn.

Tɔn-Fɔɛ-Fila-Nyɔgɛ 32:21

Wo ara a ma, Mari fonde ara bɔ wola bɛsi-kɔ-koenu tɔ. Wo ara a ma, Mari ye wo makeliyala bawo wo ye bɛsɛnu kelela ko alla, ado Alla ma wonu na hali! Wo ye yɛlɛnna sibole minnu ma, Mari si wonu bi ka anu ma wole lamɔniya-fan la. Wo tɛgɛnɛ mɔgɛ minnu tɔ, wonuna keliyɛ si wuli wo fanannu na.