Isikiyɛli 16:37 - ALLALA KUMƐ

³⁷ Ka a tɛgɛ wo ma, n si i sa-nyɔgɔn-kɔrɛ wo bɛɛ ladɛn kan-tina-kelen. Minnu di i ye wo, minnu gbo i ye wo, wonu si a mini i ma. Wo kɔma, n si i mawuran alako anu ni i lakolɔn yen.

Isikiyɛli 16:37 ပူးပေါင်းရင်းမြစ်များ

Aiseya 47:3

Mɔgɛnu si i makolɔn yen. I si miliya anu yala.” Mari ko a si a tayili sara i la. A ti kinikini mɔgɔ-wo-mɔgɔ ma ile Babilɔn soe burɔ.

Yɛrɛmaya 13:22

Wo ni wo nyɛrɛ manyinika, wo ni a fɔ ko, “Nfen bi a tola, kɛnu bi mala ma la?” Wo hakɛ le ye a mala, wonu bi sigila ma ma, yɔ! Ka a tɛgɛ wo hakɛ wonu ma, anu ya wola kurɛ tɛgɛ wo la. Woletɔ anu buira wo ma ka digin wo ma.

Yɛrɛmaya 13:26

Ile Yerusalɛm kɛnu, Mari ko a si wola kurɛ wusɔn wo kun na. Bɛɛ si wo lakolɔn yen. Wo si miliya.

Yɛrɛmaya 22:20

Wole Yerusalɛm kɛnu, wo ta Lɛbanan nyamanɛ rɔ ka wo dɛ bolobɔ. Wo ta di Basan nyamanɛ rɔ. Wo ni wo kuli mayɛlɛ di-kɛ-tinɛ Mohabu kɔnkɛnu ma bawo wo yogenu bara wo dɛnbɛnɛnu nɔ.

Yɛrɛmaya 4:30

Ile Yuda nyamani-tinyanɛ, i ye nfen kun na? Nfenna i ye kura-hakikɛnu donna i kan na? Nfenna i ye i makirila sɛnɛ la? Nfenna i ye i ya-siyi lafinna? I ye i nyɛrɛ mabɛnna fu! I gbo i kenintenu ye, ado i faga-sɔgɛ ara anu bira.

Nimisa Koe 1:19

“N ya n kenintenu kele n dɛnbɛn-koe rɔ kɔnɔ anu ya anu ban n bolo gbat! Nna saraka-masɔlɛnu anubɛ kun-tiginu bi fagala kɔnkɛ bolo. Anu bi anu niyi lakandanna fen-nyini-tinɛ kɔnɔ anu ti ke a sɔrɔnna.

Nimisa Koe 1:8

Yerusalɛm soe ara a nyɛrɛ latinya bawo a ara hakɛ-yogomɛ kɛ. A gbiliyanɛ minnu bolo nun, wonu ya a magboya bawo anu bara a lakolɔn yen. Ale fanan bi dila a yakɔrɛ dogonna miliyɛ bolo.

Isikiyɛli 16:57

Yanni ile sɔn-yogomɛ ni bɔ gbɛ rɔ, i ma yɛlɛn anu ma nun, ba? Ile fanan bara ma yɛlɛnma-fan la iko anu denu. I gbo minnu ye iko Idɔm kɛnu anubɛ Filisitinu anubɛ sibolo-gbɛrɛ minnu bi wola foolɛ rɔ, i wara ma yɛlɛnma-fan la wonu fanan ye.

Isikiyɛli 23:17

Wonu fanan dama nara anu sa a fɛ. Wonu ya anu sa a fɛ ha a laban, mɔgɔ-ba wonu sɔgɔ labɔra ale Oholiba la lass!

Hoseya 2:10

Wo kɔma, n si a mawuran ala keminɛnu yala. Mɔgɔ-wo-mɔgɔ ti ke a latankala nta sɛnbɛ kɔrɔ.

Hoseya 2:3

Ni a ma sɔn, n si a makolonya iko a na ya a sɔrɔn nya min. A si ma iko dugu-magbalanɛ anubɛ gbangban. Kan-nagbalɛ si a faga.

Hoseya 8:10

Nde, Mari si wo kundɛn kan-tina-kelen ka wo tɔrɔ. Asiriya mansɛ wa a lagbɛlɛya wo kuma tumɛ min, wo si to wo forongbesila dugi ma.

Lankɛnimayɛ 17:16

I ya sogo-feremɛ min kere tan yen wo la, musu-yɛlan wo si gboya kere tan wonubɛ sogo-feremɛ wo ye. Anu si a bolo-fan bɛɛ bi a bolo ka a gbu-makolɔn to. Anu si a fɛrɛ-bɔnkɛ dɔn ka a toe lakɛ tɛ rɔ.