Isikiyɛli 16:33 - ALLALA KUMƐ

³³ Yɛlan doinu bi fen sɔrɔnna yɛlɛnyɛ rɔ kɔnɔ ile ye fen sala i nyɛrɛ kuma yɛlɛnya-kɛ-tinɛ. I ye keinu sarala kan-tinɛ bɛɛ rɔ alako anu ni na anu sa i fɛ.

Isikiyɛli 16:33 ပူးပေါင်းရင်းမြစ်များ

Aiseya 30:3

Kɔnɔ hali wo, a ko sɛnbɛ ti taran mansɛ wo bolo anu dɛnbɛn-koe rɔ, ado Iyipiti kɛnu bi anu kumafunfan minnu kɛla, a ko wo si a laban anu bolo kasarɛ ma.

Aiseya 57:9

Wo ye tuli anubɛ sɛnti-suma-diyamɛnu kɛla wo ma alako ka wola bɛsɛ Molɛki hɛnɛ. Wo ye mɔgɛnu natala wula-yannu na pon, hali lakira fanan alako wo si bɛsi-kurɛnu sɔrɔn nya min wo si minnu kɔ.

Yɛrɛmaya 2:24

A ko wo mani de iko sofɛli-musumɛ min bi wulɛ rɔ. A kɛnɛna sofɛli-keimɛnu sumɛ birala. Wo wati rɔ, mɔgɔ-wo-mɔgɔ nɔ-ko ti taran ale sofɛli-musi wo rɔ. Sofɛli-keimɛ min ba a labɔ a ma lenkan wo la, anubɛ wo si dɛn. A musumɛ wo lasɔrɔn ma gbo wati wo le.

Isikiyɛli 16:32

Ile Yerusalɛm, i mani de iko kei-gbɛrɛnu di musi min ye ala kei ko.

Isikiyɛli 16:34

Ile mani ma iko musi doinu. Mɔgɔ-wo-mɔgɔ ma i fɔrɔsɛ yɛlɛnya-koe ma, ado i sa sarɛ sɔrɔnna a rɔ. I kani de musi doinu ma bawo i ye mɔgɛnu sarala alako anu ni anu sa i fɛ.

Isikiyɛli 16:41

Anu si ila bɔnnu mintan gburr, ado i tɔrɛ kɛ si kɛ musi siyaman yala. N si a ma, i ni yɛlɛnyɛ boloka feufeu! N si a ma, i ni fara kemini-san la.

Hoseya 2:12

A ya ki-fen-gbɔ-hakikɛ min bɛɛ sɔrɔn ala keminɛnu bolo a sarayɛ la, n si wo damasi halaki. N si ala ki-fan bɛɛ ma fɔgbɛ la, ado firarɔ-sogenu si to wonu dɔnna.

Yowɛli 3:3

Mari ko anu bara korɔn lakɛ mɔgɔ-biranɛ wonuna ko la iko siyaman, ni min si to min ye. Anu ya Isirɛla den-keinu fɛlɛn alako anu ni yɛlannu-sarɛ sɔrɔn. Anu ya Isirɛla sunkurɔnnu ma baan-sɔnkɛ la.

Maika 1:7

Wola bɛsi-da-gbɛlɛmɛ wonu ta si bunden. Wo ye wola kɔlɔma-malɛsɛnɛ anubɛ wola kuru-malɛsɛnɛ minnu kɔla, wonu bolokanɛ si belenna sundu-kunyɛnu ma. Wole Samariya mɔgɛnu ya fan minnu di wola yɛlannu ma minnu bi wola bɛsi-bɔnnu na, fan wo donu si mintan gburr! Ni wo bolo-fan minnu ma mintan, wo yogenu si na wonu bi ka ta anu na anuna yɛlannu ye anuna bɛsi-kɔ-tinɛnu tɔ.”

Luka 15:30

Kɔnɔ ila dan kɛ min bara ila nɔnfuli bɛɛ tinya yɛlannu fɛ, wo ara na min kɛ tun, i wara ninki-den-tɔlɔnɛ faga wo ye!’