Isikiyɛli 16:20 - ALLALA KUMƐ

²⁰ Min sanɛ wo kuma, i ya dunmusi anubɛ den-kei minnu sɔrɔn n ye, i ya wonu ma kɔ-fan la ila bɛsɛ wonu ye. Ha bi, ile yisi ma sa yɛlɛnya-koe rɔ, wa?

Isikiyɛli 16:20 ပူးပေါင်းရင်းမြစ်များ

Ko-Dabirɛnu 17:7

N si nta lanyiri latɔnbagaya mabɛ ile anubɛ i bɔnsɔn anubɛ wonu fanan bɔnsɔnnu tɛma. A si ma habadan-lanyiri la alako n ni ma woleta Alla la.

2 Mansɛnu 16:3

A ya Isirɛla mansɛnu sɔn bi hali ka a halala-den-kei ma saraka-mintantɛ la bɛsɛnu ye. Min kolo wo ko, Mari ya mɔgɛ minnu gben nyamanɛ wo rɔ nyɔ nun, wonu taranta kisimiriya-koe kɛ le sufa mala nun.

2 Ko-Kɔrɔta-Karan 33:6

A ya ala den-keinu ma saraka-mintantɛnu na bɛsɛnu ye Hinom lɛɛ rɔ. Bolo-tafɛlɛn-koe wo, duruya-koe wo, a yi-kɔrɔ-fɛlɛn-koe wo, a ya wo dama ma. Hali nyina-kɔlɛnu, a tara ke wonu fanan ma. A ya hakɛ min kɛ Mari la, wo da-rakoloyara. Wo le ya a ma, Mari fonde bɔra a kuma.

Bɔ-Koe-Iyipiti 13:12

ni musu-wo-musu ya den-kei-sarɛ sɔrɔn, Maritɛ le dan wo la, hali kolo-fannuta den fɔlɔtɛ, a keimɛnu, kɔni.

Bɔ-Koe-Iyipiti 13:2

“A fɔ Isirɛla mɔgɛnu ye ko anu ni anuna den-kei-sarɛ bɛɛ dantɛgɛ nde, Mari ma. Ni musu-wo-musu ya den-kei-sarɛ sɔrɔn, ntɛ le dan wo la, hali a mara anuna kolo-fannuta den fɔlɔtɛ la, a keimɛ, kɔni.”

Aiseya 57:5

Wo si wola bɛsɛnu hɛnɛ sɔn-yogoyɛ le la kɔlɔma-kuru-wɛnu kɔrɔ. Wo ye wola dannu fagala ka anu ma sarakɛnu na fara-gbaran anubɛ farannu na.

Yɛrɛmaya 19:5

Wo ya bɛsi Beyali kɔ-tinɛ ladan nyɔ ka wola dannu ma saraka-mintantɛnu na a ye. Mari ko a ma wo fɔ wo ye, ado a miriya ma ke wo ma.

Yɛrɛmaya 3:24

“Ka a bi ma dennɛ ma, ma fanu bi tɔrɔla min na, ma ye wonu dila layarabi-bɛsɛ kɛnu ma sarakayɛ la. Bɛsi-fufafuyi wonu bara ban ma fanuna kolo-fannu kunyɛ latola a rɔ. Anu bara ma fanuna dannu bi fanan.

Yɛrɛmaya 32:35

Anu bara saraka-mintan-tinɛnu sɔ Hinom lɛɛ rɔ Beyali ye, anu si anuna dannu mintan kan min bɛsi Molɛki ye. A ko ale ma a fɔ ko anu ni kisimiriya-koe wonu ma. A miriya ma tugu wo la lefan, ni Yuda kɛnu si bɔ ko sufa wo la.

Yɛrɛmaya 7:31

Wole Yuda kɛnu bara bɛsi-kɔ-tinɛ min tɔgɛ Tofɛti sɔ Bɛn-Hinɔm lɛɛ rɔ. Wo ye wola den-keinu anubɛ wola dunmusinu mintanna bɛsɛnu ye nyɔ rɔ, ado Mari ko ale ma tɔn wo di wo ma. Ado nfan, a miriya ma tugu wo la lefan!

Isikiyɛli 14:14

Nowa wo, Danɛli wo, Yobu wo, ni wonu denu bi nyamanɛ wo rɔ nun, anuna kɛwɔli-nyimɛ ti mɔgɔ-wo-mɔgɔ kisi fɔ anu nyɛrɛ. Nde, wo Tigi Mari kan le kɛ la.

Isikiyɛli 16:21

I ya dan wonu faga ka anu ma sarakɛ la ila bɛsɛ wonu ye.

Isikiyɛli 16:36

Nde, i Tigi Mari ko i ya i nyɛrɛ mawuran ka i nyɛrɛ di keinu anubɛ kisimiriya-bɛsɛnu ma fasai! I ya ila dannu faga ka anu yele bɔ sarakayɛ la bɛsɛnu ye.

Isikiyɛli 20:26

N sɔnta anu ni anuna den-keinu ma saraka-mintantɛ la alako n si anu tɔrɔ nya min, ado wo wa ma, wo si a yira anu na nun ko Mari le nde la.

Isikiyɛli 20:31

Ha bi, anu bi kɔ-fen kelan kɛ dila anuna bɛsɛnu ma, ado anu bara anuna dannu ma saraka-mintantɛnu na ale bɛsɛ kelan wo ye min kɛ, woletɔ anu bara anu nyɛrɛ latinya. Wo kɔma, anu bi anu tuila ka na n sako-lɔn-tinɛ tun. Nde, anu Tigi Mari ara n keli ko n ti sɔn, anu ni n manyinika ko-wo-ko la.

Isikiyɛli 23:37

Anu bara yɛlɛnyɛ kɛ ka mɔgɛnu faga. Anu ya yɛlɛnyɛ kɛ ka a tɛgɛ bɛsɛnu kɔ-koe ma. Anu ya anuna dannu faga ka anu ma bɛsɛ wonu beli-fan la, nta dannu, kɔni.

Isikiyɛli 23:39

Anu ya nna dannu faga ka anu bɔ sarakayɛ la tele min nyɛrɛ ma, anu nara ka nna Bato-Bɔn fanan natinya tele wo le ma.

Isikiyɛli 23:4

Sunkurun-kinamɛ wo tɔgɛ le Ohola. A dɔgɔmɛ tɔgɛ le Oholiba. N ya wonu filɛ furu. Anu ya dannu sɔrɔn n ye. Samariya soe tamasere le Ohola wo la. Yerusalɛm soe tamasere le Oholiba wo la.

Isikiyɛli 8:17

Mari ya n manyinika ko, “Ile hadama-dan, i wara wo yen? Anu bi ko kɔsɔnɛ min bɛɛsi mala yan tɔ wo, anu bi karagbɛlɛyɛ ranyɛnsɛnna nyamanɛ rɔ nya min wo, wo dɔrɔn sa Yuda bɔnsɔn-mɔgɛ kɛnu wasala. Anu bi sɛgila nala ko-yogomɛnu kɛla Bato-Bɔn la yan tɔ tun. Kɛ le dama ara n kɔrɔtɔ dɔgɔma-ma-de! N nanyini-koe gbansan, anu bi bɔla wonu denu na yan tɔ.

Maika 6:7

Ni ma nara saga waga-siyaman na Mari ye, wo si a hɛnɛ? Ni ma nara tuli la, kurukurun ti min ban, tarali ti min ban, wo si a ma, Mari ni sewa ma la, wa? Ni ma ya mala den fɔlɛnu ma sarakɛnu na Mari ye, wo si a ma, ma hakɛ ma ni koto, wa?”