Isikiyɛli 16:18 - ALLALA KUMƐ

¹⁸ N ya kura-bɔnni-hakikɛ minnu di i ma, i ya wonu bi ka wonu ma bɛsi-kei wonu makiri-fan la. Nna tulu-hakikɛ anubɛ nna isɛnti, i ya wonu natenbi bɛsɛ wonu ma.

Isikiyɛli 16:18 ပူးပေါင်းရင်းမြစ်များ

Yɛrɛmaya 1:16

N bi nna mɔgɛnu tɔrɔla nya min, n si wo ragbɛ anu ye. N si anu tɔrɔ bawo anu bara hakɛ kɛ ka anu kan-kɔ sɔ n na. Anu bi bɛsɛnu nadanna ka nta sarakɛnu di anu ma, ado anu bi bɛsɛ wonu nadanna anu bole nyɛrɛ-nyɛrɛ le la.”

Isikiyɛli 14:14

Nowa wo, Danɛli wo, Yobu wo, ni wonu denu bi nyamanɛ wo rɔ nun, anuna kɛwɔli-nyimɛ ti mɔgɔ-wo-mɔgɔ kisi fɔ anu nyɛrɛ. Nde, wo Tigi Mari kan le kɛ la.

Isikiyɛli 16:10

N ya duruku-bonni-hakikɛ don i kan na. N ya gbolo-sanbara-hakikɛ di i ma. N ya linɛn-kun-yili-hakikɛ anubɛ kura-da-gbɛlɛ di i ma.

Isikiyɛli 16:17

N ya sɛnɛ anubɛ wodi-gbɛ minnu ma i makiri-fan la, i ya wonu bi ka anu nadan bɛsi-kei-muninyɛ la minnu yatelenmɛ bɔnɛ gbɛ rɔ. Wobɛ wonu ya yɛlɛnyɛ kɛ.

Isikiyɛli 16:19

N ya dɔn-fen di i ma min nadannɛ dɛgɛ-munku-hakikɛ anubɛ tulu-hakikɛ anubɛ liyi la. Kɔnɔ i ya wonu ma bɛsɛ wonu nadiya-fan la. Nde, i Tigi Mari kan le kɛ la.

Isikiyɛli 23:41

Anu ya anu sigi sofa-nyimɛnu tɔ, fen-diyama-su bɛɛ kɛnɛ tebulu kuma anu yakɔrɔ nyɔ, hali isɛnti anubɛ tuli min dantɛgɛnɛ nde, Mari ma nun.

Isikiyɛli 27:16

Anubɛ Siriyanu ya yilaya-siyaman kɛ anu nyɔgɔn tɛma. Dugu-kɔrɔ-nɔnfulu-wulenmɛ anubɛ a finmɛ wo, kura-bilolamɛ wo, kura-bonnɛnu wo, linɛn-kura-hakikɛnu wo, anubɛ yi-kɔrɔ-kuru-da-gbɛlɛmɛ, anu ya wonu felen Taya kɛnu ma.

Hoseya 2:7

Ala keminɛnu sagaran-kilɛ bɛɛ si faga a ma. A ti fenfen sɔrɔn wonu bolo tun. Wo kɔma, a si to a fɔla ko a ye sɛgila le tun nde, ala kei-kɔrɛ ma bawo a wara-koe sa tun iko fɔlɔ.

Tɔn-Fɔɛ-Fila-Nyɔgɛ 32:38

Wo ya anu de-nyini wola saraka-kɛɛnmɛnu na. Wo ya wola nɔnbɔ-gbɔ-yi ma sarakɛ la ka anu di wola bɛsɛnu ma fanan. Nba, wonu ni anu natiriya wo dɛnbɛna gbɛ! Wonu ni na wo kisi.”