Isikiyɛli 16:11 - ALLALA KUMƐ

¹¹ N ya i makiri bolo-kalama-dɛɛnnu anubɛ kan-na-fannu na ka bɔ kuru-da-gbɛlɛnu tɔ.

Isikiyɛli 16:11 ပူးပေါင်းရင်းမြစ်များ

Ko-Dabirɛnu 24:22

Nyomɛnu ban yi wo minna, kei wo ya sɛnɛ-foro kelen bi min si don a sunyɛ la anubɛ sɛnɛ-bolo-kalama-dɛɛn fila ka wonu di dunmusi wo ma. Sɛnɛ-fore anubɛ sɛnɛ-bolo-kalama-dɛɛn wonu kolo dɔgɔma-ma-de!

Ko-Dabirɛnu 24:47

N ya a manyinika, n ko, ‘Ile fa ye yon na? A tɔgɛ ye kama?’ Rebɛka ya a fɔ n ye ko Milaka Bɛtuwɛlila dan le ale la. A ko a benba tɔgɛ le Nehori. N ya sɛnɛ-fore wo dun a sunyɛ la ka sɛnɛ bolo-kalama-dɛɛn filɛ wonu don a bole la.

Ko-Dabirɛnu 24:53

Wɔli-kɛlɛ ya fen da-gbɛlɛ-siyaman bi ka wonu ma Rebɛka furu-fan la. A ya wonu di a kɔrɔ Leban anubɛ a na ma. Wo kɔma, a ya fɛrɛya-bɔɛ anubɛ wodi-gbɛ anubɛ sɛnɛ bi ka wonu fanan di Rebɛka ma.

Ko-Dabirɛnu 35:4

Yakobala mɔgɛnu ya anuta bɛsɛnu don a bolo anubɛ anuna tolola-fan minnu tugunnɛ anuna bɛsi-kɔ-koe la. Yakoba ya denkɛ sin ka wo bɛɛ togon kɔlɔma-kuru-wɛ do kɔrɔ Sɛkɛm soe dafɛ.

Ko-Dabirɛnu 41:42

Ale mansɛla mandan ye ala dɛɛn-kɔlɔnɛ min ma, a ya wo bɔ a bole la ka a don Yusufu bole la. A ya fɛrɛya-bɔ-hakikɛnu di a ma ka sɛnɛ-yɔlɔkɛ don a kan na.

Ɛsita 2:17

Ɛsita kɛ wara-koe diyara ale mansɛ ye ka tenbi sunkurɔn wo bɛɛ la. Woletɔ a ya ale ma bara-musi la Fasati gbɛ rɔ. A ya musu-mansaya-fulɛ sigi a kunyɛ la.

Yobu 42:11

Yobu tirisan-musu wo, a na-kelen-nyɔgɔ wo, wonubɛ a diyana-mɔgɛnu nara a kɔndɔn tinɛ. Anu ya fen-dɔn-kɛ ala bɔn la. Anu ya a wui bɔ ka a tɛgɛ tɔrɔyɛ wo ma Mari ya min sigi a ma. Wo kɔma, wonu kelen-kelennamɛ-bɛɛ ya sɛnɛ anubɛ wodi-gbɛ-dɛɛn-kɔlɔnɛ di a ma.

Bɔ-Koe-Iyipiti 32:2

Aruna ya a fɔ anu ye ko, “Sɛnɛ minnu bi wola musinu anubɛ wola dannu tole la, wo ta wonu bi. Wo ni na anu na n bara.”

Bɔ-Koe-Iyipiti 35:22

Kei anubɛ musi minnu sɔnta, wonu tara anuna bolo-kalama-dɛɛnnu na anubɛ anuna tolola-fannu anubɛ anuna dɛɛn-kɔlɔnɛnu anubɛ anuna kan-na-fan minnu nadannɛ sɛnɛ la ka wonu dantɛgɛ Mari ma. Anu nara anu mabɛn-fannu na ka wonu di Mari ma.

Hɛnkilimaya-Kumɛnu 1:9

Ni i ya wo ma, anuna karan si ila kɛ-nya-nyimɛ yira duninya la iko kun-yili anubɛ kan-na-fan si musi lakinya nya min.

Hɛnkilimaya-Kumɛnu 25:12

Mɔgɛ min si sɔn a tole masɔla labila-kumɛ la hɛnkilimɛ bolo, kumɛ wo si kinya a ye iko sɛnɛ-foro-hakikɛ min bo sa a yala.

Hɛnkilimaya-Kumɛnu 4:9

Ita gbiliyɛ si ma iko mansɛtɛ. A si ma mansaya-fulɛ la i kuma.”

Keninteya-Siginu 1:10

Ila tolola-fannu bara a ma, i yakɔrɛ ara kinya. Ila kan-na-fan ara a ma, i mafɛlɛn bara diya.

Keninteya-Siginu 4:9

N kɔntɔ-nyaganɛ, i ye i yɛ makerila n mafɛlɛn tinɛ nya min hali n ba ila kan-na-fen kelan yen i kan la n yisi si murumuru n burɔ ila ko la.

Aiseya 28:5

Wati ye nala, Mari Sɛnbɛ-Bɛɛ-Tigi nyɛrɛ-nyɛrɛ si ma iko mansaya-fulɛ min nadannɛ kɔn-fere la. Ala mɔgɔ-dande minnu bi tola, ale si to wonu ye.

Aiseya 3:19

anuna bolo-kalama-dɛɛn wo, a si wonu bi anu bolo. Anu ya-laburun-kura wo,

Aiseya 3:21

anuna bolo-kɔlɔnina-dɛɛn wo, anuna sunna-dɛɛn-koloni wo,

Nimisa Koe 5:16

Ma wasinɛ fan min bɛɛla ko la nun, wo fenfen ma to ma bolo tun. Gbalo ye ma kuma bawo ma ara hakɛ min kɛ.

Isikiyɛli 16:17

N ya sɛnɛ anubɛ wodi-gbɛ minnu ma i makiri-fan la, i ya wonu bi ka anu nadan bɛsi-kei-muninyɛ la minnu yatelenmɛ bɔnɛ gbɛ rɔ. Wobɛ wonu ya yɛlɛnyɛ kɛ.

Isikiyɛli 23:40

“Anu ya keinu kele ka bɔ wula-yan la. Wula-yanla-mɔgɛnuna ke, Ohola anubɛ Oholiba tara anu ku-tinɛ ka anu ya-siyi lafin ka anuna makiri-fannu kɛ anu ma.

Isikiyɛli 23:42

Baantore minnu nara ka bɔ wula-da-rakolɔn rɔ, n ya wonu siyaman sewa-kan lamɔɛn. Anu ya bolo-kalama-dɛɛn don musi wonu bole la ka fula-da-gbɛlɛnu sigi anu kunyɛ la sede!

Daniyɛli 5:16

N bara a lamɔɛn fanan ko ile si ke ko-dogonnɛnu kɔrɛ lɔnna le. Hali kɔndɔfili-koenu, i si wonu nya-yen. Ni ile kera sɛbɛli kɛ rakaranna ka a kɔrɛ fɔ n ye, n si ko sawa ma i ye. N si duruki-ba-hakikɛnu di i ma. N si sɛnɛ-yɔlɔkɛ bila i kan na. Wo kɔma, n si i tugun nna kandɛ la nyamanɛ kɛ rɔ.”

Daniyɛli 5:29

Tiriyante wo rɔ, Bɛlisasa ya a fɔ ala wɔli-kɛlɛ do ye ko a ni ta duruki-ba-hakikɛ donu bi ka na anu don Daniyɛli bolo. Anu ya sɛnɛ-yɔlɔkɛ fanan bila a kan na. Min sanɛ wo kuma, a ya a mayon ko ale Daniyɛli mara ala kandɛ tatugunnɛ la.

Daniyɛli 5:7

A ya a kuli mayɛlɛ a fɔ tinɛ ko anu ni ta ala durinu kele anubɛ a bolo-tafɛlɛnnɛnu anubɛ a hɛnkilimɛnu. Wonu nanɛ, mansɛ ya a fɔ anu ye ko, “Ni min kera sɛbɛli kɛ rakaranna ka a kɔrɛ fɔ n ye, n si ko sawa ma wo tigi ye. N si duruki-ba-hakikɛnu di a ma. Wo kɔma, n si sɛnɛ-yɔlɔkɛ bila a tigi kan na. A laban, ale si tugun nna kandɛ la nyamanɛ kɛ rɔ.”

Hoseya 2:13

N si a tɔrɔ bawo a ye n bolokɛ min kɛla ka ta isɛnti mintan ala bɛsi Beyali ye. N bi a tɔrɔla bawo a ye a makiri boloko-nyimɛ-kɛla ka bila ala keminɛnu fɛ. Mari kan le kɛ la.

Saraka-Masɔlɛnuta Tɔnnu 8:9

Musa ya saraka-masɔla-kun-tigiya-fulɛ wo bi ka a don Aruna salɛ la. A ya sɛnɛ-fagbataranɛ kiri ala fulɛ yarɔ. Sɛnɛ wo si a yira mɔgɛnu na ko ale dantɛgɛnɛ Mari ma. Musa ya wo dama ma iko Mari ya a fɔ a ye nya min nun.

Yilan-Yilan Koe 31:50

Woletɔ ma ara sɛnɛ minnu sɔrɔn kɛ la, ma si na matɛ wonu di Mari ma. Ma ya sɛnɛ bolo-kalama-dɛɛnnu sɔrɔn, anubɛ sɛnɛ-dɛɛn-kɔlɔnɛnu, anubɛ sɛnɛ-forenu anubɛ sɛnɛ kanna-fannu, anubɛ sɛnɛ-mɔlɔnɛnu anu si minnu sa anuna durukinu ma, ma si wonu di Mari ma alako ma hakɛ yama ni togon.”

Lankɛnimayɛ 2:10

Wo si na tɔrɔyɛ min sɔrɔn, wo kana kilan wo la. Wo ni wo tole masɔ! Setanɛ si wo donu sa yele la wo kɔrɔbɔ-koe la. Wo si tɔrɔ tele tan kɔrɔ kɔnɔ wo telennɛ ni to n ye ha wo sayɛ wati. Ni wo ya wo ma, n si habadan-nimayɛ di wo ma ka wo barayi.

Lankɛnimayɛ 4:10

kɛmɔgɔ mogan-ni-nani wonu si anu sa a kɔrɔ. Ale min nimayanɛ habadan, anu bi wo batola ka anuna mansaya-fulɛnu sa mansaya-sigi-fan wo kɔrɔ ka a fɔ ko,

Lankɛnimayɛ 4:4

Mansaya-sigi-fen mogan-ni-nani ye mansaya-sigi-fen kelan wola foolɛ rɔ. Kɛmɔgɔ mogan-ni-nani mayiginɛ wonu tɔ. Anu fɛrɛya-bɔnɛ kura-gbɛ la. Sɛnɛ-mansaya-fulɛ ye anu salɛnu na.

Kɛlɛ-Kurugbɛnu 8:24

Wo kɔma, Kidiyɔn ya anu manyinika ko kelen ma, a ko, “Min sɔgɛ ye n na dɔrɔn, wo ya sɛnɛ-fore minnu bi ma yogenu bolo, wo kelen-kelennamɛ-bɛɛ ni wotɛ di n ma.” (Midiyan keinu si sɛnɛ-fore le don anu tole la iko anu sigi-nyɔgɛnu si a ma nya min.)