Isikiyɛli 16:10 - ALLALA KUMƐ

¹⁰ N ya duruku-bonni-hakikɛ don i kan na. N ya gbolo-sanbara-hakikɛ di i ma. N ya linɛn-kun-yili-hakikɛ anubɛ kura-da-gbɛlɛ di i ma.

Isikiyɛli 16:10 ပူးပေါင်းရင်းမြစ်များ

Ko-Dabirɛnu 41:42

Ale mansɛla mandan ye ala dɛɛn-kɔlɔnɛ min ma, a ya wo bɔ a bole la ka a don Yusufu bole la. A ya fɛrɛya-bɔ-hakikɛnu di a ma ka sɛnɛ-yɔlɔkɛ don a kan na.

Yaburi 45:15

Anu sewanɛ donta nyɔ.

Bɔ-Koe-Iyipiti 25:5

saga-yigi gbolo-koloni-wulan wo, anubɛ gbolo-koloni-hakikɛ do, i si wonu bira anu bolo n ye. N makoe ye kɔlɔma do la min tɔgɛ akasiya

Bɔ-Koe-Iyipiti 26:14

“Wo ni saga-yigi gbolo-koloni-wulan donu bi ka nta Fani-Bɔn yamatogon wo la. Wo ni gbolo-koloni-hakikɛ donu ma a tuwa-fan la fanan ka saga-yigi gbolo-koloni-wulan wo yamatogon wo la nta bɔn kuma. Fɛrannu Wara-Koe

Bɔ-Koe-Iyipiti 26:36

“Anu bi kura-hakikɛ min kelela linɛn, wo ni wo ma bɔn don-da-kurɛ la. Mɔgɛ minnu kusan, wonu ni mɔlɔnɛ donu sɔgɔ kurɛ wo ma yesekari subolo sawɛ kɛnu na, yesekara-yalafinyɛ wo, a bilolamɛ wo, anubɛ yesekara-wulan.

Bɔ-Koe-Iyipiti 28:5

Anu bi kura-hakikɛ min kelela linɛn, wo ni wo ma saraka-masɔlɛnuna makiri-kurɛ kɛnu na. Mɔgɛ minnu kusan, yesekara-yalafinyɛ wo, yesekara-bilolamɛ wo, a yesekara-wulan wo, anubɛ sɛnɛ-yesekari wo, wonu ni wo bi ka wo ma kurɛ kɛnu sɔgɔ-fan la.

Hɛnkilimaya-Kumɛnu 31:22

A si birinkannu nadan a nyɛrɛ ye ka a nyɛrɛ fɛrɛya-bɔ kura-hakikɛ la.

Aiseya 3:23

anuna duruku-kɔrɔ-don wo, anuna da-lafiran-fen wo, anuna kun-makiri-kurɛ wo, anubɛ anuna kan-makɛ-kura wo, a si wo bɛɛ bi anu bolo.

Aiseya 61:10

Mari le ya a ma, ma ara sewa dɔgɔma-ma-de! Alla ya a ma, n niyi ra ara diya. Mari ara kisi-koe fɛrɛya-bɔɛ di ma ma. A ya ata nyimayɛ ma duruku-ba la. Ma manɛ iko kɔɛn-tigi min mabɛnnɛ yɔnyɔn! Ma manɛ fanan iko kɔɛn-kurɛ min makirinɛ fen-kolomɛnu na.

Aiseya 61:3

A ya n sɔ mɔgɔ-makinikininɛ denu ma Yerusalɛm soe burɔ. Mari ko a si mansaya-fulɛ don wo kunyɛ la ta-gbangban gbɛ rɔ. A ko a si lasewa-tuli don wo ma yisi-lafinyɛ gbɛ rɔ. A ko a si tantoli-duruki don wo kan na yisi-tinyɛ gbɛ rɔ. Wo si ma iko Mari nyɛrɛta kɔlɔma-kinɛ. Wo si ata fanka-makawanɛ mayira.

Isikiyɛli 16:13

I makirinɛ sɛnɛ anubɛ wodi-gbɛ la. I ya linɛn-kura-bonnɛ anubɛ kura-da-gbɛlɛ do don. I wara biredi don min nadannɛ dɛgɛ-munku-hakikɛ anubɛ liyi anubɛ tulu-hakikɛ la. Ila kinyɛ bɔra gbɛ ma. I mara musu-mansɛ la.

Isikiyɛli 16:18

N ya kura-bɔnni-hakikɛ minnu di i ma, i ya wonu bi ka wonu ma bɛsi-kei wonu makiri-fan la. Nna tulu-hakikɛ anubɛ nna isɛnti, i ya wonu natenbi bɛsɛ wonu ma.

Isikiyɛli 16:7

N ya a ma, i sabatira iko ki-fan. I ragbɛlɛyara gbon! I mara iko sunkurun-pose. I kinyɛnu tugura a rɔ. I yatelenma-siyi nanfara kɔnɔ hali wo, i makolɔn tora.

Isikiyɛli 26:16

Sibolo-gbɛrɛ-mansɛ minnu siginɛ yi dala, wonu si bɔ anuna mansaya-sigi-fannu tɔ ka anuna mansaya-durukinu bɔ anu kan na. Anu si anuna duruku-bonnɛnu bɔ anu kan na ka to yɛrɛyɛrɛnna dugu-kole kuma. Dan ti taran anuna yɛrɛyɛran la ka a tɛgɛ Taya kɛnu kasara nya ma.

Isikiyɛli 27:16

Anubɛ Siriyanu ya yilaya-siyaman kɛ anu nyɔgɔn tɛma. Dugu-kɔrɔ-nɔnfulu-wulenmɛ anubɛ a finmɛ wo, kura-bilolamɛ wo, kura-bonnɛnu wo, linɛn-kura-hakikɛnu wo, anubɛ yi-kɔrɔ-kuru-da-gbɛlɛmɛ, anu ya wonu felen Taya kɛnu ma.

Isikiyɛli 27:7

Linɛn-kurɛ le manɛ anuna kulun-naburu-kurɛ la. Anu bɔra wo bonnɛ la Iyipiti nyamanɛ le tɔ, ado a si yen de wula-yan la. Anu ya kura-bilolamɛ bɔ Saiparasi yi-tɛma-dugi rɔ ka wo ma kulun-burɔ-fani-bɔn la.

Luka 15:22

Kɔnɔ a fa ya ala wɔli-kɛlɛnu kele. A ko, ‘Wo ni na duruku-nyima-ba la ka a bila a kan na tiriya! Wo ni dɛɛn don a bolo-nɔlɔnɛ la ka sanbarɛ don a kian rɔ.

Lankɛnimayɛ 18:12

Anuna sɛnɛ wo, anuna wodi-gbɛ wo, anuna kuru-da-gbɛlɛmɛnu wo, anubɛ anuna kɔnɔ-kolo-da-gbɛlɛmɛnu, wonu sanna sa nyɔ tun. Anuna linɛn-kura-nyimɛnu anubɛ kura-bilolamɛnu, anuna kura-manunkunɛ, anubɛ kura-wulannu, wo fanan sanna sa nyɔ tun. Anuna kɔlɔma-hakikɛnu wo, anuna sogo-ba-nyin nadannɛ fan minnu na wo, kɔlɔma-da-gbɛlɛmɛnu wo, anubɛ silɛɛ wo, nɛgɛ wo, anubɛ bɛrɛ-kurinu wo, wo fanan sanna sa nyɔ tun.

Lankɛnimayɛ 19:8

Mɔgɛnu sɔnta ko kɔɛn-kurɛ ni a nyɛrɛ fɛrɛya bɔ linɛn-kura-hakika-sɛninyanɛ la.” (Linɛn-kura-nyimɛ wo, Allata mɔgɛnuna kɛwɔli-nyimɛ-misalɛ le wo la.)

Lankɛnimayɛ 21:2

Nba, n ya Yerusalɛm-So-Sɛnima-kurɛ yen yigila ka bɔ Arinyɛni tɔ Alla bolo. Soe wo makirinɛ, ado a rabɛnnɛ iko kɔɛn-kurɛ rabɛnnɛ nya min ala keila ko la.