Isikiyɛli 14:8 - ALLALA KUMƐ

⁸ N si taran wo tigi kan ma. N si a ma misalɛ la mɔgɛnu yala. N si a wurun nta mɔgɛnu tɛma. Wo ye a lɔnna wo le ma ko nde le Mari la.

Isikiyɛli 14:8 ပူးပေါင်းရင်းမြစ်များ

Yaburi 34:16

Kɔnɔ minnu bi karagbɛlɛyɛ kɛla, a si wonu yakɔrɔ-mamɔ woletɔ anu ba faga, mɔgɛnu si nyina anu bara-koe la tiriya!

Yaburi 34:17

Mɔgɔ-latelennɛ wa Mari rakele, a si a wɔlɔ matɔlɔ a la. A si anu kunyɛ bɔ anuna tɔrɔyɛnu tɔ.

Yaburi 37:22

Minnu bi Marita duwɛ sɔrɔnna, wonu denu halalɛ ye mala nyamanɛ wo la. Kɔnɔ minnu bi ata dankɛ kɔrɔ, wonu bara-koe si firan nyɔ feu!

Aiseya 65:15

Wole karagbɛlɛnu tɔgɔ-ratɛgɛ mani de ala wɔli-kɛlɛnu bolo iko mɔɛn, ado ale Mari Alla nyɛrɛ le ye wo fagala. Kɔnɔ ale si ata wɔli-kɛlɛnu kele tɔgɔ-gbɛrɛ la.

Yɛrɛmaya 21:10

Mari ko a ara a latɛgɛ ko a ti kinikini so-karantan kɛ ma fɔ a wa a kasara. A ko a ara ban a donna Babilɔn mansɛ bolo min si a mintan gburr! Ale Mari nyɛrɛ kan le kɛ la.

Yɛrɛmaya 24:9

A ko a ye kasarɛ min sigila wo ma, wo si a ma, duninya mumɛ bɛɛ ni kilan. Mɔgɛnu si wo mayɛlɛn. Anu si wo ma yɛlɛnma-fan la. Anu si wo tɔgɛ ma dankali-kɛ-fan la.

Yɛrɛmaya 29:22

Anu bara sɔn-yogoya-siyaman kɛ Isirɛla mɔgɛnu tɛma. Anu yilikinɛ ka a tɛgɛ yɛlɛnyɛ ma anu sigi-nyɔgɔ-musi keni, kɔni. Wo kɔma, anu bi foninyɛ fɔla, ado anu bi a fɔla ko Mari nyɛrɛ kan le. Mari ko a ma fenfen fɔ anu ye. A ko anu bara ko-yogomɛ min bɛɛ kɛ, ale Mari ye wo kalama, ado Mari ko sere le ale la anu kan ma. Ka a tɛgɛ wo ma, wole Yuda kɛ minnu bi biralɛ rɔ, wo si dankali kɛ ko, “Alamɛ Mari ya wo bira iko Babilɔn mansɛ ya Sɛdɛkaya anubɛ Ehabu mintan nya min gburr, anu bi anu kɛndɛ la tumɛ min.” Mari kan le kɛ la.

Yɛrɛmaya 44:11

Woletɔ Mari Sɛnbɛ-Bɛɛ-Tigi Isirɛlata Alla ko a si wuli wo kan ma ka wole, Yuda kegeyɛ bɛɛ lato.

Isikiyɛli 13:23

Nba kaka, anuna ko-rayirɛ anubɛ anuna foninya-wɔlɔyiya-kuma-fɔɛnu bara ban. N bi nna mɔgɛnu denu porokɔlɔ-koe rɔ musi wonu bolo ka anu nakanan. Anu bi a lɔnna wo le ma ko Mari le nde la.”

Isikiyɛli 15:7

tɔrɔla wo nya na le. Anu bara anu buri tɛ do kɔrɔ nun kɔnɔ tɛ kɛ, wo ye anu mintanna le. N ba anu tɔrɔ, wo ye a lɔnna wo le ma ko nde le Mari la.

Isikiyɛli 5:15

“Nde, Mari wa diminya wo ma ka wo tɔrɔ, sibolo-gbɛrɛ minnu bi wola foolɛ rɔ, wonu kun ma si kɔ. Anu si nyima wo rɔ ka wo rasɛ.

Isikiyɛli 6:7

Mɔgɛnu si faga da-wo-da. Minnu bi tola anu niyi la, wonu si n lɔn Mari la yati!

Saraka-Masɔlɛnuta Tɔnnu 17:10

Isirɛla mɔgɛ wo, sundan wo, ni a ya soge anubɛ a yele dɔn, Mari si diminya wo tigi ma. Mari ti a miri wo mɔgɛ ma ko atɛ le wo mɔgɔ sufa la

Saraka-Masɔlɛnuta Tɔnnu 22:3

Aruna kegeyɛ saraka-masɔlɛ min sɛninyani ma iko tɔn ya a fɔ nya min, wo ni ta saraka-masɔ-wɔli-kɛ-tinɛ. Ni min bi wo mala, ale ti ke tun ka saraka-masɔ-wɔlɛ kɛ. Tɔn le kɛ la Aruna anubɛ a kegeyɛnu kuma ha duninya si ban. Wo Mari le nde la min bara kɛ fɔ.

Saraka-Masɔlɛnuta Tɔnnu 26:17

Nde nyɛrɛ si n kan-kɔ sɔ wo la. Wo yogenu si nɔ-ko sɔrɔn wo ma. Wo ma di mɔgɛ minnu ye, wonu si wo lamara. Wo si ma yutoenu na. Hali mɔgɔ sa wo gbenna, wo si wo buri.

Yilan-Yilan Koe 19:20

“Mɔgɔ-wo-mɔgɔ min ti sɔn ka a nyɛrɛ sɛninya nde, Marita sɛninya-yi wo la, wo si ma iko wo tigi nyɛrɛ ya nta Fani-Bɔn latinya. Anu si mɔgɛ wo bɔ anu kurun tɔ.

Yilan-Yilan Koe 26:10

Dugi dɛ lakara anu kɔrɔ ka anu nakunu. Tɛ ya Kora gba-fɛ-bilalɛ mɔgɔ kɛmɛ fila mɔgɔ bi-loli (250) mintan gburr!

Romu 11:22

Wole minnu bara bui, Alla ara a ragbɛlɛya wole le kuma kɔnɔ ni wo tora ala nyimayɛ rɔ, a si to ko-nyimɛ kɛla wo ye. Kɔnɔ ni wo ma wo ma, wole bɛrɛn si keri a la. Wo si ala nyimayɛ lɔn kɛ le ma kɔnɔ a si mɔgɛ bira yisi-gbɛlɛyɛ la nya min, wole si wo fanan lɔn.

1 Kɔrɛnti 10:11

Koe kɛ bɛɛ mara anu na alako a ni ma misalɛ la mɔgɛ doinu ye. Koe kɛnu sɛbɛra ma ye alako ka ma lalɔn bawo male ye wati-laban tɔ.

Tɔn-Fɔɛ-Fila-Nyɔgɛ 28:37

Ni nyɔ-mɔgɛnu ya wo tɔrɔ-nya yen, anu ti sisi wo mafɛlɛnna. Anu si wo manyini ka wo lafɛya bɛrɛkɛ!

Tɔn-Fɔɛ-Fila-Nyɔgɛ 28:46

Tɔrɔyɛ wo si ma Allata-kiti-misalɛ la wo kegeyɛnu ye burubukai!

Tɔn-Fɔɛ-Fila-Nyɔgɛ 29:19

“Ni mɔgɔ-sufa wo ya lanyiri-kumɛ kɛ lamɔɛn, a ni duwa-kumɛ wo labira a nyɛrɛ ye kɔnɔ a yisi rɔ, a ye a fɔla ko, ‘Sɔ de, n bi min mala, n ni wo ma n ye. N ti nanparan mumɛ sɔrɔn.’ Ni min ya a tui ka wo ma, wo tigi si nanparan lana wo bɛɛsi kuma. Mɔgɔ-nyima wo, mɔgɔ-koron wo, wo bɛɛ si faga.