Isikiyɛli 14:5 - ALLALA KUMƐ

⁵ bawo bɛsɛ wonu bara-koe ara a ma, Isirɛla mɔgɛnu bara bɔ n bolo. Kɔnɔ n bi anu yabila nya min, wo si a ma, anu ni sɛgi n ma tun.

Isikiyɛli 14:5 ပူးပေါင်းရင်းမြစ်များ

Aiseya 1:4

Wole Isirɛla mɔgɛnu, hakɛ-tigi anubɛ ko-yogoma-kɛlɛnu le wole la. Gbalo ye wo kuma. Wola hakɛ ye tala wo lasɛgila wo kɔma. Wo ara wo ban Mari la, Isirɛlata Alla-sɛnimɛ, kɔni. Wo ara wo kan-kɔ sɔ a la.

Yɛrɛmaya 17:10

Kɔnɔ Mari ko ale le si ke mɔgɔ-burɛ lɔnna. Ale le si mɔgɔ-miriya kɔrɔbɔ. Woletɔ a ko min bɛnnɛ mɔgɛ bɛɛ ma, ale le si ke wo latɛgɛla. A ko a si bɛɛ sara a sara-nya la.

Yɛrɛmaya 2:5

Mari ko a ya a telen wo benbanu ye min kɛ, nfenna anu ya anu kan-kɔ sɔ a la? A ko wo benbanu ya bɛsi-fufafuyinu kɔ ha anu denu fanan mara mɔgɔ-fufafuyinu na iko anuna bɛsɛnu.

Hoseya 10:2

Yanfante-kɔrɛnu de wole la. Fɔ wo wa tɔrɔ wo hakɛla ko la. Mari si wola saraka-mintan-tinɛnu anubɛ kuru-malɛsɛnɛnu tinya feufeu!

Sakaraya 11:8

N kuruta saga-fɛ-birala sawɛ minnu ma, n ya wonu gben karɛ kelen kɔrɔ. N sɔgɔ labɔra sagɛnu fanan na ha n bandanta anu kɔrɔ.

Romu 1:28

A ma di anu ye, anu ni Alla lɔn a kilɛ fɛ min kɛ, woletɔ Alla ya anu to anuna kisimiriya-koe wonu tɔ, ado wo le ya a ma, anu ya ko-su wonu ma minnu ma bɛn mɔgɛnu tɛma mumɛ!

Romu 1:30

ka kuma-yogomɛ fɔ anu nyɔgɔn ma. Alla wara-koe gboyanɛ anu ye, ado tagasibɛlɛ le anu na anubɛ mɔgɔ-wasinɛnu anubɛ nyɛrɛ-matɔgɔlɛnu. Anu bi ko-yogoma-kurɛ rabɛnna tuma-wo-tuma. Anu ti anu sɔrɔnnɛnuna kumɛ bira muk!

Romu 8:7

Mɔgɛ min niyi sanɛ hadama-dan diyana-koenu kuma, wo tigi ara ma Alla yoge la bawo a sa Allata tɔn birala, ado a ti ke a birala mumɛ!

Kalesiya 6:7

Wo kana wo nyɛrɛ yanfa bawo mɔgɛ ti ke Alla mayuwayala. Mɔgɔ wa min fui, a ye wo le tɛgɛla, yɔ!

Ɛfɛsa 4:18

Anu hɛnkili ye pinpi rɔ. Alla ye nimayɛ min dila male ma, anuta fenfen sa wo rɔ bawo anu ma ko-wo-ko nya-yen anuna yisi-gbɛlɛyɛ bolo.

Kɔlɔsi 1:21

Fɔlɔ-nun, wo gbɛrɛnni ma Alla ma! Wola kɛwɔli-yogomɛ anubɛ wo miriyanu ya a ma, wo mara a yogenu na.

Hiburunu 3:12

Woletɔ n na-kelen-nyɔgɛnu, wo ni a ma wo fɛrɛma. Ni-yogoyɛ wo, dɛnkɛninyabɛlitayɛ wo, wo fenfen kana taran wo tɛma min si a ma, wo ni wo kan-kɔ sɔ Alla nimɛ la.