Isikiyɛli 14:22 - ALLALA KUMƐ

²² Ni minnubɛ anuna dannu kunyɛ ma to kɛ rɔ, ni wonu nara i wara, i ni i yɛ bɛn wonu ma. I si a yen yati ka a fɔ ko mɔgɔ-yoge le wonu denu na. I ye a lɔnna wo le ma ko n ya tɔrɔyɛ min sigi Yerusalɛm kɛnu ma, a bɛnnɛ, n ni a sigi anu ma.

Isikiyɛli 14:22 ပူးပေါင်းရင်းမြစ်များ

2 Ko-Kɔrɔta-Karan 36:20

Minnu tora anu niyi la, anu tara wonu na Babilɔn nyamanɛ rɔ. Wonu kunyɛ ma bɔ yɔɔnyɛ rɔ ha Babilɔn kɛnu mamanɛnu sɔrɔnta. Wo wati le tɔ, Pasiya kɛnu nara Babilɔn nyamanɛ bi.

Aiseya 24:13

A ye mala nyamanɛ bɛɛ la ka le duninya mumɛ bɛɛ rɔ. Duninya si ma iko mɔgɔ wa kɔlɔma anubɛ nɔnbɔ-gbɔɛ bɛɛsi keri. Fenfen ma to.

Aiseya 6:13

Mɔgɔ-kɔnɔntɔ wo mɔgɔ-kɔnɔntɔ, hali a tan nyɔgɛ min tora, n si wo fanan kasara. Nta mɔgɔ-yabɔnɛ minnu tonɛ kɛ, wonu si ma iko kɔlɔma-kuru-wɛ min tɛgɛnɛ dugi rɔ. Kɔnɔ kɔn-kundi min tonɛ wo la, wo si a matii ka ma Allata mɔgɛnu tamasere la.”

Yɛrɛmaya 30:11

A ko a si na wo kisi. Wo ranyɛnsɛnnɛ sibole min bɛɛ tɛma, a ko a si wonu dama kasara pɔ! Kɔnɔ a ti wo lato. A ko a ti wo to wo tɔrɔbɛlɛ la kɔnɔ a ko a si wo tɔrɔ iko a bɛnnɛ wo ma nya min. Mari nyɛrɛ kan le kɛ la.

Yɛrɛmaya 4:27

Mari kuman-kan le kɛ la. A ko a si nyamanɛ tinya kɔnɔ a ti a mumɛ bɛɛ halaki.

Yɛrɛmaya 5:19

Wole Yuda mɔgɛnu si to nyinikalɛnu kɛla ko nfenna wota Mari Alla ye karagbɛlɛya-su kɛ sigila wo ma. Mari ko nde, Yɛrɛmaya ni wo yabi ko a ye wo mala le bawo wo ara ale Mari boloka ka sibolo-gbɛrɛnuna bɛsɛnu kɔ wo halala-nyamanɛ rɔ. Woletɔ wo si wɔli sibolo-gbɛrɛnu ye nyamanɛ do rɔ, wo halala ma min na.

Isikiyɛli 12:16

Kɔnɔ n ti sɔn kɛlɛ anubɛ kɔnkɛ anubɛ kirayɛ ni anu damasi faga. Donu si to anu kɛndɛ la. Wo le si a ma, anu ni a lɔn worɔ anu bara ko-yogoma-sufa minnu ma. Wo kɔma, anu si a fɔ worɔ ko Mari le nde la.”

Isikiyɛli 16:54

I si miliya i nyɛrɛ ma bawo i wara min ma, wo ara i na-kelen-nyɔgɔ-musi wonu kun na ara diya.

Isikiyɛli 16:63

N si wo makoto wola ko-yogomɛ bɛɛ la. Wo yili ti bɔ wola ko-yogomɛ wonu ko, ado wo si miliya wo dɛ tugula wo sɔn-yogomɛ wonu na. Nde, i Tigi Mari kan le kɛ la.’ ”

Isikiyɛli 20:43

Anu bara anu nyɛrɛ latinya min bɛɛ ma kisimiriya-ko-ladannu tɔ, anu hɛnkili si to wonu ko wati wo le tɔ. Anu si nyima anu nyɛrɛ rɔ ka a tɛgɛ anuna ko-yogomɛnu ma.

Isikiyɛli 31:16

N ba a lakɛ lakira, a huma-human-kan si sibole bɛɛ rakilan. Idɛn kɔlɔma-nyimɛ anubɛ Lɛbanan kɔlɔma-nɔrɔnnɛ minnu bara ta lakira nun a yarɔ, wonu si nyagalen ka a tɛgɛ a bu-koe ma.

Isikiyɛli 32:31

“Iyipiti mansɛ anubɛ ala kɛlɛ-dan minnu kunyɛ tora kɛlɛ rɔ, wonu ba mɔgɛnu yen ko wonu bara kofu anu ma lakira, wo si diya anu ye koikoi! Nde, i Tigi Mari kan le kɛ la.

Isikiyɛli 36:20

Anu tara kan-tinɛ min bɛɛ rɔ, anu ya tɔgɔ-tinyɛ sanba n ma. Mɔgɛnu kɛnɛna a fɔla ko, ‘Marita mɔgɛ le kɛnu na kɔnɔ hali wo, a ara anu gben ata nyamanɛ rɔ.’

Isikiyɛli 36:31

Anu hɛnkili si to anuna ko-yogomɛnu anubɛ anu sɔn-yogomɛnu ko. Anu ba anu miri wonu ma, anu si nyima anu nyɛrɛ rɔ.

Isikiyɛli 7:16

Minnu bi bɔla folenu tɔ ka anu buri kɛlɛ kɔrɔ, wonu si ta kɔnkɛnu tɔ. Anu si to dila nyɔ iko purulan ka a tɛgɛ anu hakɛla ko ma.

Maika 5:7

Isirɛla mɔgɛ toe minnu bi tola, wonu si bui ma yogenu ma tiriya iko bandɛ si bui dugi ma nya min bawo wo tungu sigini ma mɔgɛ la fɔ Mari.

Maraka 13:20

Kɔnɔ Mari ara ban do bɔla tele wonu na. Ni a ma wo ma nun, mɔgɔ-wo-mɔgɔ ti kisi. Kɔnɔ Mari si do bɔ tele wonu na ala mɔgɔ-yabɔnɛnuna ko la.

Tɔn-Fɔɛ-Fila-Nyɔgɛ 4:31

a si kinikini wo ma worɔ. A ti wo boloka, a ti wo halaki. Anubɛ wo benbanu ya sarama-kan min kiri, a ti nyina wo ko.