Isikiyɛli 14:19 - ALLALA KUMƐ

¹⁹ “Tumado, n si wuka le latugu anu ma ka mɔgɛnu anubɛ sogenu nato yisi-bɔɛ bolo.

Isikiyɛli 14:19 ပူးပေါင်းရင်းမြစ်များ

2 Samuwɛli 24:13

Nɛbi Kadi tara a taran. A ya Mari kuman-kan wo latenbi a ma, a ko, “I ni ita bi kɛ sawɛ rɔ, san sawa, kɔnkɔ-fitinɛ ye ila nyamanɛ rɔ wo, karɛ sawa, wo ye wo burila wo yogenu kɔrɔ wo, tele sawa, kiraya-fitinɛ yɛ ila nyamanɛ rɔ wo. I miri a kilɛ fɛ. I ni ita bi. N ni ta wo fɔ Mari ye.”

2 Samuwɛli 24:15

Wo le ya a ma, Mari ya kiraya-fitinɛ layigi Isirɛla mɔgɛnu kuma ka a dabira wo wulun sɔgɔmɛ ma, fɔ a wati-latɛgɛnɛ kenɛ Mari bolo. Mansa Dawudala nyamanɛ mumɛ bɛɛ rɔ, mɔgɔ waga bi-wɔrɔnfila (70,000) le kunyɛ tora kiraya-fitinɛ wo rɔ.

1 Mansɛnu 8:37

“Ni kondɔnnu anubɛ tunbinu ya a ma, kɔnkɔ-fitinɛ ni nɔ-ko sɔrɔn mɔgɛ kɛnu ma, ni wo ma, fui-fannu ma wa fɔsɔ ka kɛrin, ni anu ya i matara, i ni anu makoto. Ni anu yogenu nara ka anu namini anu kɛlɛ-koe la, ni wo ma, kasarɛ, hali kiraya-yogomɛ ni anu tɔrɔ, ni anu ya i matara, i ni anu makoto.

2 Ko-Kɔrɔta-Karan 20:9

Anu ya a lɔn ko kɛlɛ wo, kiraya-fitinɛ wo, kɔnkɔ-fitinɛ wo, anubɛ ni tɔrɔya-wo-tɔrɔya ya anu taran, anu si na anu sɔ Bato-Bɔn kɛ yarɔ ka i matara, i si anuna matarali-kan lamɔɛn ka anu dɛnbɛ.

2 Ko-Kɔrɔta-Karan 6:28

“Ni kondɔnnu, ni wo ma, tunbinu ya a ma, kɔnkɔ-fitinɛ ni nɔ-ko sɔrɔn mɔgɛ kɛnu ma, hali fui-fan la ara kerun, ni anu ya i matara, i ni anu makoto. Ni anu yogenu nara ka anu namini anu kɛlɛ-koe la, ni wo ma, kiraya-yogomɛ ni anu tɔrɔ, ni anu ya i matara, i ni anu makoto.

2 Ko-Kɔrɔta-Karan 7:13

Ni n ya yili kiri bandɛla nɛ la wo, ni n ya kondɔnnu nana ka wola ki-fannu dɔn wo, ni n ya kiraya-yogomɛ latenbi nna mɔgɛnu ma wo, n ba wonu ma tumɛ min,

Yaburi 91:3

Ale le si i latanka ko-dogonni-masibɛ bɛɛ ma. A si i lakanan saya-kirayɛ bɛɛ ma.

Yaburi 91:6

Hali i ma kilan kirayɛ la min bi i manɛgɛnna suyi rɔ. Hali i ma kilan teleta kasarɛ la.

Aiseya 34:3

Anu togonna fenfen ti taran. Anu tulinɛ si to sani fɔ anu sumɛ min bi bɔla. Kɔnkɛnu si wulen anu yele bolo.

Aiseya 37:36

Marita melika yigira Asiriyanuna dagɛ rɔ. A ya mɔgɔ waga kɛmɛ kelen mɔgɔ waga bi-segin ani mɔgɔ waga loli faga Asiriyanu tɔ (185,000). Bandɛ kanɛ, wonu furi taranta nyɔ.

Yɛrɛmaya 14:12

Hali wo ya sunyɛ don, a ko a ti a wɔlɔ matɔlɔ wola madiyali-kan la. Hali wo ya saraka-mintantɛ anubɛ fui-fen-sarakɛ di a ma, a ti sɔn anu na. A ko kɛlɛ wo, kɔnkɔ wo, kiraya wo, a ko a si wole, Yuda kɛnu halaki wonu na.

Yɛrɛmaya 21:6

A so-burɔ-mɔgɔ wo, a kolo-fen wo, Mari ko wo dama tɔgɛ si to kiraya-yogomɛ la.

Yɛrɛmaya 21:9

Mɔgɔ-wo-mɔgɔ tora soe burɔ, ni anu tɔgɔ ma to kɛlɛ la, anu tɔgɔ si to kɔnkɔ-fitinɛ la. Ni min tɔgɔ ma to kɔnkɔ-fitinɛ la, anu tɔgɔ si to kiraya-fitinɛ la. Kɔnɔ ni min tara Babilɔn kɛlɛ-dannu bara ka dɛgɛ min wonu ye, wo tigi ti faga. Minnu bi tala dɛgɛ min tinɛ, wo ye tala a niyi le dɔrɔn na a bolo.

Yɛrɛmaya 24:10

A ko a si kɛlɛ anubɛ kɔnkɛ anubɛ kirayɛ latugu wo ma. Hali wo mɔgɔ-den-kolo-kelan, wo ti to a niyi la nyamanɛ wo rɔ a ya min di wobɛ wo benbanu ma.

Isikiyɛli 14:18

Hali mɔgɔ sawɛ wonu bi nyamanɛ wo burɔ nun, n bara n keli n nyɛrɛ rɔ ko hali anuna dannu, anu ti ke wonu nakisila fɔ anu nyɛrɛ dɔrɔn.

Isikiyɛli 14:20

Ni n ya wo ma, hali Nowa anubɛ Danɛli anubɛ Yobu taranta nyamanɛ wo rɔ nun, n bara n keli n nyɛrɛ rɔ ko hali anuna dannu, anu ti ke wonu nakisila fɔ anuna telenbagayɛ, wo le ye anu kisila.”

Isikiyɛli 14:21

Ma Tigi Mari kan le kɛ la ko, “N si nta tɔrɔya-su nanɛ kɛnu nana Yerusalɛm kɛnu ma min tenbira tɔrɔyɛ bɛɛ la, kɛlɛ wo, kɔnkɔ-fitina wo, sogo-feremɛnu wo, anubɛ wuka. Wonu si mɔgɛnu anubɛ sogenu nato dogbe!

Isikiyɛli 21:31

N ba nna diminyɛ labɔ wo ma iko ta-mɛlan, wo si a lɔn. N si wo kunyɛ don yisi-gbɛlɛtenu bolo minnu si wo faga boloko-yogomɛ-kɛ.

Isikiyɛli 36:18

Anu bara fagalɛ min kɛ nyamanɛ rɔ ka nyamanɛ latinya bɛsi-kɔ-koe la fanan, anu ya nna fanka dan-natenbi lɔn wo le ma.

Isikiyɛli 38:22

A ko a si a tɔrɔ kirayɛ anubɛ fagalɛ la. Bandɛ wo, banda-kole wo, tɛ wo, munku-gbɛ wo, a si wonu basan anu nyɔgɔn na pirikali, ka a rawuya ale Mansa Kɔgi anubɛ ala kɛlɛ-dannu ma. Sibolo-siyamɛ minnu kofunɛ a ma kɛlɛ rɔ, a ra si wuya wonu fanan ma.

Isikiyɛli 5:12

Wole Yerusalɛm kɛnu tatalanɛ sigi-tina sawa la, a tɔnkɔn kelan si to kirayɛ anubɛ kɔnkɛrɔ-soe burɔ. A tɔnkɔn kelan, wonu kundu si bɔ faan la soe kɔma. A tɔnkɔn kelan fanan ta si nyɛnsɛn kesemeren, iko fɔnyɔ wa ta fen na. N si wo sagaran faan la.

Isikiyɛli 7:8

“A ti mɛ tun, wo ye nala nna diminyɛ bɛɛ yenna. Wo ara kasarɛ anubɛ kisimiriya-koe minnu nadan, n bi nala wole kitila ka wo yili sara wo la.

Emɔsi 4:10

Mari ko ale le ya tɔrɔyɛ sigi wo la iko a ya a ma Iyipiti kɛnu na nya min. Ale le ya a ma, wola den-keminɛnu fagara kɛlɛ rɔ. Wo yogenu tara wola soeenu na. A ya a ma, furinu tulun-sumɛ ya wo tɔrɔ wola dagɛnu tɔ. Hali wo, wo ma sɔn wo ya-lamununna Mari la mumɛ!

Yilan-Yilan Koe 14:12

N si min ma gbɛ, n si kiraya-fitinɛ layigi anu kuma ka anu damasi lato dogbe! Kɔnɔ n si ile, Musa ma bɔnsɔn-kunyɛ la, bɔnsɔn min kolo, ado anu tagbɛlɛ ka tenbi bɔnsɔn kɛnu na!”

Matiyu 24:7

Sibolo-gbɛrɛnu si wuli anu nyɔgɔn kan ma. Nyamanɛnu si wuli anu nyɔgɔn kan ma. Kɔnkɔ-fitinɛ si na. Dugu-yɛrɛyɛran si kɛ kan tina siyaman tɔ.