Isikiyɛli 13:17 - ALLALA KUMƐ

¹⁷ Mari ko, “Ile hadama-dan, i yɛ lata musinu ma wo tɛma minnu bi anu diyala-a-la foninya-wɔlɔyiya-kumɛnu bɔla anu kunyɛ rɔ. I ni anu makuma.

Isikiyɛli 13:17 ပူးပေါင်းရင်းမြစ်များ

2 Mansɛnu 22:14

Nɛbi-musi do siginɛ Yerusalɛm kan-tina-kurɛ do rɔ, a tɔgɛ Hulada. Nɛbi-musi kɛla kei le Tekefala den Salumu na. Salumu wo benba tɔgɛ le Harahasi. Bato-Bɔn wo durukinu namaralɛ le ale Salumu na. Koe min bɛɛ mara, anu ya wo rakaran nɛbi-musi wo ye.

Nihɛmaya 6:14

Woletɔ n ya matarali-kɛ. N ko, “Nta Alla, Tobaya anubɛ Sanbalati bara min ma n na, i fonde lamiri wo ma ka anu tɔrɔ. Hali Nɛbi-Musi Nowadaya anubɛ nɛbi-siyaman bara anu taya ka n takilan nya-wo-nya, i fonde lamiri mɔgɛ wonu ma.”

Aiseya 4:4

Mari si kiti sa ka Yuda nyamanita-mɔgɛnu sɛninya. Ata sɛnbɛ si Yerusalɛm yele ku a ma ka yiliki bɔ a ma.

Isikiyɛli 13:2

“Ile hadama-dan, fɔ i ni kuma Isirɛla foninya-wɔlɔyiya-kuma-fɔlɛnu ma minnu bi foninya-wɔlɔyiya-kumɛnu bɔla anu kunyɛ rɔ, kɔni. A fɔ anu ye ko anu ni anu tole masɔ nde, Marita kumɛ la.

Isikiyɛli 20:46

“Ile hadama-dan, i yɛ layigi dugi la Yuda nyamanɛ rɔ. I ni nyɔ-mɔgɛnu makuma. I ni wɔlɔyiya-kumɛ fɔ ka a tɛgɛ anuna gbɔngbɔnnu ma.

Isikiyɛli 21:2

“Ile hadama-dan, i yɛ lata Yerusalɛm soe ma. Kuma anu ma anubɛ anuna batoli-tinɛ fanan ma. I ni Isirɛla mɔgɛnu makawandi

Isikiyɛli 4:3

I ni nɛgɛ-walan do sɔ wobɛ so-ladannɛ wo tɛma sansanyɛ la. Soe wo min nadannɛ bulɔku wo ma i bolo, i ni i ya-lamunun wo la. Soe wo si taran de kɛlɛ kɔrɔ, ado a si ma iko ile le ye soe wo kɛlɛ tinɛ. I bolo gbɛ kɛnu si ma tamasere la Isirɛla mɔgɛnu ye.

Luka 2:36

Nɛbi-musi do ye nyɔ nun, a tɔgɛ Anna. Fanuwɛlila dan le wo la ka bɔ Asɛra bɔnsɔn rɔ. Musu-kɔrɔ-ba le min bara san bi-segin ani san nani bɔ. A ya san wɔrɔnfila dɔrɔn kɛ kei-wara-sigi rɔ, yanni a ni ma kɛɛ-musi la. A ye Alla-Bato-Bɔn la tolon ka to Alla batola su-ni-tele madiyalɛ anubɛ sunyɛ rɔ.

Kɛwɔlɛnu 21:9

Dunmusu-nɛ mɔgɔ nani ye a bolo ala bɔn la. Wonu si wɔlɔyiya-kumɛ fɔ.

2 Pita 2:1

Foninya-nɛbinu bi fɔlɔ-mɔgɛnu tɛma nya min nun, foninya-karan-mɔgɛnu si taran wo fanan tɛma wo nya na le. Anu si na foninya-karan la, min si halakilɛ kɛ. Mari min ya anu hɔrɔya, anu ya anu kan-kɔ sɔ wo la. Wo si halaki-lakalimɛ lana anu nyɛrɛ kuma.

Lankɛnimayɛ 2:20

Kɔnɔ min bi n kɔntɔ wo kan ma, wo le kɛ la. Wo ye sɔnna musi dola koenu ma, Yɛsɛbɛli, kɔni, min bi a nyɛrɛ kelela ko Allata kilayɛ. A ye mɔgɛnu karanna ka nna wɔli-kɛlɛnu nasama alako anu ni don yɛlɛnyɛ rɔ. A ye anu karanna bɛsi-kɔ-fannu dɔn-koe ma fanan.

Kɛlɛ-Kurugbɛnu 4:4

Lapidɔtila musi Dɛbora, nɛbi le wo la nun min bi kiti-tɛgɛlayɛ la Isirɛla mɔgɛnu kun na wo wati rɔ.