Isikiyɛli 12:7 - ALLALA KUMƐ

⁷ N ya a ma iko Mari ya a fɔ n ye nya min. Wulɔn-tele nyɛrɛ rɔ, n ya nna dunɛnu mabɛn iko kɛlɛ-kɔrɔ-maburilɛ. Yanni a la ni fin, n ya woe labɔ nna bon-dandan ma n bole la. N bɔra nyɔ. N ke luyi ma, n ya nna dunɛ dun n kɛɛ la bɛɛ yala. N tara n ye.

Isikiyɛli 12:7 ပူးပေါင်းရင်းမြစ်များ

Isikiyɛli 12:3

“Ila mirannu mabɛn iko kɛlɛ-kɔrɔ-maburilɛ. Yanni a la ni fin, i ni tagama dabira. I wa wuli, bɛɛ ni i yen tala. Tumado, mɔgɔ-murutiyanɛ wonu si i yen tala.

Isikiyɛli 12:8

Wo banda kɛ, Mari ya a fɔ n ye, a ko,

Isikiyɛli 2:8

“Ile hadama-dan, i tole masɔ nna kumɛ la. Ile kana murutiya iko anu denu. N bi nala min dila i ma, i ni i dɛ laka wo dɔn-tinɛ.”

Isikiyɛli 24:18

Tele wo nyɛrɛ sɔgɔma, nde, Isikiyɛli ye kumala mɔgɛnu na nun. Wo wulɔn wurɛ la, nna musi tɛgɛra a ma. Wo banda kɛ subaga ma, n ya a ma iko Mari ya a fɔ n ye nya min.

Isikiyɛli 37:10

Woletɔ n kumara fɔnyɔ ye iko Mari ya a fɔ n ye nya min. Fɔnyɔ donta anu tɔ nya min, anu donta anu niyinu nafɛyɛ rɔ ka anu nasɔ. Anu yatɛ min bi nyɔ, wo kera sɛra-wɛ la.

Isikiyɛli 37:7

Woletɔ n kumara kole wonu ye iko Mari ya a fɔ n ye nya min. N bi kumɛ kɛ fɔɛ kun na, n ya a lamɔɛn gbasakara-gbasakara. Yaga, kole wonu bara wuli tugunna anu nyɔgɔn na iko anu bi nya min nun.

Maraka 14:16

Karan-dan wonu tara soe burɔ. Anu ya fan bɛɛ taran iko Yisa ya a fɔ anu ye nya min. Anu ya Kanan-Koe kima rabɛn nyɔ.

Yɔni 15:14

Ni wo ya nna kumɛ bira, n diyana-mɔgɛnu de wole la.

Kɛwɔlɛnu 26:19

“Woletɔ Mansa Agaripa, ko-rayirɛ min bɔra san-kole rɔ, n ma wo masɔsɔ.