Isikiyɛli 12:23 - ALLALA KUMƐ

²³ A fɔ anu ye ko wo Tigi Mari le kɛnu wara-koe fɔla wo ye. A fɔ anu ye tun ko n si tɔn sigi anuna sarandi-sɛ wo la. Mɔgɔ ti wo fɔ Isirɛla nyamanɛ rɔ tun. Wo kɔma, a fɔ anu ye ko anu bi min fɔla gbɛ anubɛ anu bi wɔlɔyiya-kumɛ minnu fɔla, anu kan ni bɔ a la ko-rayirɛ wo rɔ. Wo wati ara ke!

Isikiyɛli 12:23 ပူးပေါင်းရင်းမြစ်များ

Yaburi 37:13

Kɔnɔ Mari ye yɛlɛnna karagbɛlɛ wonu ma bawo a ya a lɔn ko wonu sa mɛla halakila.

Aiseya 28:22

Wo kana yɛlɛn nna makawandili-kumɛnu ma. Ni wo ya wo ma, wo si dunɛ lawara wo nyɛrɛ kuma. Nyamanɛ kɛ mumɛ kasara-koe Mari Sɛnbɛ-Bɛɛ-Tigi bolo, n bara wo lamɔɛn feu!

Isikiyɛli 12:25

Anuta Mari kan le kɛ la. N ba min fɔ, wo le ye mala. A makɔnɔ-wati-wo-wati sa nyɔ tun. N bara mɔgɔ-murutiyanɛnu makawandi minnu ma, fɔ n ba wonu ma le anu siyi-tele-bɛɛ kɔrɔ serr! Nde, anu Tigi Mari kan le kɛ la!”

Isikiyɛli 16:44

“ ‘Nba, ile Yerusalɛm, mɔgɛnu si hɛnkilimaya-kumɛ kɛ fɔ i wara-koe rɔ. Anu kɛnɛna a fɔla ko, “Dunmusi si bɔ a na le la,”

Isikiyɛli 18:3

“Nde, wo Tigi Mari Alla ya n keli n nyɛrɛ rɔ ko kuma sufa kɛ ti fɔ Isirɛla nyamanɛ kɛ rɔ tun!

Isikiyɛli 7:2

“Ile hadama-dan, nde, wo Tigi Mari Alla ye nala min fɔla Isirɛla mɔgɛnu ye, wo le kɛ la. Isirɛla nyamanɛ mumɛ lato-wati ara ke.

Yowɛli 2:1

Wo ni mɔgɛnu-nalɔn-buri fɛ Bato-Bɔn la Yerusalɛm soe burɔ. Wole Yuda nyamanita-mɔgɛnu, wo ni yɛrɛyɛrɛn kilan bolo bawo Mari natoe le, ado wo wati ara gbɛrɛn.

Sɛfanaya 1:14

Marita kiti-tɛgɛ-wati ara gbɛrɛn, ado a ti mɛ! Wo tele si gbɛlɛya kati! Hali kɛlɛ-den-tagbɛlɛmɛnu si di bawo anu yigi ara tɛgɛ tɔrɔya-sufa wonuna ko la.

Malakayi 4:1

Mari Sɛnbɛ-Bɛɛ-Tigi ya a fɔ ko wati ye nala, mɔgɔ-wasinɛnu anubɛ karagbɛlɛ damasi si mintan gburr iko bin-gbalɛ.

Matiyu 24:34

Wo ni wo hɛnkili to kɛ ko! Yanni mɔgɛ wo bɛɛ ni faga, koe kɛ bɛɛ si bɔ-a-la.