Isikiyɛli 12:19 - ALLALA KUMƐ

¹⁹ A fɔ Isirɛla mɔgɛ bɛɛ ye ko kilayɛ kɛ ye bɔla wo Tigi Mari le bolo Isirɛla mɔgɛnu denu ye minnu bi anu niyi la Yerusalɛm soe burɔ. Anu si yɛrɛyɛrɛn fen-dɔn-tinɛ. Anu tenbi anu minna, anu kun ma si kɔ kilan bolo. Fenfen ti taran anuna nyamanɛ rɔ ka a tɛgɛ anuna karagbɛlɛyɛ ma.

Isikiyɛli 12:19 ပူးပေါင်းရင်းမြစ်များ

Yaburi 24:1

Duninya anubɛ fan min bɛɛsi ye a rɔ anubɛ male hadama-dannu, Maritɛ le wonu na.

Aiseya 6:11

N ya Mari manyinika. N ko, “Kɛ si to a la ha wati nyamintan?” A ya a fɔ n ye ko, “Kɛ si to a la ha soenu ta ni kolonya ka tii mɛmɛ! Ha bɔnnu na ni kolonya filili! Fɔ nyamanɛ bɛrɛn ni kasara pɔ!

Yɛrɛmaya 10:22

Wole Yuda kɛnu, wo ni wo tole rabalan. Kɛlɛ-mankan ye nala. Kɛlɛ-sɔnkɔ-sɔnkɛ ye nala ka bɔ kantɔ-wara la. Wo yogenu si wola soenu ma tonbɔn la iko wula-da-rakolɔn. Nyɔ si ma fira-wulinu barɛ la.

Yɛrɛmaya 18:16

Woletɔ wole, Yuda nyamanɛ si ma nyamani-fuyi la. Nyamanɛ wo si ma yɛlɛnma-fan la mɔgɛnu ye. Mɔgɛnu ba bɔ nyɔ, anu si kawa ka anu kunyɛ firifiri. Wola nyamanɛ wo tinya-koe si ma tɛrɛna-koe la mɔgɛnu bolo.

Yɛrɛmaya 25:11

Nyamanɛ mumɛ bɛɛ kasaranɛ si to. San bi-wɔrɔnfila dɛgɛdɛgɛ, wobɛ wo dan-masa-nyɔgɛnu bi Babilɔn mansɛ kɔrɔ.

Yɛrɛmaya 32:28

A ko a si soe kɛ latenbi Babilɔn Mansa Nɛbukanasa anubɛ ala kɛlɛ-dannu ma. Anu si soe bira

Yɛrɛmaya 33:10

Mari ko mɔgɛnu bi a fɔla ko yan bara ma wula-da-rakolɔn la. Mɔgɔ sa yan, kolo-fan sa yan. Mari ko anu ya tonyɛ le fɔ wo la. Yerusalɛm soe anubɛ Yuda nyamani-toe ra ara kolonya filili! Hali mɔgɔ-den-kelan sa anu tɔ tun. Kɔnɔ sewɛ-yerelen-tɛgɛ-kan si fɛrɛn nyɔnu tɔ tun. Mɔgɛ si sewa-tolɔn anubɛ kɔnyɔ-masɔ-tolɔn lamɔɛn tun nyɔ rɔ. Mɔgɛnu tenbi nala baraka-bira-sarakɛnu na Mari ye, mɔgɛnu bi bɛti-sufa kɛnu namɔɛnna ka le. “Ma ni baraka bira Mari Sɛnbɛ-Bɛɛ-Tigi ye bawo a nyimayanɛ, ado ala keninteyɛ ti ban.” Ale Mari ko a si nyamanɛ kɛ lata yarɔ iko a ye nya min nun, yɔ! Ale Mari kan le kɛ la.

Yɛrɛmaya 33:12

Mari Sɛnbɛ-Bɛɛ-Tigi ko nyamanɛ kɛ min manɛ wula-da-rakolɔn la nun, ado mɔgɛnu anubɛ kolo-fannu sa a rɔ, nyɔ si sabati. Saga-fɛ-biralɛnu si ta anuna sagɛnu na nyɔ rɔ tun.

Yɛrɛmaya 4:27

Mari kuman-kan le kɛ la. A ko a si nyamanɛ tinya kɔnɔ a ti a mumɛ bɛɛ halaki.

Yɛrɛmaya 6:7

Iko yi si bɔ tenke rɔ nya min, karagbɛlɛnuna wunduyogoyɛ si bɔ Yerusalɛm soe burɔ wo nya na le.” Mari ko a ye karagbɛlɛyɛ anubɛ kasara-kan lamɔɛnna soe kɛ rɔ. A ko a sa fenfen yenna kirayɛ anubɛ dumɛ kɔma soe kɛ burɔ.

Isikiyɛli 36:3

I ni nna wɔlɔyiya-kumɛ kɛ latenbi anu ma ko Isirɛla mɔgɛnu dan-masa-nyɔgɛnu nara bui Isirɛla nyamanɛ ma tumɛ min ka a kɔnkɔrɔ-fannu kankan, anu ya Isirɛla lafɛya dɔgɔma-ma-de!

Isikiyɛli 4:16

Wo kɔma, a ko, “Ile hadama-dan, n bi nala kilɛ tɛgɛla Yerusalɛm dɔn-fen-koe ma. Anubɛ min nɛ ye anu bolo, anu si to wo makisila ka a dɔn haminyɛ la anu bolo.

Isikiyɛli 6:14

Tonyɛ le wo la. N si n bole lata ka anuna nyamanɛ tinya. Ka a bi anuna wula-da-rakolɔn dugu la, ha ka ta a sigi Ribila soe kan tɔ pon, Isirɛla mɔgɛnu siginɛ kan tinɛ min bɛɛ rɔ, n si wo bɛɛ halaki pɔ! Mɔgɛ bɛɛ si a lɔn worɔ ko Mari le nde la.”

Isikiyɛli 7:23

“Kɔndɔfili ye kan-tinɛ bɛɛ rɔ. Fagalɛ dɔrɔn, wo le nyamanɛ rɔ. Soenu nafanɛ karagbɛlɛyɛnu denu na.

Maika 7:13

Kɔnɔ yanni wo wati ni ke, wo yogenuna nyamanɛnu si ma nyamani-tinyanɛnu na ka a tɛgɛ anuna ko-yogomɛnuna ko ma.

Sakaraya 7:14

A ko wo le ya a ma, a tara wo ranyɛnsɛn nyamani-gbɛrɛkɛnu tɔ iko fɔnyɔ wa fen ranyɛnsɛn. A ya wola nyamani-hakikɛ kɛ rakolonya. A kasaranɛ tora pɔ!

1 Kɔrɛnti 10:26

ado iko a sɛbɛnɛ Allata kitabu rɔ nya min ko, “Duninya anubɛ fan min bɛɛsi ye a rɔ, Maritɛ le wo bɛɛ la.”

1 Kɔrɛnti 10:28

Kɔnɔ ni mɔgɛ do ya a fɔ wo ye ko, “Dɔn-fan kɛ dinɛ bɛsɛnu denu ma kɔɔ,” wo kana dɔn-fan wo dɔn ka a tɛgɛ mɔgɛ wo sɔndɔmɛla ko ma.