Isikiyɛli 12:15 - ALLALA KUMƐ

¹⁵ “N ba anu tanyɛnsɛn sibolo-gbɛrɛnu tɛma nyamani-gbɛrɛkɛnu tɔ, anu si a lɔn worɔ ko Mari le nde la.

Isikiyɛli 12:15 ပူးပေါင်းရင်းမြစ်များ

Yaburi 9:16

Mari ye a kɛ-nya yirala ala mɔgɛnu na iko a ye kiti tɛgɛla a kilɛ fɛ nya min. Karagbɛlɛnu fanan si bira anu nyɛrɛta yili-lasiginɛ la.

Yɛrɛmaya 29:18

A ko a si kɛlɛ anubɛ kɔnkɛ anubɛ kirayɛ ma anu gben-fan la, ado sibolo-gbɛrɛnu ba anu yen tumɛ min, anu kuma si tɛgɛ wao! Mɔgɛnu si anu manyini ka anu tɔgɛ ma dankali-kɛ-fan la.

Yɛrɛmaya 49:32

Mari ya a fɔ Babilɔn kɛlɛ-dannu ye ko anu ni nyomɛnu anubɛ kolo-fan bɛɛ bi tɛrr! A ko a si Hesɔ kɛnu fui, minnu si anu kun-sigi lawuruya, kɔni. Kasarɛ si ke anu ma kan-tinɛ bɛɛ rɔ.

Isikiyɛli 11:10

ado a ko wo kunyɛ si to kɛlɛ rɔ wota nyamanɛ kɛ rɔ yan. Woletɔ bɛɛ si a lɔn ko ale le wota Mari la.

Isikiyɛli 12:16

Kɔnɔ n ti sɔn kɛlɛ anubɛ kɔnkɛ anubɛ kirayɛ ni anu damasi faga. Donu si to anu kɛndɛ la. Wo le si a ma, anu ni a lɔn worɔ anu bara ko-yogoma-sufa minnu ma. Wo kɔma, anu si a fɔ worɔ ko Mari le nde la.”

Isikiyɛli 12:20

So-kunbɛ minnu nafanɛ mɔgɛ la, wonu si kasara pɔ! Nyamanɛ ra si kolonya iko wulɛ. Wo kɔma, anu si a lɔn ko Mari le nde la.”

Isikiyɛli 14:18

Hali mɔgɔ sawɛ wonu bi nyamanɛ wo burɔ nun, n bara n keli n nyɛrɛ rɔ ko hali anuna dannu, anu ti ke wonu nakisila fɔ anu nyɛrɛ dɔrɔn.

Isikiyɛli 24:27

Wo tele nyɛrɛ ma, ile, Isikiyɛli dɛ si fulen tun ka kuma ale ye. Wo tele nyɛrɛ ma, ile si ma tamasere la mɔgɛnu ye. Anu bi a lɔnna wo le ma ko Mari le nde la.”

Isikiyɛli 25:11

N si Mohabu kɛnu tɔrɔ woletɔ anu si a lɔn ko Mari le nde la.

Isikiyɛli 26:6

Anu si belenna anu fagala soenu tɔ hali minnu sa yi dafɛ. Wo kɔma, Taya kɛnu si na a lɔn ko nde le Mari la.

Isikiyɛli 28:26

Anu si sigi nyɔ lafɛrɛ rɔ. Anu si bɔnnu sɔ nyɔ ka ki-fannu ki. Sibole minnu tɛgɛnɛ anu tɔ, n si wonu tɔrɔ alako anu kanannɛ ni to nya min. Anu si a lɔn wo le ma ko anuta Mari Alla le nde la.”

Isikiyɛli 33:33

Kɔnɔ ila kumɛnu ba bɔ-a-la tumɛ min, anu bi a lɔnna wo le ma ko yaga, nɛbi ye anu tɛma nun, ado anu bi mala le, yɔ!”

Isikiyɛli 39:28

Nde le ya anu don biralɛ rɔ nun, ado nde le nara anu na tun anuta nyamanɛ rɔ. Hali mɔgɔ-den-kelen ma to kɔma. Wo bɛɛ wa kɛ tumɛ min, nna mɔgɛnu bi a lɔnna wo le ma ko anuta Mari Alla le nde la.

Isikiyɛli 5:10

Ka a tɛgɛ tɔrɔyɛ wo ma, denbɛnu si anuna dannu dɔn Yerusalɛm soe burɔ. Dannu fanan si anu sɔrɔnnɛnu dɔn. N si wo tɔrɔya ha ni minnu tora anu niyi la, wonu ta si nyɛnsɛn.

Isikiyɛli 5:13

“Wo si nna yisi-bɔɛ sɛnbɛ-dan lɔn ha wo tɔrɔya-nya ni n hɛnɛ. Wo wa ma, wo ti tɛrɛna wo la ko nde, Mari le wara kuma. N yisi ara bɔ ka a tɛgɛ wola telenbɛlitayɛ ma.

Isikiyɛli 6:14

Tonyɛ le wo la. N si n bole lata ka anuna nyamanɛ tinya. Ka a bi anuna wula-da-rakolɔn dugu la, ha ka ta a sigi Ribila soe kan tɔ pon, Isirɛla mɔgɛnu siginɛ kan tinɛ min bɛɛ rɔ, n si wo bɛɛ halaki pɔ! Mɔgɛ bɛɛ si a lɔn worɔ ko Mari le nde la.”

Isikiyɛli 6:7

Mɔgɛnu si faga da-wo-da. Minnu bi tola anu niyi la, wonu si n lɔn Mari la yati!

Isikiyɛli 7:4

N ti n yɛ labelen wola hakɛnu kuma ka kinikini wo ma. N ti wo to wo niyi la. Fɔ n ba wo tɔrɔ ka a tɛgɛ wola kisimiriya-koenu ma woletɔ wo si a lɔn ko Mari le nde la.

Saraka-Masɔlɛnuta Tɔnnu 26:33

N si wo yogenu nana ka wo kɛlɛ ka wo bira ka ta wo la nyamanɛ siyamɛnu tɔ. Wola nyamanɛ rakolɔn si to. Wola soenu si ma iko tonbon-kɔrɛnu.