Isikiyɛli 12:14 - ALLALA KUMƐ

¹⁴ N si anubɛ ala mɔgɛnu tanyɛnsɛn duninya-tonko-nanɛ bɛɛ rɔ, ala mɔgɔ-ba wo, a makandanna wo. Mɔgɛnu si anu nyini anu faga-koe la.

Isikiyɛli 12:14 ပူးပေါင်းရင်းမြစ်များ

Yɛrɛmaya 42:16

nba, wo kilannɛ kɛlɛ min na, wo si wo taran wo yarɔ nyɔ. Wo kilannɛ kɔnkɛ min na, wo si wo sagaran nyɔ. A ko wo si faga Iyipiti nyamanɛ rɔ nyɔ.

Yɛrɛmaya 42:22

Woletɔ wo hɛnkili ni to kɛ ko. Sigi-sɔgɛ ye wo la nyamanɛ min tɔ, wo tɔgɔ si to kɛlɛ la nyɔ, ni wo ma, kɔnkɛ anubɛ kiraya-fitinɛ.”

Yɛrɛmaya 49:32

Mari ya a fɔ Babilɔn kɛlɛ-dannu ye ko anu ni nyomɛnu anubɛ kolo-fan bɛɛ bi tɛrr! A ko a si Hesɔ kɛnu fui, minnu si anu kun-sigi lawuruya, kɔni. Kasarɛ si ke anu ma kan-tinɛ bɛɛ rɔ.

Isikiyɛli 14:17

“Tumado, n si kɛlɛ lana anu ma. N si kɛlɛ-kɛ-fen-yogomɛnu nana minnu si mɔgɛnu anubɛ sogenu wara-koe ka-a-la.

Isikiyɛli 14:21

Ma Tigi Mari kan le kɛ la ko, “N si nta tɔrɔya-su nanɛ kɛnu nana Yerusalɛm kɛnu ma min tenbira tɔrɔyɛ bɛɛ la, kɛlɛ wo, kɔnkɔ-fitina wo, sogo-feremɛnu wo, anubɛ wuka. Wonu si mɔgɛnu anubɛ sogenu nato dogbe!

Isikiyɛli 17:21

Ala kɛlɛ-den-tagbɛlɛmɛnu kunyɛ si to kɛlɛ rɔ. Ni min kunyɛ ma to kɛlɛ wo rɔ, wonu ta si nyɛnsɛn kan-tinɛ bɛɛ rɔ. Wo ye a lɔnna wo le ma ko nde, Mari kan le kɛ la.

Isikiyɛli 5:2

Kɛlɛ wa ka-a-la ila so-ladannɛ wo rɔ, i ni i kun-sigi, sigi kelan bi ka a mintan nyɔ. A sigi kelan, i ni wo ratɛgɛ gbede-gbede, ila faan wo la soe wola foolɛ rɔ. A sigi kelan min tonɛ, i si wo ranyɛnsɛn. Fɔnyɔ ni ta a la bawo nde, Mari si Isirɛla mɔgɛ wonu sagaran nta faan la.

Saraka-Masɔlɛnuta Tɔnnu 26:33

N si wo yogenu nana ka wo kɛlɛ ka wo bira ka ta wo la nyamanɛ siyamɛnu tɔ. Wola nyamanɛ rakolɔn si to. Wola soenu si ma iko tonbon-kɔrɛnu.