Isikiyɛli 12:12 - ALLALA KUMƐ

¹² Mansɛ min bi anu kun na, wo si ala dunɛnu mabɛn pinpi rɔ. A si ala dunɛnu dun a kɛɛ la. Mɔgɛnu ya woe min sin a ye, a ni bɔ wo la. A si a yɛ lakiri ka a buri a yogenu kɔrɔ. A ti a kin-kɔrɛ yen.

Isikiyɛli 12:12 ပူးပေါင်းရင်းမြစ်များ

2 Mansɛnu 7:5

Wurala-tumɛ kenɛ, anu tara Siriyanuna dagɛ rɔ kɔnɔ anu ma mɔgɔ-wo-mɔgɔ taran nyɔ.

Yobu 24:16

Kankannu si bɔnnu keri suyi rɔ. Kɔnɔ tele rɔ, anu si anu dogon alako wan-takanɛ kana ke anu ma.

Yɛrɛmaya 24:8

Kɔnɔ Yuda Mansa Sɛdɛkaya wo, ala mɔgɔ-banu wo, Yerusalɛm kɛ minnu tora Yuda nyamanɛ rɔ wo, anubɛ minnu ya anu buri tala Iyipiti nyamanɛ rɔ wo, Mari ko a si wole bira boloko-yogomɛ-kɛ iko tore minnu tulunɛ wo la.

Yɛrɛmaya 37:17

Wati-tenbinɛ, Mansa Sɛdɛkaya ya n kele ala bolɔn la. N ke, a ya n kele n dan na ka n manyinika ni Marita sarakanɛ ye n bolo. N ya a fɔ a ye, n ko, “Ɔn. Mari si a ma, Babilɔn mansɛ ni i bira.”

Yɛrɛmaya 39:4

A lɔn Mansa Sɛdɛkaya anubɛ ala kɛlɛ-dannu bolo ko anu nɔ-ko sa kɛlɛ rɔ, anu ya anu taya ka tunu suyi rɔ. Anu bɔra mansɛla nakorɔ-kilɛ la. Anu tenbira tarɛ kun-da filɛ latugun-tinɛ don-dɛ la. Anu tara anu burila Yorodan-ba-lɛɛ telen tɔ.

Yɛrɛmaya 42:7

Tele tan wo kɔma, Mari kumara n ye tun.

Isikiyɛli 12:4

Woletɔ i ni ila dunɛnu mabɛn tele rɔ alako anu ni i yen ila dunɛnu mabɛnna. Anu ni i yen tala wurɛ la iko kɛlɛ-kɔrɔ-maburilɛ.

Isikiyɛli 12:6

I ni ila dunɛ wo dun i kɛɛ la ka ta suyi rɔ pinpi rɔ. I ni i yɛ lakiri alako i kana na i kin-kɔrɛ yen. I ye min dama mala, tamasere le wo la Isirɛla mɔgɛnu ye.”