Isikiyɛli 11:21 - ALLALA KUMƐ

²¹ Kɔnɔ bɛsi-makɔsɔni-batoe di minnu ye anubɛ ko-yogoma-su bɛɛ, n si wonu dama tɔrɔ. N si anu tɔrɔ ka a tɛgɛ anu bara min ma n na. Nde, wo Tigi Mari kan le kɛ la.”

Isikiyɛli 11:21 ပူးပေါင်းရင်းမြစ်များ

Makawandili Kumɛnu 11:9

Wole fonikenu! Wo ni wo nyɛrɛ ladiya. Fananta i pose, i ni i tele kɛ. Ko-wo-ko di i ye, wo ma fasai! Kɔnɔ i miri de, lunyɛ do, i wara koe min bɛɛsi ma, fɔ Alla wa i kiti wonuna ko la.

Yɛrɛmaya 1:16

N bi nna mɔgɛnu tɔrɔla nya min, n si wo ragbɛ anu ye. N si anu tɔrɔ bawo anu bara hakɛ kɛ ka anu kan-kɔ sɔ n na. Anu bi bɛsɛnu nadanna ka nta sarakɛnu di anu ma, ado anu bi bɛsɛ wonu nadanna anu bole nyɛrɛ-nyɛrɛ le la.”

Yɛrɛmaya 16:11

Mari ko n ni a fɔ wole fanan ye ko ni wo ya kɛ yen mala wo la, wo benbanu denu fɔlɔn ya ale Mari boloka. Anu ya bɛsɛnu kɔ ka anu taya wonu ma. A ko wo benbanu fɔlɔn bara anu masɛgi Mari la. Anu ya anu ban ale Marita tɔn-bira-koe ma.

Yɛrɛmaya 16:18

A ko wole, Yuda mɔgɛnu ya karagbɛlɛyɛ min bɛɛ ma, a si wo yili sara wo la ka wo tɔrɔ hakɛ wo la iko fila fila. A ko a si wo ma bawo wo ara nyamanɛ latinya wola kisimiriya-bɛsɛnu na, ado wo ara ale Marita nyamanɛ kɛ lafa bɛsɛnu na pen!

Yɛrɛmaya 17:9

Mari ko hadama-dan-sɔn yogo ha ka a dan-natenbi. A ti a sɔn yɛlɛma mumɛ, ado mɔgɛ ti ban hadama-dan-sɔn nya-yenna.

Yɛrɛmaya 2:20

Wo Tigi Mari ko wo ara wo kan-kɔ sɔ ata Mariyɛ la bi-ko-ma! Yili min sɔnɛ wo la, wo ya wo ratɛgɛ. Wo ya a fɔ ale, Mari ye ko wo ti ala kumɛ bira hali ka a bato, ado wo ye bɛsɛnu kɔla kɔnkɔ-layan-bɛnu kuma anubɛ kɔlɔma-kuru-wɛnu kɔrɔ bɛsi-fuyinu kɔ-tinɛ. Wo ma telen ale, wota Mari ye iko musi-yɛlan.

Isikiyɛli 11:18

Anu ba sɛgi Isirɛla nyamanɛ rɔ tumɛ min, anu bi bɛsi-makɔsɔnɛ minnu taranna nyɔ rɔ, fɔ anu ni wo bɛɛ kasara pɔ!

Isikiyɛli 14:3

“Ile hadama-dan, mɔgɔ-ba kɛnu bara anu nyɛrɛ di bɛsɛnu ma. Hali anu ya a lɔn ko bɛsɛnu bi anu nadonna hakɛ rɔ, anu miri ko nde, Mari si anu yabi worɔ, wa?

Isikiyɛli 16:43

N ya i bira nya min, wo tumɛ i dɔgɔ, i wara nyina wo la. I ya n yisi-tinya-koe gbansan le ladan. Woletɔ n bara i sara ila ko-yogomɛ bɛɛla ko la. Nfenna i ya yɛlɛnya-koenu sa i sɔn-yogomɛnu kuma? Nde, i Tigi Mari kan le kɛ la.

Isikiyɛli 20:16

N ya lanyiri wo kiri bawo anu ya anu ban nna tɔnnu na ka Sulen-Tele lafɛya pɔ! Anuna bɛsi-kɔ-koe di anu ye nde batoe ko.

Isikiyɛli 20:31

Ha bi, anu bi kɔ-fen kelan kɛ dila anuna bɛsɛnu ma, ado anu bara anuna dannu ma saraka-mintantɛnu na ale bɛsɛ kelan wo ye min kɛ, woletɔ anu bara anu nyɛrɛ latinya. Wo kɔma, anu bi anu tuila ka na n sako-lɔn-tinɛ tun. Nde, anu Tigi Mari ara n keli ko n ti sɔn, anu ni n manyinika ko-wo-ko la.

Isikiyɛli 20:38

N si hakɛ-tiginu anubɛ mɔgɔ-murutiyanɛnu wurun anu tɛma. N si anu bɔ dugi wonu tɔ anu bi kan min kaka kɔnɔ n ti sɔn anu ni sɛgi tun Isirɛla nyamanɛ rɔ. Anu si a lɔn wo le ma ko anuta Mari le nde la.

Isikiyɛli 22:31

Woletɔ n si n yisi labɔ anu ma. N si don anu tɔ iko tɛ ka a tɛgɛ anu kɛ-nya-yogomɛnu ma. Nde, wo Tigi Mari kan le kɛ la.”

Isikiyɛli 7:3

“Wole Isirɛla mɔgɛnu laban-wati ara ke. Wo si nna yisi-bɔɛ lɔn ka a tɛgɛ wo ara min ma. Wo ara kisimiriya-koe minnu nadan, n bi wo sarala wonuna ko la.

Isikiyɛli 7:4

N ti n yɛ labelen wola hakɛnu kuma ka kinikini wo ma. N ti wo to wo niyi la. Fɔ n ba wo tɔrɔ ka a tɛgɛ wola kisimiriya-koenu ma woletɔ wo si a lɔn ko Mari le nde la.

Isikiyɛli 7:8

“A ti mɛ tun, wo ye nala nna diminyɛ bɛɛ yenna. Wo ara kasarɛ anubɛ kisimiriya-koe minnu nadan, n bi nala wole kitila ka wo yili sara wo la.

Isikiyɛli 9:10

N ti kinikini anu ma. N si a ma anu na iko anu denu fanan bara a ma doinu na nya min.”

Hiburunu 10:38

Hali wo, nta mɔgɔ-latelennɛnu si to anuna dɛnkɛninyɛ rɔ. Kɔnɔ ni anu fenfen ya anuna dɛnkɛninyɛ boloka, wo tigi ti n hɛnɛ.”

Yude 1:19

Mɔgɛ wonu denu bi faralɛ kɛla bawo anu fɛrɛ-nata ye kun-tigiyɛ kɛla anu kun na dɔrɔn! Allala Ni-Sɛnimɛ sa anu fɛ.