Isikiyɛli 11:19 - ALLALA KUMƐ

¹⁹ N si a ma, anu sɔndɔmɛ ni sa anu nyɔgɔn kuma ka miriya-nyimɛ di anu ma. Sɔndɔmɛ min gbɛlɛyanɛ iko kuri, n si wo bɔ anu burɔ ka tɔn-bira-sɔn di anu ma.

Isikiyɛli 11:19 ပူးပေါင်းရင်းမြစ်များ

2 Mansɛnu 22:19

bawo mansɛ ara a yen, ale Mari ye nala Yerusalɛm kɛnu tɔrɔyala nya min ka Yerusalɛm soe ma kan-tina-makilannɛ la, ado nyɔ-tɔgɛ si ma dankalɛ la mɔgɛnu bolo. Wo yen mansɛ bolo, a tubira ka a nyɛrɛ famayigi ale Mari ye. A donta diyi-kɛ rɔ ka ala duruki rafara yisi-tinyɛ bolo. Woletɔ Mari ko a ara ale mansɛla matarali-kan lamɔɛn.

2 Ko-Kɔrɔta-Karan 30:12

Kɔnɔ hali wo, Alla ye wɔlila Yuda bɔnsɔn-mɔgɛnu yisi rɔ alako anu ni to kan kelen tɔ ka mansɛ anubɛ ala mɔgɔ-banu kan to a gbɛ rɔ.

Yaburi 51:10

E, Alla, n yisi kurakuraya. I ni sɔndɔma-kurɛ ladon n burɔ.

Aiseya 48:4

A ko a ya a lɔn ko wo si ma tolo-gbɛlɛnu na. Wo tole gbɛlɛ iko nɛgɛ anubɛ silɛɛ.

Yɛrɛmaya 24:7

A ko a si a ma, ale Mari-lɔn-sɔgɛ ni anu bira. Anu si ma ata mɔgɛnu na. Ale fanan si ma anuta Alla la. A ko ni i ya a yen, a ye wo mala bawo anu ba sɛgi anuna nyamanɛ rɔ tumɛ min, anu si sɛgi ale ma anu yisi bɛɛ la.

Yɛrɛmaya 31:33

A ko sarama-kan-kurɛ min bi taranna anubɛ wole, Isirɛla mɔgɛnu tɛma, wo le kɛ la. A ko a si ata tɔnnu sɛbɛ wo yisi rɔ. Ale si ma wota Alla la. Wole si ma ata mɔgɛnu na.

Isikiyɛli 18:31

Anu bi karagbɛlɛyɛ min bɛɛ kun na, anu ni anu bole bɔ wo bɛɛ rɔ. Anu ni sɔndɔma-kurɛ anubɛ miriya-kurɛ lana anu burɔ. Nfenna saya-sɔgɛ ye Isirɛla mɔgɛnu na?

Isikiyɛli 37:14

N si nna niyi don anu tɔ alako anu ni beli tun. Wo kɔma, n si a ma, anu ni ta sigi anuta nyamanɛ rɔ tun. Anu si a lɔn wo le ma ko Mari le nde la. Nta lanyiri le kɛ la, ado fɔ n ba a ma. Nde, Mari ara ban a fɔla.”

Sɛfanaya 3:9

Kɛ dama wa ka-a-la tumɛ min, Mari ko a si sibole bɛɛ yɛlɛma ka anu fara anuna bɛsi-kɔ-koe la. A ko mɔgɛ bɛɛ si ale kelen pe bato ka ata kumɛ bira.

Sakaraya 7:12

ka wo yisi gbɛlɛya iko kuri bawo a ko ale Mari Sɛnbɛ-Bɛɛ-Tigi ya ala nɛbinu nana ka wo karan min ma ata Niyi baraka rɔ, wo ma sɔn wo bira-koe ma. Woletɔ ale fonde bɔnɛ.

Luka 11:13

Hali wole min sɔn yogo, wo ya a lɔn ko a kin ka fen-nyimɛ di wola dannu ma. Wo Fa min bi Arinyɛni tɔ don, wo ti fen di wo ma min tenbira wo la, wa? Minnu bi a tarala, ale le sa Allata Ni-Sɛnimɛ dila wonu ma, wa?”

Yɔni 14:26

N Fa Alla ye nala min sɔla n tɔgɔ rɔ wo dɛnbɛn tinɛ, Allata Ni-Sɛnimɛ, kɔni, ale le si wo karan koe bɛɛ la. N bara min bɛɛ fɔ wo ye, a si wo hɛnkili labila wo bɛɛ ko.

Kɛwɔlɛnu 4:32

Nba, dɛnkɛninya-mɔgɔ-nyama bɛɛ taranta kan kelen anubɛ yisi kelan rɔ. Mɔgɔ-wo-mɔgɔ ma a fɔ a bolo-fannuna ko la ko atɛ le kɔnɔ fan min bɛɛ ye anu bolo, anu ya wonu tafara anu nyɔgɔn tɛma.

Romu 11:2

Alla ya ala mɔgɛ minnu yabɔ kebi fɔlɔ, a ma a ban wonu na. A sɛbɛnɛ Allala kitabu dinkirɛ do rɔ ko Nɛbi Ilaya ya a yasere-masa Alla ye ka a tɛgɛ Isirɛla mɔgɛnuna ko ma. A ko,

1 Kɔrɛnti 1:10

N na-kelen-nyɔgɛnu, wo yandi, n bi wo madiyala ma Mari Yisa, Allata-Mɔgɔ-Yabɔnɛ tɔgɛ rɔ ko wo dama ni sɔn wo nyɔgɔnna kumɛ ma. Dan-nafarɛ kana taran wo tɛma. Wo ni to kan kelen, miriya kelen anubɛ sɔn kelen tɔ feu,

2 Kɔrɛnti 3:3

A ara gbɛ feu, ko Kirasiti-nyɛrɛ le ya kɛdi kɛ sɛbɛ ka a don ma bolo. A ma sɛbɛ duwa-yi anubɛ kalɛ la. A sɛbɛnɛ Alla nimɛla Ni-Sɛnimɛ le la, ado a ma sɛbɛ kuru-walan ma. A sɛbɛnɛ mɔgɔ yisi le tɔ.

2 Kɔrɛnti 5:17

Mɔgɔ-wo-mɔgɔ wa ma Kirasiti halalɛ la, mɔgɔ-kurɛ le wo tigi la. Ko-kɔrɔmɛnu bara tenbi, nba, koe bɛɛ ara ma a kurɛ la gbɛ!

Kalesiya 6:15

Ni mɔgɔ kemininyara wo, ni a ma kemininya wo, tana-wo-tana ma wo la. Kɔnɔ min kolo, alako dɔrɔn ma ni ma mɔgɔ-kurɛ la Kirasiti ye.

Ɛfɛsa 4:23

A fɛrɛ sa fɔ wo yisi anubɛ wo hɛnkili ni kuraya tun feu!

Tɔn-Fɔɛ-Fila-Nyɔgɛ 30:6

Wota Mari Alla si miriya-nyimɛ don wobɛ wo kegeyɛnu yisi rɔ ka ata kuman-kan bira. Wo si a keni wo yisi bɛɛ la. Wo siginɛ si to nyɔ lanyiri-nyamanɛ rɔ.