Isikiyɛli 11:18 - ALLALA KUMƐ

¹⁸ Anu ba sɛgi Isirɛla nyamanɛ rɔ tumɛ min, anu bi bɛsi-makɔsɔnɛ minnu taranna nyɔ rɔ, fɔ anu ni wo bɛɛ kasara pɔ!

Isikiyɛli 11:18 ပူးပေါင်းရင်းမြစ်များ

Aiseya 30:22

Wola bɛsɛ minnu makirinɛ sɛnɛ anubɛ wodi-gbɛ la, wo si wonu nafili a rɔ iko fen-gbalɛ ka a fɔ ko, “Bɔ n yakɔrɔ.”

Yɛrɛmaya 16:18

A ko wole, Yuda mɔgɛnu ya karagbɛlɛyɛ min bɛɛ ma, a si wo yili sara wo la ka wo tɔrɔ hakɛ wo la iko fila fila. A ko a si wo ma bawo wo ara nyamanɛ latinya wola kisimiriya-bɛsɛnu na, ado wo ara ale Marita nyamanɛ kɛ lafa bɛsɛnu na pen!

Isikiyɛli 11:21

Kɔnɔ bɛsi-makɔsɔni-batoe di minnu ye anubɛ ko-yogoma-su bɛɛ, n si wonu dama tɔrɔ. N si anu tɔrɔ ka a tɛgɛ anu bara min ma n na. Nde, wo Tigi Mari kan le kɛ la.”

Isikiyɛli 14:11

N bi wo mala le woletɔ Isirɛla mɔgɛnu ti n boloka ka anu nyɛrɛ kɔsɔ anu hakɛ bolo. Nta mɔgɛ le Isirɛla mɔgɛ kɛnu na. Anuta Alla le nde la. Nde, wo Tigi Mari le wara kɛ fɔ.”

Isikiyɛli 37:23

Anu ti anu nyɛrɛ latinya kisimiriya-bɛsɛ wonu fɛ. Anu ti bila hakɛ rɔ. Anu duruta hakɛ subolo-siyamɛ min bɛɛ kɛla, n si anu bɔ wonu tɔ. N si anu sɛninya alako anu ni ma nta mɔgɛnu na. Nde fanan ni ma anuta Alla la.

Isikiyɛli 5:11

“Woletɔ nde, wo Tigi Mari ko wo ara n Bato-Tinɛ latinya kisimiriya-ko-ladan la. Fananta n bi n niyi la, fɔ n ba wo malanfan de serr! Hali wola hinɛ pe, a ti don n tɔ!

Isikiyɛli 7:20

Wati donu tɔ nun, anu wasinɛ anuna dugu-kɔrɔ-nɔnfulinu tɔ kɔnɔ anu ya wonu denu bi ka wonu ma anuna bɛsi-yogoyanɛnu makiri-fan la. Woletɔ Mari ara a ma, anuna fen-kolomɛnu bara gboya anu ye.”

Hoseya 14:8

Wole Isirɛla mɔgɛnu ti wo bolo bila bɛsɛ ko rɔ tun. N si wola madiyalɛnu yabi ka wo fɛ-bira a kila-bɛrɛbɛrɛ fɛ. Wo kuma-tuwalɛ le nde la iko kɔlɔma min nɔrɔnnɛ yabu-yabu bawo wola duwa-kunyɛ mumɛ bɛɛ le nde la.”

Hoseya 14:9

Min sɛbɛnɛ yan tɔ, alamɛ hɛnkilimɛnu ya wo nya-yen. Alamɛ anu ya a sa anu yisi rɔ. Allata kilɛ telenni de tede, ado ni mɔgɔ-telennɛnu bilara a fɛ, anu denu si kisi. Kɔnɔ hakɛ-tiginu si tonko-tankan ka bui bawo anu bara anu ban ale Mari la.

Taita 2:12

Allata hinɛ wo ye ma karanna ko ma ni ma kan-kɔ sɔ wunduyogoyɛ la anubɛ duninya-natanu. Ma ni ma nyɛrɛ-bira-mɔgɛnu na anubɛ mɔgɔ-telennɛnu.