Isikiyɛli 1:28 - ALLALA KUMƐ

²⁸ ado a yabasannɛ iko san-yili, bandɛ wa ka tumɛ min. Wan-belebele kɛ su ti taran kan-bo-kan fɔ Alla ye kan min ka a tɛgɛ Marita gbiliyɛ ma. Kɛ yen n bolo, n ya n naburun a ma dugu ma. Wo kɔma, n ya kuman-kan lamɔɛn.

Isikiyɛli 1:28 ပူးပေါင်းရင်းမြစ်များ

Ko-Dabirɛnu 17:3

Burama ya a laburun a ma dugi ma ka Mari bato. Alla ya a fɔ a ye ko,

Bɔ-Koe-Iyipiti 16:10

Aruna ya kumɛ dabira anu ye tumɛ min, anu ya anu yɛ lata wula-yan la. Tiriyante wo rɔ, anu ya Marita wan-belebele yen banda-finyɛ rɔ.

Bɔ-Koe-Iyipiti 16:7

bawo Mari ara wo gbunya-kan lamɔɛn. Bandɛ wa ka sina, wo si ata gbiliyɛ yen wo nyɛrɛ yɛ la. Nfenna wo ye kɔrɔtɔla male ma Allata kumɛ latenbi koe la wo ma?”

Bɔ-Koe-Iyipiti 24:16

Marila gbiliyɛ wo tora Sinayi kɔnkɛ kuma tele wɔrɔ kɔrɔ iko banda-finyɛ.

Bɔ-Koe-Iyipiti 24:17

A tele wɔrɔnfila nyɔgɛ ma, Mari ya Musa rakele banda-finyɛ wo rɔ. A tara banda-finyɛ wo tɛma. A ye nyɔ su bi-nani, tele bi-nani. Isirɛla mɔgɛ toe minnu bi dagɛ rɔ, wonu ya Marila gbiliyɛ wo yen kɔnkɛ kuma iko ta-mɛlɛn-belebele-wɛ.

Isikiyɛli 10:4

Marita wan-takanɛ bɔra nima-fan wonu kuma ka ta a sɔ Bato-Bɔn don-dɛ la. Wo kɔma, banda-fin-gbɛ tara Bato-Bɔn lafa pen! Kata wo mumɛ burɛ rafara Allata wan-takɛ la waran!

Isikiyɛli 3:23

Woletɔ n tara lɛɛ rɔ. N ya Marita wan-belebele yen ko-rayirɛ rɔ nyɔ fanan iko n ya a yen Kiba bɛ dafɛ nya min. N ya n naburun a ma dugu ma tun

Isikiyɛli 43:2

N ke nyɔ, n ya Isirɛla mɔgɛnuta Allata wan-takani-belebele yen nala ka bɔ tele-bɔɛ wara la. Alla kuman-kan koloyanɛ iko wasa-belebele-tugu-kan. Waan rakara dugu-kole mumɛ kuma waran!

Isikiyɛli 44:4

Tenbi-bolɔn min bi kantɔ-wara la, kei wo ya n bi ka n nabɔ nyɔ ka ta n na Bato-Bɔn yakɔrɔ. N ya n yɛ lata ka Mari Bato-Bɔn mafɛlɛn. N ya a yen, a lafanɛ Marita waan la pen! N ya n naburun a ma dugi ma.

Isikiyɛli 8:4

N bi nyɔ tumɛ min, n ya Allata wan-takani-belebele-wɛ yen min bi a yirala ko Isirɛlata Alla ye nyɔ. N ya wan-takanɛ kelan wo le yen Kiba bɛ dafɛ ko-rayirɛ rɔ nun.

Daniyɛli 8:17

Yibirila nara sɔ n dafɛ min kɛ, n kilanta dɔgɔma-ma-de ka n gbesi dugi la a kɔrɔ. Ale Yibirila ya a fɔ n ye ko, “Hali hadama dan le ile la, a sɔgɛ ye n na, i ni ko-rayen kɛ kɔrɛ lɔn. Ko-rayen kɛ kolomɛ le duninyala ban-koe la.”

Saraka-Masɔlɛnuta Tɔnnu 9:24

Tiriya-tiriyɛ wo rɔ, Mari nyɛrɛ ya ta-belebele layigi ka bɔ san-kole rɔ. Tɛ wo ya a saraka-toenu mintan gburr! Mɔgɛnu ya tɛ yen tumɛ min, anu kilanta ka gbele-gbelen ka anu naburun a ma dugi ma Mari kɔrɔ.

Kɛwɔlɛnu 9:4

Sɔli buira dugi ma. A ya kuman-kan lamɔɛn. Wo ye a fɔla a ye ko, “Sɔli! Sɔli! I ye n tɔrɔla nfenna?”

Romu 9:4

Allala mɔgɔ-yabɔnɛ le anu denu na. A ya anu ma ala dannu na ka ata gbiliyɛ yira anu na. Anubɛ Alla ya sarama-kannu kiri. A ya ala tɔn-kitabu di anu denu ma fanan. A sɔnta ko anu denu ni a bato a kilɛ fɛ, ado anu bara Allala lanyirinu sɔrɔn.

1 Kɔrɛnti 13:12

Ma ye fan min yenna kaka, wo mani de iko fenna muninyɛ min ti yen nyɛrɛ-mafɛlan rɔ a kilɛ fɛ. Kɔnɔ wo wati wa na tumɛ min, ma si fan bɛɛ ragbɛ wass! N ma Alla wara-koe bɛɛ lɔn kaka kɔnɔ n si na Alla lɔn iko Alla ya nde lɔn nya min.

Lankɛnimayɛ 10:1

Wo kɔma, n ya melika-sɛnbɛ-tigi-gbɛrɛ namatoe yen bɔla Arinyɛni tɔ. A fɛrɛya bɔnɛ banda-finyɛ la. San-duri ye a kunyɛla minɛ rɔ. A yakɔrɛ ye malan-malanna iko tele. A kiannu dɔnkɔnyɔ iko tɛ tenbi kala-mɛlan la san ma.

Lankɛnimayɛ 4:3

A yakɔrɛ ye malan-malanna iko kuru-da-gbɛlɛ minnu tɔgɔ yasipa anubɛ karinɛliyan. San-duri ye mansaya-sigi-fan wola foolɛ bɛɛ rɔ. Wo mafɛlɛn-nya manɛ iko kuru-da-gbɛlɛ min tɔgɔ ɛmarɔdi.

Kɛlɛ-Kurugbɛnu 13:20

Ta-mɛlan ye yɛlɛla san ma tumɛ min, melika wo, Mari, kɔni, wo yɛlɛta ta-mɛlan wo rɔ san-kole rɔ. Manowa anubɛ ala musi ya anu naburun a ma dugi ma.