Hoseya 9:12 - ALLALA KUMƐ

¹² ado ni a taranta, den-wo-den sɔrɔnta, n si anu dama wara-koe ka-a-la. Anu do-wo-do ti to a niyi la. N ba n bole bɔ wo rɔ, ko-yogomɛnu si to mala wo la.

Hoseya 9:12 ပူးပေါင်းရင်းမြစ်များ

2 Mansɛnu 17:18

Mari diminyara Isirɛla mɔgɛnu ma ha a ya anu gben ka a kan-kɔ sɔ anu na. Fɔ Yuda nyamanɛ dɔrɔn, wo le tora.

2 Mansɛnu 17:23

Anu tora wo le la ha Mari ya a kan-kɔ sɔ anu na, ado a ara nɛbinu nata anu makawandi tinɛ nun. Wo le ya a ma, Asiriyanu nara anu bira ka ta anu na pon! Anu bi nyɔ ha bi.

Yobu 27:14

Ni karagbɛlɛnu si den-kei siyaman sɔrɔn, kɔnkɛ ti bɔ wonu na, ado wonu kunyɛ si to kɛlɛ rɔ.

Yɛrɛmaya 15:7

Ale Mari ko a si wole, ata mɔgɛnu gbesi foron-tagbesi-bosɛ la ka wo ranyɛnsɛn soe tarɛ don-dɛnu na. A ko bawo wole, ata mɔgɛnu sa wo kɛ-nya yɛlɛmana, a si wo kasara pɔ! A si wola dannu gbɔrɔndo wo kɔrɔ ka anu faga.

Yɛrɛmaya 6:8

Mari ko tɔrɔyɛ kɛnu ni ma wole, Yerusalɛm kɛnu makawandi-fan la. Ni wo ma wo tole masɔ, a si a ban wo la. A ko a si wola soe kɛ ma dugu-magbalanɛ la. Nyɔ si ma tonbɔn la.

Nimisa Koe 2:20

E, Mari, i kolan lata mɔgɛ kɛnu ma. Ha bi, i wara yon tɔrɔ iko kɛnu? I ma a yen, musinu bi anu diyana-dannu soge dɔnna? Ma yogenu bi saraka-masɔlɛnu anubɛ nɛbinu fagala ita Bato-Bɔn la.

Nimisa Koe 2:22

I ya ma yogenu kele ma kan ma alako anu ni ma kɛlɛ kan-tinɛ bɛɛ rɔ. Anu tugura ma kan ma iko anu keleta dɔn-fan le ma. Mɔgɔ-wo-mɔgɔ ma ke a sɔrɔnna anu na. Mɔgɔ ma to a niyi la min si a rakaran. Hali ma diyana-dan minnu siginɛ ma kɔnkɔn tɔ, anu ya wonu faga.

Hoseya 7:13

“Gbalo ye wo kuma bawo wo ara nde, Mari boloka ka murutiya n ma. Fɔ wo wa halaki! Wo lakanan-sɔgɛ ye n na nun kɔnɔ wo sa n batola tonyɛ kuma.

Hoseya 9:13

Fɔlɔ nun, wo sabatira iko kɔlɔma min kinɛ dugu-nyimɛ rɔ. Kɔnɔ kaka, wo ye wola dannu donna anu fagalɛnu bolo.”

Hoseya 9:16

Wole Isirɛla mani de iko kɔlɔma min suli ma yigi-wɛ kɛ, wo wa gbala, ado a ti gbɔ. Wole fanan ti gbɔ ka den-wo-den sɔrɔn. Hali a taranta, wonu ni dan sɔrɔn, n si wo diyana-dan wonu kan keri paun!”

Malakayi 2:12

Minnu bi kɛ sufa mala, alamɛ Mari ya wonu bɔ wo kurun tɔ, ado ni mala nyamanita-mɔgɛnu nara min na Mari Sɛnbɛ-Bɛɛ-Tigi ye, anuta mumɛ kana taran tun saraka-bɔ-koe rɔ.

Yilan-Yilan Koe 14:34

Wo si tɔrɔya wo hakɛla ko la. Wo si san bi-nani bɔ, wo ye yilan-yilanna iko wo ya tele bi-nani bɔ nya min nyamanɛ wo mafɛlɛn tinɛ. Wo si na a lɔn ni n bi nya min ni nde sa wo fɛ!

Yilan-Yilan Koe 26:65

Mɔgɔ filɛ wo tɔgɛ le kɛnu na, Yɛfunɛla dan Kelabu anubɛ Nunna den-kei Yasowa. Mari ya a fɔ fɔlɔ nun ko a mɔgɛ toe kɛ bɛɛ si faga wula-da-rakolɔn rɔ. Wo bɛɛ mara iko Mari ya a fɔ nya min.

Tɔn-Fɔɛ-Fila-Nyɔgɛ 28:18

“Mari si a ma, wo ti den-siyaman sɔrɔn. A si a ma, wo ra ni bunden iko kɔrɔdagɛ. A si a ma, wola kolo-fannu si kasara.

Tɔn-Fɔɛ-Fila-Nyɔgɛ 28:32

Sibolo-gbɛrɛkɛ-mɔgɛnu si wola dannu bi ka ta anu ma yɔɔnnu na wo yala kɔnɔ sɛ sa wole ye. Wo yɛ ti bɔ kilɛ la wola dan wonu nasɛgi-koe rɔ kɔnɔ fufafu le wo la.

Tɔn-Fɔɛ-Fila-Nyɔgɛ 31:17

Wo wa ma tumɛ min, n fonde si bɔ anu kuma ka n kan-kɔ sɔ anu na. Anu si masiba-koenu sɔrɔn. Anu ba koe kɛnu yen mala anu na tumɛ min, anu si a lɔn worɔ ko nde min bi anuta Alla la, nde sa anu fɛ.

Tɔn-Fɔɛ-Fila-Nyɔgɛ 32:25

Wo si belenna fagala wola luyinu ma kɛlɛ bolo. Hali wo tenbi bɔn la, wo kumakɔnɛ si to kilan bolo. Kemini-mɛsɛ wo, sunkurun-mɛsɛ wo, a bɛɛ si faga. Hali dennɛnu anubɛ kun-gbɛnu ti to anu niyi la.

Kɛlɛ-Kurugbɛnu 4:16

Bɛraki anubɛ ala kɛlɛ-dannu ya Sisarala kɛlɛ-dannu sagaran ha Harosɛti soe burɔ anu bɔra kan min. Anu ya Sisarala kɛlɛ-dan bɛɛsi faga tɛrr!

1 Samuwɛli 16:14

Marita sɛnbɛ bɔra Mansa Sɔli fɛ. Mari ya nyinɛ lawuli Mansa Sɔli la, a tɔrɔ-koe la.