Hoseya 7:3 - ALLALA KUMƐ

³ Mari ko, “Wole Isirɛla mɔgɛnu bi karagbɛlɛya-su bɛɛ rabɛnna mansɛ anubɛ ala mɔgɔ-banu kan ma bolɔn la.

Hoseya 7:3 ပူးပေါင်းရင်းမြစ်များ

1 Mansɛnu 22:13

Mansa Ehabu ya kilayɛ min nata Nɛbi Mɛkaya kele tinɛ, wo ya a fɔ a ye ko, “N ya a to, nɛbi doinu bi a fɔla ko Mansa Ehabu si nɔ-ko sɔrɔn kɛlɛ rɔ. Ile fanan ni kuma kelan wo le fɔ de!”

1 Mansɛnu 22:6

Wo le ya a ma, Mansa Ehabu ya ala nɛbi mɔgɔ kɛmɛ nani nyɔgɔn sufa kele ka wonu manyinika, a ko, “N ni ta Ramɔti kɛnu kɛlɛ, ka, n ka ta?” Nɛbi wonu ko, “Ta anu kɛlɛ. Mari si a ma, i ni nɔ-ko sɔrɔn anu ma.”

Yɛrɛmaya 37:19

Nɛbi minnu ya foninyɛ fɔ ko Babilɔn kɛnu ti na wo kɛlɛ, wonu bi mintɔ gbɛ?

Yɛrɛmaya 5:31

Nɛbinu sa fenfen fɔla foninyɛ kɔma. Saraka-masɔlɛnu bi anu nyɛrɛta fanka le lawɔlila, ado wole, Mari nyɛrɛta mɔgɛnu diyana-koe le wo la. Kɔnɔ kɛ damasi laban si ma wo bolo nfen na?

Yɛrɛmaya 9:2

Alako bon-nɛ taranta n bolo wulɛ rɔ nun, n si to n dan na kan min. Ni wo mara, n si ke bɔla le wole, nta mɔgɛnu tɛma worɔ. N si n masɛgi wo la worɔ. N bi wo mala bawo wo do-wo-do ma telen Alla ye. Wo dama ara wo kan-kɔ sɔ Mari la.

Hoseya 10:13

Kɔnɔ yanni wo ni telenbagayɛ fui nyɔ rɔ nun, wo ya wunduyogoyɛ le fui nyɔ rɔ, ado wo ma fenfen tɛgɛ nyɔ fɔ wunduyogoyɛ. Wo ara bɔ wola foninya-fɔɛ-tɔnɔ ma. “Wo lanɛ wola kirindinu anubɛ wola kɛlɛ-den-siyamɛnu na min kɛ,

Hoseya 11:12

Mari ko, “Wole Isirɛla mɔgɛnu bara n nafoo foninyɛ anubɛ yanfanteyɛ la. Ha bi, Yuda mɔgɛnu murutiyanɛ nde, Alla-sɛninyanɛ ma, lanaya-tigi, kɔni.

Hoseya 4:2

A ko wo ye mɔgɛnu dankala. Wo sa wola lanyirinu natɔnbagayala. Wo ye mɔgɔ-fagɛ kɛla, wo ye kankanyɛ kɛla, wo ye yɛlɛnyɛ kɛla. Wo ara wunduyogoyɛ dan-natenbi. Yanni do ni kimɛ, wo ara do faga.

Hoseya 5:11

Wole Isirɛla mɔgɛnu ya wo tui ka ta dɛnbɛni-nyini-tinɛ bɛsɛ wonu denu bara minnu ti ke wo dɛnbɛna. Wo le ya a ma, wole Isirɛla mɔgɛnu bara tɔrɔyɛ sɔrɔn Yuda kɛnu bolo. Anu bara bui wo ma ka wo halala-dugi bi wo bolo.

Hoseya 7:5

Mansɛ wa wuli ladiyɛ kɛla tumɛ min, wo le si a ma, mansɛ anubɛ ala mɔgɔ-banu ni anu min kɔlikɔli!

Maika 6:16

Wo ara ko-yogomɛ ma iko wola mansɛ Hɔmɔri anubɛ ala den Mansa Ehabu, woletɔ tɔrɔya-su kɛ ye nala sigila wo la. Mari si wola nyamanɛ kɛ halaki. Mɔgɛnu si wo mayɛlɛn dɔgɔma-ma-de! Fɔ ni wo ya wo munyu manyinɛnu kɔrɔ bawo wo ma sɔn Marita kumɛ birala.

Maika 7:3

Ko-yogoma-kɛlɛnu karan-mɔgɛ le wole la. Wola kun-tiginu anubɛ wola kiti-salɛnu bi dogonta-fannu makelela mɔgɛnu bolo kiti-sa-tinɛ. Sɛnbɛ ye minnu na, wonu bi yanfɛnu donna mɔgɛnu ma.

Romu 1:32

Anu denu lara a la ko Allala tɔnnu ko mɔgɛ min si to ko-sufa kɛnu mala, a bɛnta wonu ni faga. Kɔnɔ hali wo, anu tora nɔrɔnna koe wonu ma dɛɛ! Ka tenbi wo la, mɔgɔ-gbɛrɛ minnu bi wo sufanu mala, anu bi wonu sɛnbɛ donna.

1 Yɔni 4:5

Duninyatɛ ye nɛbi wonu na min kɛ, anu bi duninya-koenu fɔla. Woletɔ duninyata mɔgɛnu bi anu tole masɔla anu na.