Hoseya 7:14 - ALLALA KUMƐ

¹⁴ Wo ma n matara wo yisi la fɔ ka wo nyɛrɛ gbesi dugi la ka belenna dila iko Alla-lɔnbɛlɛnu bi a mala nya min. Wo tenbi n matarala dɔn-fen-koe la, wo ye belenna wo mafarafarala iko kafirinu. Mɔgɔ-murutiyani-bɛrɛbɛrɛ le wo la.

Hoseya 7:14 ပူးပေါင်းရင်းမြစ်များ

Bɔ-Koe-Iyipiti 32:6

Bandɛ kanɛ, anu suruta nala saraka-mintantɛnu anubɛ yisi-kima-sarakɛnu na. Anu ya anu de-nyini ka anu min. Wo kɔma, musi wo, kei wo, anu ya bolola-tolɔn dabira.

Aiseya 29:13

Mari ko mɔgɛ kɛnu bi a fɔla anu da rɔ ko ale Mari di anu ye kɔnɔ a wara-koe sa anu yisi-kunyɛ la. Anuna dina manɛ tɔn anubɛ namunya-gbansan le la. Wo le manɛ anu bolo kuntɔ-karan la.

Aiseya 52:5

Wo ye Babilɔn nyamanɛ min tɔ kaka, ko-sifa wo le mara nyɔ fanan. Wonu ya wole, ata mɔgɛnu bira, wonu fanan ma wo sɔnkɔ di. Wo biralɛ kɛnu bi anu nyɛrɛ matɔgɔla. Anu bi ale Mari tɔgɔ tinyana tuma-wo-tuma.

Aiseya 65:14

Ata wɔli-kɛlɛnu si to a lawɔyɔla sewɛ bolo ka a tɛgɛ ko-nyimɛ min bi anu sɔndɔmɛ rɔ. Kɔnɔ wole karagbɛlɛnu ya-denkɛnu ta ti gbala yisi-tinya bolo. Wole karagbɛlɛnu si wo dɛ sa-a-rɔ lungbɔn!

Yɛrɛmaya 12:2

I wara wunduyogenu ki ma tɛma yan. A mani de iko anu suli gbangbannɛ gben, ado anu bi nanfala ka gbɔ. Anu bi i matɔgɔla anu da rɔ kɔnɔ anu yisi fɛ-yan i la pon!

Yɛrɛmaya 3:10

ado Isirɛla tirisan-musu-wunduyoge kɛ ma sɛgi n ma a yisi bɛɛ la. A ya nyɛrɛmankolayɛ le dɔrɔn ma.”

Nimisa Koe 2:18

E, Yerusalɛm, ila tarɛ ni to dila biribiri, n Tigi Mari dala iko mɔgɔ-nimisanɛ. I ya-yi ni to yigila su-ni-tele iko bɛ. I kana fara di-kɛ la mumɛ!

Hoseya 13:16

Wola Samariya so-karantan si tɔrɔ ka a tɛgɛ ala murutiyɛ ma nde, Alla ma. Wole Samariya kɛnu kunyɛ si to kɛlɛ rɔ ka wola dannu gbesi dugi la ka wola musu-kolomɛnu buyi laka faan la.”

Hoseya 13:6

Wo kenɛ nyamani-hakikɛ kɛ rɔ, wo makoe bɛɛ nyinyara ha wo wasara. Wo kɔma, wo wasira ka nyina nde, Mari ko.

Hoseya 13:9

“N si wole, Isirɛla mɔgɛnu kasara pɔ! Wo wa ma, yon si wo dɛnbɛ gbɛ?

Hoseya 3:1

Mari ya a fɔ nde, Nɛbi Hoseya ye ko, “Ta ila keninteyɛ yira ila musi la tun hali a keninɛ kemini-gbɛrɛkɛnu bolo. I ni a keni iko Isirɛla mɔgɛnu keninɛ nde bolo nya min hali anu bi tala bɛsɛnu kɔla dɛgɛ-lamondonɛnu tɔ.”

Hoseya 8:2

Hali wo ye a fɔla ko wota Alla le nde la, ado nfan, wo ye a fɔla fanan ko ntɛ le wole la, ado wo ko wo ya nde, Mari lɔn,

Emɔsi 2:8

Bolo-kolɔnnu bi anuna birinkan sigila wo ma tulumɛ la, wo sa wonu nasɛgila anu ma wurɛ la, ado wo ye wonu sala wo kɔrɔ hali wola batoli-kɛ-tinɛnu tɔ. Wo ye mɔgɛnu bɔnina wodi minnu na, wo ye wonu sanna gbɛɛ la ka ta a min wota bɛsi-kɔ-bɔnnu tɔ.

Emɔsi 8:3

Wo tɔrɔya-tele wa ke tumɛ min, musinu bi sewa-sigi minnu sala mansɛta bɔn la nun, sigi wonu si yɛlɛma saya-di-kɛ-kan la. Anu si a fɔ ko, “Furinu bolokanɛ belenna kan tinɛ bɛɛ rɔ. Ma ni ma rade wona.”

Maika 2:11

“Mari ko wole kensuntenu bi nyinina foninya-nɛbinu ma minnu si wo mayuwaya. Wonu si belenna a fɔla wo ye ko, ‘Baan-feremɛnu bi wola ko la duk!’

Sakaraya 7:5

A ko n ni a fɔ saraka-masɔlɛnu anubɛ mɔgɛ bɛɛ ye ko anu ya sunyɛ don min kɛ ka di a karɛ loli nyɔgɛ anubɛ a karɛ wɔrɔnfila nyɔgɛ ma san bi-wɔrɔnfilɛ kɛ kɔrɔ, anu ma wo kɛ ale Mari ye.

Romu 16:18

ado minnu bi ko-sufa wonu mala, wonu sa wɔlila ma Mari Yisa, Allata-Mɔgɔ-Yabɔnɛ ye fɔ anu nyɛrɛ buyi. Anu bi mɔgɔ-magbalanɛnu yanfala anuna kuma teleka-telekɛnu anubɛ matɔgɔlɛ fɛ.

Filipai 3:19

Wonuna ban le nyahanama la bawo anuta Alla le anu bagbuyi-natanu na. A bɛnnɛ, anu ni miliya koe minnu na, anu wasinɛ wonu tɔ. Anu bi anu mirila duninyata-fannu denu dɔrɔn ma.

Yemesi 4:3

ado wo wa Alla tara, wo ti a sɔrɔn bawo wo sɔndɔmɛ lafinnɛ. Wo ye fan tarala wo nyɛrɛ diyana-koenu kɛ-koe le la dɔrɔn.

Yemesi 5:1

Nba, wole nɔnfulu-tiginu, wo ni wo tole masɔ bɛrɛkɛ! Wo ni gbele-gbelen ka di yakɔrɔ-mamɔɛ wola ko la min bi nala wo yarɔ!

Kɛlɛ-Kurugbɛnu 9:27

Anu tara anuna nɔnbɔ-gbɔ-sɛnɛnu tɔ ka nɔnbɔ-gbɔɛnu keri ka anu burun. Anu bi ladiyɛ kɛla ka fen dɔn anubɛ ka nɔnbɔ-gbɔ-yi min anuna bɛsi-kɔ-tinɛnu tɔ, anu bi Abimɛlɛki tɔgɛ tinyana a kɔma.