Hoseya 7:13 - ALLALA KUMƐ

¹³ “Gbalo ye wo kuma bawo wo ara nde, Mari boloka ka murutiya n ma. Fɔ wo wa halaki! Wo lakanan-sɔgɛ ye n na nun kɔnɔ wo sa n batola tonyɛ kuma.

Hoseya 7:13 ပူးပေါင်းရင်းမြစ်များ

Nihɛmaya 1:10

“Mari, i yandi, ita wɔli-kɛlɛ anubɛ ita mɔgɛ le anu na. I ya anu kunyɛ bɔ gbaran rɔ ita sɛnbɛ-makawanɛ la.

Yobu 22:17

Karagbɛlɛnu ya a fɔ Alla ma ko, “Fara ma la. Alla Sɛnbɛ-Bɛɛ-Tigi ti ke ko-wo-ko mala ma la.”

Yaburi 106:10

A ya anu nakanan anu gboyana-mɔgɛnu masibɛ ma. A ya anu kisi anu yogenu ma.

Aiseya 30:1

Mari ara a fɔ ko Yuda kun-tiginu si halaki bawo anu bara murutiya a ma. A ko anu bi koenu natɛgɛla anu nyɛrɛ ma, hali ale Mari ma sɔn minnu ma. Anu bi yisi-kima-kɛdi sɛbɛla anubɛ nyamani-gbɛrɛkɛnu tɛma, hali Mari ma sɔn minnu ma. Anu bi hakɛ sala anu nyɔgɔn kuma tala.

Aiseya 30:2

A ko anu bi anu burila tala Iyipiti anu dɛnbɛn-koe rɔ, anu ma ale Mari fɔlɔn manyinika. Anu bara anu wara-koe bɛɛ to Iyipiti mansɛ ma alako ata kɛlɛ-dannu si anu natanka nya min.

Aiseya 31:1

Minnu bi tala Iyipiti anu dɛnbɛn-koe rɔ, gbalo ye wonu kuma. Anu lanɛ Iyipiti kɛnuna soeenu anubɛ anuna kirindinu anubɛ anuna kɛlɛ-kɛ-dannu na dɔgɔma-ma-de! Kɔnɔ Isirɛlata Mari Alla-sɛnimɛ, anu ma la ale la. Anu ti a manyinika anu dɛnbɛn-koe la.

Aiseya 41:14

Mari ko wole a Isirɛla mɔgɛ toenu, hali wo ma siya, wo rafaganɛ. Wo kana kilan bawo a ye wo dɛnbɛna.

Aiseya 43:1

Isirɛla mɔgɛnuna Mari ko ma kana kilan bawo a ye nala ma lakananna. A ko a ara a sereka-tɔgɛ sa ma kuma. A halalɛ le male la.

Aiseya 59:13

Ma ara hakɛ kɛ ka bila Mari la. Ma ara ma kan-kɔ sɔ a la. Ma ya ma rabɛn mɔgɛnu tanban-koe la alako ma si Alla sɔsɔ nya min. Yanfanteyɛ anubɛ foninya-fɔɛ ye bɔla ma yisi le tɔ.

Aiseya 63:8

Mari ko ata mɔgɛ le Isirɛla mɔgɛ kɛnu na. A ko anu ti foninyɛ fɔ a ye ka a yanfa. Woletɔ a ya anu kisi.

Yɛrɛmaya 14:10

Mari ya kɛ le fɔ wole, Yuda mɔgɛnuna ko la. A ko ka to wo masɛgila ale Mari la, wo di min ye kati! Fan min si wo masɛgi a la, wo ye wonu da kun tɔ. A ko ale Mari ti sɔn wole la. Wo ye ko-yogomɛ min da kun tɔ, a ya wonu lɔn. A ko wo si tɔrɔ wo hakɛla ko la.

Yɛrɛmaya 42:20

wo ara wo nyɛrɛ baya min si a ma, wo kunyɛ si to-a-rɔ. Wo ya n manyinika ko n ni mata Mari Alla madiya wo ye, ado wo ko a miriya ye ko-wo-ko ma, wo ye wonu denu kɛla.

Yɛrɛmaya 51:9

Sibolo-gbɛrɛ minnu siginɛ anu tɛma, wonu si a fɔ ko, “Babilɔn dɛnbɛ-sɔgɛ ye ma la kɔnɔ a fɛrɛ sa! Ma ni a to nyɔ. Ma ni sɛgi ma warɛnu tɔ. Alla ara a fanka ban Babilɔn kasarɛ ma. A ara tinya pɔ!”

Yɛrɛmaya 7:15

A ko a si wo gben a yakɔrɔ iko a ya wo na-kelen-nyɔgɛ Isirɛla mɔgɛnu gben nya min.

Nimisa Koe 5:16

Ma wasinɛ fan min bɛɛla ko la nun, wo fenfen ma to ma bolo tun. Gbalo ye ma kuma bawo ma ara hakɛ min kɛ.

Isikiyɛli 16:23

“ ‘Nde, i Tigi Mari ko i ban karagbɛlɛyɛ kɛ damasi mala, i ya bɛsi-kɔ-tinɛnu nadan ka yɛlɛnya-kɛ-tinɛnu fanan nadan kila-kunyɛnu na. Gbalo ye ile Yerusalɛm soe ma ka a tɛgɛ i sɔn-yogomɛ wonuna ko ma!

Isikiyɛli 18:2

“Mɔgɛnu bi belenna hɛnkilimaya-kumɛ fɔla Isirɛla kan-tinɛ bɛɛ rɔ ko, ‘Ni fa ya kɔn-gbɔ-magbɛngbɛnɛ do dɔn, ala dan ni a yakɔrɛ matɔrɔmɔnya wola ko la.’ Nfenna ko la, mɔgɛnu bi belenna kɛ fɔla?

Isikiyɛli 18:25

“Isirɛla mɔgɛnu kɛnɛna a fɔla ko, ‘Mari sa ko-telennɛ kun na.’ Kɔnɔ Isirɛla mɔgɛnu ni anu tole masɔ n na. Anu miri ko n bi koenu nadanna nya min, wo ma kin, nyɛ? Anu denuta kilɛ ma telen.

Isikiyɛli 34:6

Woletɔ nta sagɛnu tara anu kun fɛ kɔnkɔ-layan-bɛnu anubɛ gburukulinu ma. Anu ta ara nyɛnsɛn dugi kuma, ado mɔgɔ-wo-mɔgɔ ma anu nyini.

Hoseya 11:12

Mari ko, “Wole Isirɛla mɔgɛnu bara n nafoo foninyɛ anubɛ yanfanteyɛ la. Ha bi, Yuda mɔgɛnu murutiyanɛ nde, Alla-sɛninyanɛ ma, lanaya-tigi, kɔni.

Hoseya 11:2

N bi wo kelela nya min, wo ye wo kan-kɔ sɔla n na wo nya na le. Wole nta mɔgɛnu ya sarakɛnu bɔ wola bɛsi Beyali ye ka isɛnti mintan wola bɛsɛ doi wonu ye.

Hoseya 5:7

Wo ma wo telen Mari ye muk! Wola dannu ma ko-wo-ko lɔn Alla wara-ko rɔ. Woletɔ a ti mɛ tun, a si wobɛ wola nyamanɛ kasara pɔ!

Hoseya 7:1

Mari ko, “Wole nta Isirɛla mɔgɛnu nakɛndɛya-sɔgɛ wa n bira tumɛ min ka wo wara-koe lata yarɔ, n si wola karagbɛlɛyɛ le dɔrɔn yen n yɛ la. Wo ye wo nyɔgɔn kensunyala. Wo ye bɔnnu kerila ka kankanyɛ kɛ. Wo ye buila mɔgɛnu ma lu-kole ma ka anu bolo-fannu bi anu bolo.

Hoseya 7:3

Mari ko, “Wole Isirɛla mɔgɛnu bi karagbɛlɛya-su bɛɛ rabɛnna mansɛ anubɛ ala mɔgɔ-banu kan ma bolɔn la.

Hoseya 9:12

ado ni a taranta, den-wo-den sɔrɔnta, n si anu dama wara-koe ka-a-la. Anu do-wo-do ti to a niyi la. N ba n bole bɔ wo rɔ, ko-yogomɛnu si to mala wo la.

Hoseya 9:17

Nde ye Alla min batola, wo si a ban wole, ata mɔgɛnu na bawo wo ya wo ban wo tole masɔla a la. Wo si to yilan-yilanna sibolo-gbɛrɛnu tɛma.

Yona 1:10

A ya a buri Mari kɔrɔ nya min, a ya wo rakaran anu ye. Kulun-tawɔli-kɛlɛnu kilanta, anu ko, “I wara ko-yogomɛ le ma kɛ la.”

Yona 1:3

Kɔnɔ hali wo, Yona ya Mari sɔsɔ. Mari ko a ni ta tele-bɔɛ kɔnɔ ale tara a ye tele-yigi. Yapa soe min bi kɔgɔ-yi kɔnkɔn-dɛ la, a tara a ye nyɔ. A ya kulun-belebele-wɛ do wulinɛ taran min bi tala Sipeni nyamanɛ rɔ. A ya kulun-sarɛ di ka ta. Ale miri le ko a si ke le a burila Mari kɔrɔ.

Maika 6:12

A ko nɔnfulu-tiginu bi bolo-kolɔnnu bolo labirala. Wonu damasi ye foninyɛ fɔla.

Maika 6:4

Ale le ya wo labɔ yɔɔnyɛ rɔ Iyipiti nyamanɛ rɔ ka na wo la yan. Ale le ya Musa sɔ wo yarɔ anubɛ Aruna anubɛ Miriyam.

Matiyu 23:37

“E, Yerusalɛm, Yerusalɛm! I ye nɛbinu fagala nun tolon! Alla ara kilayɛ minnu sɔ i wara, i ya wonu mabon kurinu na! A sɔgɛ ye n na wati siyaman ka ila mɔgɛ bɛɛ ladɛn iko sisi-denbɛ si ala dannu nadɛn a kanban kɔrɔ nya min kɔnɔ i ma sɔn n ni wo ma!

1 Yɔni 1:10

Ni ma ko ma ma hakɛ kɛ, ma ara Alla ma foninya-fɔlɛ la, ado ni wo le, Allala kumɛ sa ma yisi rɔ worɔ.

Lankɛnimayɛ 8:13

Nba, n ya n yɛ layɛlɛ. N ya kokɛ-kan lamɔɛn firifirila san ma pon! A kumara kan-wɛ la ko, “E, gbalo! E, gbalo! Melika sawɛ min tonɛ, wonu ba anuna burinu fɛ tumɛ min, a si ma gbalo-wɛ la bɛɛ ye minnu siginɛ dugu-kole kuma.”