Hoseya 6:6 - ALLALA KUMƐ

⁶ N bi nyinina hinɛ le ma wo bolo, saraka ma de! Yanni nna mɔgɛnu ni sarakɛnu mintan n ye, a fisa, anu ni nde lɔn a kila-bɛrɛbɛrɛ fɛ.

Hoseya 6:6 ပူးပေါင်းရင်းမြစ်များ

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

Yaburi 50:8

N sa kumala wo ma ka a tɛgɛ wola saraka-bɔɛla ko ma. N sa kumala wo ma ka a tɛgɛ wola saraka-mintantɛla ko ma wo ye nala min na n ye tuma-wo-tuma.

Hɛnkilimaya-Kumɛnu 21:3

Ka ko-latelennɛ kɛ, wo di Mari ye saraka-bɔɛ ko.

Makawandili Kumɛnu 5:1

A ma i fɛrɛma Alla Bato-Bɔn la. Yanni mɔgɛ ni kuntanya-sarakɛnu bɔ nyɔ iko kuntan donu bi a mala nya min, a fisa, a ni ta nyɔ ka hɛnkili sɔrɔn bawo kuntan wonu ma a lɔn ko anu bi ko-yogomɛ le kun na.

Aiseya 1:11

A ko wo ye saraka-siyamɛ minnu dila a ma kɛ, wo miri ye a ma ko a ye nyinina wonu ma le, wa? Wo ye saga-sarakɛ minnu bɔla wo, wo ye kolo-fen-hakikɛ minnu kɛɛn bɔla sarakayɛ la wo, wonu sɔgɛ la ara bɔ a la lass! A ko a ara bandan wola kolo-fen-yelenu kɔrɔ, a tura wo, a saga wo, anubɛ a baa.

Aiseya 58:6

Mari ko ale ye nyinina min ma sun-don-bole rɔ, wo le kɛ la. Wo ara minnu nadon yele la anu yoe kuma, wo ni wonu nabɔ ka yɔlɔkɛ ratɛgɛ anu ma. Wo ni anu kunyɛ bɔ wɔli-wulen-bɛ kɔrɔ.

Yɛrɛmaya 22:16

A ko a fa wo taranta bolo-kolɔn anubɛ fugarɛnu dɛnbɛna wulɔn. Woletɔ a wara-koe bɛɛ tara a kilɛ fɛ. A ko ale Mari lɔn kɔrɛ le wo la.

Yɛrɛmaya 7:22

A ko alele nara wo benbanu na ka bɔ Iyipiti nyamanɛ rɔ. A kumara anu ye tumɛ min, a ma saraka-mintan-ko-tɔn dɔrɔn di anu ma.

Daniyɛli 4:27

“Ale Daniyɛli ya a fɔ n ye tun ko n ni aleta kawandili-kan bira. A ko n ni fara ko-yogoma-kɛ la. N ni ko-nyimɛ-kɛ dabira. A ko n ni kinikini bolo-kolɔnnu ma. Wo kɔma, a ko tumado, n si taran n diya.

Hoseya 14:2

Wo sɛgi Mari ma. Wo ni matarali-su-kɛ kɛ ko, “Ma makoto ma hakɛ la ka mala matarali-kan labira. Wo kɔma, ma si i matɔgɔ iko ma ara lanyiri kiri i ye nya min.”

Hoseya 2:20

N si nta lanyiri latɔnbagaya ka ile Isirɛla ma n halalɛ la. I si n lɔn i Mari la.

Hoseya 4:1

Mari ko a ye Isirɛla mɔgɛnu sɔn fɛrɛnna anu na. Wole Isirɛla mɔgɛnu, wo ni wo tole masɔ a la. A ko telenbagayɛ anubɛ keninteya fenfen sa wola nyamanɛ rɔ tun. Min sanɛ wo kuma, a ko mɔgɔ-wo-mɔgɔ ma ale lɔn Alla la tun.

Hoseya 8:13

Wo ye sarakɛnu bɔla wo buyinu denu ye, nde, Mari ma de! Nde, Mari sewani ma wonuna ko la mumɛ! N si n yili to wo hakɛ ko ka wo latuntun yɔɔnyɛ rɔ wo tɔrɔya-koe la iko wo taranta Iyipiti nya min nun.

Emɔsi 5:21

“Mari ko wola ladɛn-sɛnimɛnu sɔgɔ-labɔnɛ le a la ka lass! Wo fenfen ma di a ye.

Maika 6:6

Isirɛla mɔgɛnu ya a fɔ anu nyɔgɛ ye ko, “Mari Alla min bi Arinyɛni tɔ, male si na nfen na ale ye a bato-tinɛ min si a hɛnɛ? Ni ma nara san kelen ninki-den-hakikɛnu na ka anu ma saraka-mintantɛnu na, wo si a bɔ?

Maika 6:8

Nɛbi Maika ko, “Ma si min ma wona, Mari ara wo fɔ ma ye nun. A ye nyinina minnu ma ma bolo, wo le kɛnu na. A dabira fɔlɔtɛ, a ko ma ni ko-latelennɛ kɛ. A fila nyɔgɛ, ma ni ma nyɔgɔn keni anubɛ Alla. A sawa nyɔgɛ, ma ni Alla diyana-koenu kɛ gbiliyɛ rɔ.

Matiyu 12:7

A sɛbɛnɛ Allata kitabu rɔ ko, ‘N sa saraka-soge fɛ fɔ kinikinɛ.’ Ni wo ya wo kɔrɛ lɔn nun bɛrɛkɛ, wo ti mɔgɔ-magbalanɛ kɛnu yiliki,

Matiyu 5:7

Mɔgɔ-sewanɛ le wo mɔgɛ la min bi kinikinina donu ma bawo Alla si kinikini ale fanan ma!

Matiyu 9:13

Wo ta kumɛ kɛ kɔrɛ nyini Allata kitabu rɔ ko, ‘A sa nyinina saraka-soge ma ma bolo fɔ kinikinɛ,’ bawo n ma na mɔgɔ-telennɛnu kele tinɛ fɔ hakɛ-tiginu alako wonu ni bila n fɛ.”

Maraka 12:33

Woletɔ mɔgɛ ni Alla keni a yisi bɛɛ la, a hɛnkili bɛɛ la, anubɛ a sɛnbɛ bɛɛ la. I ni i sigi-nyɔgɛ keni iko i nyɛrɛ, ado yanni mɔgɛ ni na sogenu na ka anu mintan saraka-bɔ-tinɛ kuma anubɛ ka saraka-gbɛrɛnu di Alla ma, a fisa, mɔgɛ ni tɔn filɛ kɛnu bira.”

1 Yɔni 2:3

Ma ya Allala tɔnnu bira min kɛ, ma ara la a la worɔ ko ma ya ale lɔn!

1 Yɔni 3:6

Minnubɛ Kirasiti ye kan kelen tɔ, wonu ti to hakɛ kɛla. Kɔnɔ minnu bi tola hakɛ kɛla, wonu ma Kirasitila ko nya-yen hali, ado anu ma a lɔn defan!

1 Samuwɛli 15:22

Samuwɛli ya a fɔ a ye tun ko, “Nfen si Mari hɛnɛ? Kɔ-fannu anubɛ saraka-mintantɛnu ka ata kuma-birɛ, wa? Yanni i ni saga-hakikɛnu ma sarakɛ la Mari ye, a fisa, i ni Marita kumɛ bira.