Hoseya 6:5 - ALLALA KUMƐ

⁵ Wo le ya a ma, n ya nɛbinu kilaya wo ma alako wonu ni kiti tɛgɛ anubɛ kasarɛ wara-koe fɔ wo ye. N bi nyinina min ma wo bolo, wo gbɛnɛ feufeu!

Hoseya 6:5 ပူးပေါင်းရင်းမြစ်များ

Ko-Dabirɛnu 18:25

Mari, ile lara a la, i si mɔgɔ-telennɛnu faga mɔgɔ-yogomɛnu fɛ? I yandi Mari, i kana mɔgɔ-telennɛnu kofu mɔgɔ-yogomɛnu ma. Ile min bi duninya-mɔgɛ bɛɛ kiti tɛgɛla, a bɛnta, i ni ko-latelennɛ kɛ.”

1 Mansɛnu 14:6

Kɔnɔ Nɛbi Ahaya ya ale musi kinta-kan lamɔɛn bonda-dɛ la min kɛ, nɛbi ya a fɔ a ye ko, “Don. N bara a lɔn yati, ko Mansa Yɛrabowamila musi le ile la. Nfenna i ye i nyɛrɛ mafiliyala iko mɔgɔ-gbɛrɛkɛ? Yisi-tinya-kumɛ do ye n bolo ka a fɔ i ye.

1 Mansɛnu 17:1

Nɛbi do bɔra Tisiba soe burɔ Kaliyadi nyamanɛ rɔ. A tɔgɛ le Ilaya. Nɛbi wo tara a fɔ Mansa Ehabu ye ko, “N bi Isirɛlata Mari Alla-nimɛ min batola, n bara n keli wo tɔgɔ rɔ ko duri ti yigi, bandɛ ti na san-dande kɛ kɔrɔ Isirɛla nyamanɛ kɛ rɔ yan fɔ nde, Ilaya wa a fɔ ko bandɛ ni na.”

1 Mansɛnu 18:17

Ale Mansa Ehabu ya Nɛbi Ilaya yen tumɛ min, a ya a fɔ a ye ko, “N bara i yen. Ile kalabante ka tenbi Isirɛla mɔgɛ bɛɛ la.”

1 Mansɛnu 19:17

Ni min ya a buri Hesiyɛli kɔrɔ, Yehu si wo faga. Ni min ya a buri Yehu kɔrɔ, Ilaisa si wo faga.

2 Mansɛnu 1:16

Anu ke, a ya a fɔ mansɛ ye ko, “Mari ko, Alla sa Isirɛla nyamanɛ rɔ min bi a tola, i ye kilayɛnu natala bolo tafɛlɛn tinɛ Ɛkirɔn kɛnuna Bɛsi Beyali-Sibubu wara, wa? A ko fanan bawo i wara wo ma min kɛ, woletɔ i ti bɔ i gbɛ kɛ rɔ. I niyi ye bɔla yan de!”

2 Ko-Kɔrɔta-Karan 21:12

Nɛbi Ilaya ya kɛdi sɛbɛ ale Mansɛ Yɛhoram ma. Min sɛbɛnɛ kɛdi wo rɔ a ko, “I benba Mansa Dawudata Mari Alla ara a ban i la bawo i ma i fa Mansa Yɛhosafati sɔn bi fɔ i benba Mansa Esa.

Yobu 15:30

A ti ke a putukulula sayɛ bolo. A si ma iko tɛ wa kɔlɔma lamintan. Alla si karagbɛlɛ wo fɛ iko fɔnyɔ ye tala kɔlɔma-fere min na.

Yobu 34:10

Wole min ya ko-kɔrɛ lɔn, wo ni wo tole masɔ. Alla Sɛnbɛ-Bɛɛ-Tigi si ko-radunɛ ma, wa?

Yaburi 119:120

N fɛrɛ ye a burila n ma bawo n bi kilanna i la. N kumakɔnɛ kilan bolo ka a tɛgɛ ila kitila ko ma.

Yaburi 37:6

A si a ma, ila telenbagayɛ ni malan iko tele latelan.

Aiseya 11:4

A si bolo-kolɔnnu kiti telenbagayɛ la. A si mɔgɔ-tɔrɔnɛnu dɛnbɛn anu yoe wara-koe rɔ. A wa ban min yilikila, wonu si tɔrɔyɛ le sɔrɔn, ado a si wunduyogenu faga.

Aiseya 58:1

Mari ko wo ni a mayon wo kulu-mayɛlɛnɛ la iko buru-fɛlɛ si buri fɛ nya min. Mɔgɛnu bi min sigila ale Mari ma, a ko n ni wo pose tii anu ye. N ni Yakoba bɔnsɔnnu hakɛ yira anu na.

Yɛrɛmaya 1:10

Ka a dabira bi ma, n bara sibole anubɛ nyamanɛnu natenbi i ma. I si donu wurun ka donu fanka mayigi. I si donu kasara ka donuta mansayɛ bi anu bolo. I si donu sigi mansayɛ la ka donu sɔ fanka rɔ fanan.”

Yɛrɛmaya 1:18

N si i ma iko so-latankanɛ, ni wo ma, nɛgɛ-sɛnbɛrɛn-kɔn, ni wo ma, sila-tarɛ. Mɔgɛ bɛɛ si i ragbɛrɛn Yuda nyamanɛ rɔ, a mansa wo, a kun-tigi wo, a saraka-masɔla wo, anubɛ a mɔgɛ toenu.

Yɛrɛmaya 13:13

Wo kɔma, a ko n ni wo yabi ko ale Mari si wo bɛɛ ma iko gbɛɛtoe nyamanɛ kɛ rɔ. A ko a mansa wo, Dawuda kegeyɛnu, kɔni, a nɛbi wo, a saraka-masɔla wo, anubɛ a Yerusalɛm kɛ bɛɛ, a ko a ye wole ma kɛ la.

Yɛrɛmaya 23:29

Mari ko ata sarakanɛ mani de fanan iko tɛ. A ko a mani de iko kundu-wɛ min bi fara-kole ratiila.

Yɛrɛmaya 5:14

Woletɔ Mari Sɛnbɛ-Bɛɛ-Tigi ko wole, Yuda mɔgɛnu bi a fɔla ko a sa wo tɔrɔla. Woletɔ a ko a ye kumɛ minnu donna nde, Yɛrɛmaya da rɔ, wonu bi mala le iko tɛ, ado wo le manɛ iko tɛ siginɛ sɔgɔ-kundi min na.

Isikiyɛli 11:4

Woletɔ, ile hadama-dan, wɔlɔyiya-kumɛ fɔ anu ye ka anu makuma!”

Isikiyɛli 3:9

N si i ragbɛlɛya iko farɛ ka i yisi gbɛlɛya iko kuri. Hali i ma kilan mɔgɔ-murutiyanɛ wonu na mumɛ!

Isikiyɛli 32:18

A ko, “Ile hadama-dan, di Iyipiti mɔgɛnuna ko la. Anu natuntun sibolo-tagbɛlɛmɛ doinu ma lakira.

Isikiyɛli 43:3

N ya ko-rayirɛ kɛ le su yen iko n ya min yen wo tumɛ Alla nanɛ Yerusalɛm tinya-tinɛ, ado n ya wo su yen Kiba bɛ dafɛ wulɔn. N ya n naburun a ma dugi ma.

Sɛfanaya 3:5

Kɔnɔ hali wo, Mari ye Yerusalɛm soe kɛ burɔ. Koe min telennɛ, Mari si wo le ma. A ti ko-raduni wo ko-raduni ma. Tuma-wo-tuma, a si telenbagaya-kilɛ yira ala mɔgɛnu na. Kɔnɔ hali wo, karagbɛlɛ minnu bi nyɔ, anu ti miliya karagbɛlɛya-kɛ-tinɛ.

Kɛwɔlɛnu 7:31

Musa ya min yen, a kɔndɔfilita wola ko la. A tara a madon kɔlɔma-nɛ wo la alako a ni a mafɛlɛn bɛrɛbɛrɛ-wɛ-kɛ. A tara tumɛ min, a ya Mari kuman-kan lamɔɛn. A ko,

Romu 2:5

Kɔnɔ wo yisi gbɛlɛ, ado wo bannɛ tubi-koe ma feu! Woletɔ Allala diminyɛ anubɛ ala kiti wa bɔ gbɛ rɔ tumɛ min, wo si wola tɔrɔyɛ makofu wulɔn le

Ɛfɛsa 6:17

Wo ni kisi-koe ma wola kɛlɛ-fulɛ la. Allata Ni-Sɛnimɛ ye ata kumɛ min dila wo ma, wo ni ma wola faan la.

Hiburunu 4:12

Nba, Allata kumɛ ye a niyi la. A sɛnbɛ kolo. A dɛ ye a la ka tenbi faan da filɛ la. A si don mɔgɔ fɛrɛ burɔ pon, ha a sɔndɔmɛ anubɛ niyi ye kan min. A si mɔgɛ tɛgɛ ha fɛrɛ latugun tinɛ anubɛ kolota kɛɛn ye kan min. A ye mɔgɔ-diyana-koenu anubɛ a miriya bɛɛ labɔla gbɛ ma.

Lankɛnimayɛ 1:16

Lolo wɔrɔnfilɛ biranɛ a bolo-nyimɛ rɔ. Faan-da-filɛ min dɛ ye a la bɛrɛkɛ, wo ye bɔla a da rɔ. A yakɔrɛ ye malanna iko tele tenbi bɔla tele latelan.

Lankɛnimayɛ 2:16

Nba, wo ni wo kɛ-nya yɛlɛma! Ni wo ma, faan-da-filɛ min bi bɔla n da rɔ, n si na yona ka mɔgɛ wonu kɛlɛ wo la.

Lankɛnimayɛ 9:15

Mɔgɛ bɛɛ faranɛ sigi tina sawa la, melika nanɛ wonu fulenta ka mɔgɛ wonu sigi tina kelan faga. Alla ya anu namara wati wo nyɛrɛla ko la, tele wo nyɛrɛ rɔ, karɛ wo nyɛrɛ la, san wo la gben!

Lankɛnimayɛ 9:21

Anuna mɔgɔ-fagɛ wo, anuna duriyɛ wo, anuna yɛlɛnyɛ wo, anuna kankanyɛ wo, anu ma fara wonu na ka tubi mumɛ!

1 Samuwɛli 13:13

Samuwɛli ya a fɔ a ye ko, “I wara yuwaya-koe le ma wo la. Ita Mari Alla ya tɔn minnu di i ma, i ma sɔn wonu bira-koe ma. Ni i ya a sako le kɛ nun, a si a ma, wobɛ i kegeyɛnu ni to mansayɛ la Isirɛla kun na burubukai!

1 Samuwɛli 15:22

Samuwɛli ya a fɔ a ye tun ko, “Nfen si Mari hɛnɛ? Kɔ-fannu anubɛ saraka-mintantɛnu ka ata kuma-birɛ, wa? Yanni i ni saga-hakikɛnu ma sarakɛ la Mari ye, a fisa, i ni Marita kumɛ bira.

1 Samuwɛli 15:32

Anu ke nyɔ, Samuwɛli ya a fɔ anu ye ko, “Wo ta Amalɛkinuna Mansa Ekaki bi, wo ni na a la n bara.” Mansa Ekaki yili-latɛgɛnɛ nara bawo a ya a lɔn ko a ara saya-masibɛ to a kɔma.

1 Samuwɛli 15:33

Kɔnɔ a ke Samuwɛli ma, wo ya a fɔ ale mansɛ ye ko, “Musi siyaman bara foo anuna dannu na ila faan la nya min, ile fanan, i na foonɛ si to ala dan la wo nya na le.” Samuwɛli ya Mansa Ekaki wo kundu bɔ saraka-mintan-tinɛ dafɛ Kiligali nyɔ.