Hoseya 4:15 - ALLALA KUMƐ

¹⁵ “Hali wole, Isirɛla mɔgɛnu ma telen n ye kɔnɔ Yuda mɔgɛnu kana anuta kɛ-nyanu bi. Wo kana batoli-kɛ Kiligali soe anubɛ Bɛti-Efɛn soe burɔ. Wo kana lanyiri kiri nyɔ nde, Mari-nimɛ tɔgɛ rɔ.

Hoseya 4:15 ပူးပေါင်းရင်းမြစ်များ

2 Ko-Kɔrɔta-Karan 17:4

A ya a fata Alla bato ka ata tɔnnu bira. A ma Isirɛla mansɛnu sɔnnu bi.

2 Ko-Kɔrɔta-Karan 21:11

Mansa Yɛhoram kɛ ya bɛsi-kɔ-tinɛnu nadan Yuda kɔnkɔ-nyamanɛ rɔ. A sɔra Yuda kɛnu anubɛ Yerusalɛm kɛnu yarɔ ka hakɛ kɛ Mari la.

Aiseya 48:1

Wole Isirɛla mɔgɛ minnu bɔra Yuda kebilɛ rɔ, wo ni wo tole masɔ de! Mari ko wole ye wo gborola a rɔ ka ale Isirɛlata Alla tɔgɛ ratɛgɛ a la, ado tonya sa wola kumɛ fenfen tɔ.

Yɛrɛmaya 44:26

Mari ara a keli a nyɛrɛ rɔ ka a tɛgɛ wole, Yuda mɔgɛnu ma minnu bi Iyipiti nyamanɛ rɔ yan. Wo ni wo tole masɔ lanyiri wo la. A ko a ti sɔn wo ni a tɔgɛ rakele lanyiri-kiri-tinɛ. Ka a fɔ ko, “A ye mabɛ ma tigi Alla tɛma,” wo ti ma tun!

Yɛrɛmaya 5:2

Mɔgɛnu bi anu kelila ale Mari rɔ kɔnɔ a ko a wara-koe sa anu burɔ wo nya na mumɛ!

Isikiyɛli 20:39

“Nde, wo Tigi Mari ko ko-wo-ko di Isirɛla mɔgɛnu ye, anu ni wo ma. Anu ni anu taya ka anuna bɛsɛnu kɔ. Kɔnɔ n bi anu makawandila koe kɛ kɔma, anu si n gbiliya worɔ, yɔ! Anu si fara n tɔgɔ-makawanɛ lafɛyala anuna bɛsi-kɔɛ fɛ.

Hoseya 10:5

Sɛnɛ min nadannɛ ninki-danla muninyɛ la Bɛti-Efɛn soe burɔ, wole Samariya kɛnu bi kilanna ko anu kana na foo wo la. Wo yogenu ba sɛnɛ wo bɛɛ ka kɔlɔma-lɛsɛnɛ wo ma, bɛsɛ wo kɔlɛnu anubɛ a saraka-masɔlɛnu si na di bɛsɛ wola ko la bawo anu bara foo a la.

Hoseya 10:8

Wola bɛsi-kɔ-tinɛ minnu bi kɔnkɛ kuma Bɛti-Efɛn soe dafɛ, wo si hakɛ kɛ kan min, wonu si kasara pɔ! Nyɔnu si ma wɔnɔ-firɛ anubɛ binyɛ la. Wo ye nala a fɔla kɔnkɛnu ma ko, “Wo ni wo keri ma kuma alako ma wara-koe ni ka-a-la.”

Hoseya 11:12

Mari ko, “Wole Isirɛla mɔgɛnu bara n nafoo foninyɛ anubɛ yanfanteyɛ la. Ha bi, Yuda mɔgɛnu murutiyanɛ nde, Alla-sɛninyanɛ ma, lanaya-tigi, kɔni.

Hoseya 12:1

“Ka a bi sɔgɔmɛ ma ha wurɛ la, wole Isirɛla mɔgɛnu sa ko-wo-ko kun na fɔ ko-fuyinu anubɛ tinyalɛ. Karagbɛlɛyɛ ara wara wo tɛma. Wo ara dogonta-fannu di Iyipiti kɛnu anubɛ Asiriyanu ma wo dɛnbɛn-koe la.”

Hoseya 12:11

Hali wo, wo ye bɛsɛnu kɔla Kaliyadi nyamanɛ rɔ. Min bɛɛ ye wo kun na, n si wo bɛɛ faga tɛrr! Wo ye turɛnu mala sarakɛnu na wola bɛsɛnu ye Kiligali soe burɔ kɔnɔ wola saraka-mintan-tinɛ wonu si ma kuru-ladɛnnɛnu na gbɛkole ma tala.”

Hoseya 12:12

Ma benba Yakoba ya a buri tala Mɛsopotemiya nyamanɛ rɔ. A ye nyɔ tumɛ min, yanni a ni musi sɔrɔn, a wɔlita kei do kɔrɔ ka wola sagɛnu kandan a ye.

Hoseya 4:12

Wo ye kɔlɔma-malɛsɛnɛnu mala wola nya-nyini-kɛ-fannu na. Kɔlɔma-fuyi le wonu na dɔrɔn. Wo si min ma, wonu denu bi wo labilala wonu na. Wo ara wo kan-kɔ don nde, Mari la feufeu! Wo ara nde, Mari boloka iko musu-yɛlan si ala kei boloka nya min ka ta yɛlɛnya-kɛ-tinɛ.

Hoseya 5:8

Wo ni kɛlɛ-buri fɛ Isirɛla nyamanita soenu tɔ, Kibiya wo, Rema wo, anubɛ Bɛtɛli. Wole Bɛnyamɛ bɔnsɔn kɛlɛ-dannu, wo ni wo mabɛn kɛlɛ-kɛ-koe la.

Hoseya 9:15

Mari ko, “Wola ko-yogomɛ bɛɛ dabirara Kiligali soe burɔ le. Wo fɔlɔta gboyala n ye nyɔ le. N si wo gben nta nyamanɛ kɛ rɔ ka a tɛgɛ wola ko-yogomɛ kɛnu ma. N ti wo keni tun bawo wola kun-tiginu bara murutiya n ma.

Emɔsi 4:4

Allatala ko wole Isirɛla mɔgɛnu, ni a di wo ye, wo ni ta wola kan-tina-sɛnimɛ Bɛtɛli ka hakɛ kɛ iko a di wo ye nya min. A ko wo ni ta Kiligali fanan ka murutiya iko a di wo ye nya min. Wo si na wola sarakɛ minnu na san la, ni a di wo ye, wo ni to nala wonu na sɔgɔma-wo-sɔgɔma. Wo si na wola yaka min na san kɔrɔ iko sawa, ni a di wo ye fanan, wo ni na wonu na tele-sawa wo tele-sawa kɔrɔ.

Emɔsi 5:5

Mari ko wo kana ta Kiligali a bato tinɛ tun iko wo duruta a mala nya min nun fɔlɔfɔlɔ bawo nyɔ si ma don-dɛ la wo ye ka don yɔɔnyɛ rɔ. Wo kana ta Bɛtɛli soe fanan tɔ min tɔgɔ-kɔrɛ le ‘Marita Bɔn’ bawo nyɔ si ma nyinɛnuna bɔn la. Hali wo ma ta Biri-Siba ka Mari bato wula-yan la.

Emɔsi 6:10

Furi wonu na-kelen-nyɔgɛnu ba na anu nabɔ tinɛ bɔn wo la, anu ni ta mɔgɛ do taran nyɔ, anu si a manyinika ko, ‘I kelan le yan?’ Wo si anu yabi ko, ‘Ɔn!’ Furi wo na-kelen-nyɔgɛnu si a fɔ mɔgɛ wo ye ko, ‘I rade don! I kana Alla tɔgɛ ratɛgɛ yan tɔ tun alako mɔgɔ-gbɛrɛkɛ kana faga.’

Emɔsi 8:14

Wo ye tola tala Samariya bɛsɛnu bara wo dɛnbɛn-koe rɔ. Wo ye belenna wo gborola Dan kegeyɛnuta bɛsɛ rɔ. Wo ye tagamana min kɛ ka ta Biri-Siba, wo ara wo yigi sa wo kuma. Kɔnɔ fufafu le wo la. Mari ko a si wo labui. Wo ti ke wo lasɔla tun.

Ɛfɛsa 5:11

Wo kana bila wonu fɛ minnu bi pinpirɔ-ko-fuyinu mala, ado fɔ wo ni pinpirɔ-koe wonu nabɔ gbɛ ma.

Yasowa 7:2

Yasowa ya mɔgɛ donu nata Eyai ka bɔ Yɛrikɔ. Eyai soe ye Bɛtɛli soe tele-bɔɛ wara la. A ma fɛ-yan Bɛti-Efɛn soe la. Yasowa ya a fɔ mɔgɛ wonu ye ko, “Wo ta ka Eyai mafɛlɛn.” Anu tara wati min,