Hoseya 4:14 - ALLALA KUMƐ

¹⁴ N ti wola dunmusinu tɔrɔ bawo wole keinu denu bi yɛlɛn-musi kɛnu makila ka anuna bɛsɛnu kɔ anuna bɛsi-kɔ-tinɛnu tɔ. Wole ko-nya-yenbɛlɛnu bara-koe ti ta yarɔ ma mumɛ!

Hoseya 4:14 ပူးပေါင်းရင်းမြစ်များ

1 Mansɛnu 15:12

Kɔli-kɛlɛ minnu bi yɛlɛnyɛ kɛla anuna bɛsi-kɔ-tinɛnu tɔ, a keimɛ wo, a musumɛ wo, a ya wo bɛɛ gben. A benbanu ya bɛsɛ minnu nadanni to, a ya wo damasi tinya.

2 Mansɛnu 23:7

Yɛlan-keimɛnu bi konko minnu na Bato-Bɔn kata burɔ, a ya wonu tinya. Musinu bi durukinu nadanna Asura kɔlɛnu ye nyɔ le.

Hɛnkilimaya-Kumɛnu 28:5

Karagbɛlɛnu ma telenbagayɛ lɔn. Kɔnɔ mɔgɛ minnu bi Mari batola, wonu ya telenbagayɛ lɔn.

Aiseya 1:5

Nfenna wo wakilanɛ murutiya-koe ma? Ha ka, wo ye tɔrɔyɛ nyinina wo nyɛrɛ kan ma? Ile Isirɛla kunyɛ matanban-tanbannɛ le tɛrr! I hɛnkili ara pirinkan.

Aiseya 27:11

Nyɔ-kɔlɔmanu nafɔsɔnɛ, anu bolɔnnu kerikerinɛ. Musinu si nyɔ ma sɔgɔ-nyini-tinɛ la. Mari ya mɔgɛ wo minnu dan, anuna hina-wo-hina ma taran ale rɔ bawo anu ya anu ban a nya-yen-koe ma.

Aiseya 56:11

Anu hamahamɛ iko wulu-wasabɛlɛ. Anu mani de iko saga-fɛ-biralɛ min kunyɛ rakolɔn. Anu sa fenfen kun na fɔ ka hɔn anu nyɛrɛ la. Anu bi nyɔ dɔrɔn fɔ ka anu kin-kɔrɛ lafasa.

Daniyɛli 12:10

Hɛnkili ye minnu na, wonu si anu kɛ-nya latelen kɔnɔ mɔgɔ-karagbɛlɛnu ti ko-wo-ko nya-yen kɛ rɔ fɔ ka to anuna karagbɛlɛyɛ kun na tolon!

Hoseya 14:9

Min sɛbɛnɛ yan tɔ, alamɛ hɛnkilimɛnu ya wo nya-yen. Alamɛ anu ya a sa anu yisi rɔ. Allata kilɛ telenni de tede, ado ni mɔgɔ-telennɛnu bilara a fɛ, anu denu si kisi. Kɔnɔ hakɛ-tiginu si tonko-tankan ka bui bawo anu bara anu ban ale Mari la.

Hoseya 4:1

Mari ko a ye Isirɛla mɔgɛnu sɔn fɛrɛnna anu na. Wole Isirɛla mɔgɛnu, wo ni wo tole masɔ a la. A ko telenbagayɛ anubɛ keninteya fenfen sa wola nyamanɛ rɔ tun. Min sanɛ wo kuma, a ko mɔgɔ-wo-mɔgɔ ma ale lɔn Alla la tun.

Hoseya 4:17

Wole Isirɛla mɔgɛnu bara wo nyɛrɛ to bɛsi-kɔ-koe ma. Mɔgɛnu kana bila wo fɛ.

Hoseya 5:4

Wole Isirɛla mɔgɛnu bara ko-yogomɛ minnu ma, wo le ye wo mabelila wota Alla-bato-kilɛ ma. Bɛsi-kɔɛ ara wo bira gbuturu! Wo ma Mari lɔn fenfen na.

Emɔsi 2:7

Wo ye bolo-kolɔnnu natosokɔrɔla ka tagama anu kuma. “Wola yɔɔn-musi minnu bi wo tɛma, fa wo, ala den wo, anu filɛ ye anu sala wonu fɛ. Wola ko-ladan-bole wo ara ma Mari tɔgɔ-tinya-koe la.

Emɔsi 7:17

Nba, ile Saraka-Masɔla-Kun-Tigi-Wɛ Hamasa, i ni i tole masɔ Mari ye nala min fɔla i wara-koe rɔ. Mari ko ila musi si ma yɛlan la ka to yilan-yilanna keinu kuma. Ila dannu si to kɛlɛ rɔ. Wo yogenu si na wola nyamanɛ kɛ bi wo bolo ka a tala anu nyɔgɔn na. Anu si ta Isirɛla mɔgɛnu na ka anu ma yɔɔnnu na nyamani-gbɛrɛ rɔ. Ile Hamasa nyɛrɛ-nyɛrɛ si faga nyamani-gbɛrɛ rɔ.”

Yilan-Yilan Koe 25:3

ka anuta bɛsi Beyali kɔ Piyɔri kɔnkɛ kuma. Mari fonde bɔra anu kuma kati!

Yɔni 8:43

N bi min fɔla, nfenna wo sa wo nya-yenna? Ado nfan, wo ti ke wo nya-yenna bawo wo sa sɔnna nna kumɛ lamɔɛnna.

Romu 3:11

hali kelen sa min si ko nya-yen. Wo mɔgɔ sa min si Alla nyini.

1 Kɔrɛnti 6:16

Wo ma a lɔn ba, ko kei min bara a fɛrɛ-bɔnkɛ tugun yɛlan la, anubɛ wo ma ma kelen na? Allala kitabu ya a lagbɛ ko, “Anu filɛ si ma fɛrɛ-bɔnku kelen na, wa?”

Ɛfɛsa 4:18

Anu hɛnkili ye pinpi rɔ. Alla ye nimayɛ min dila male ma, anuta fenfen sa wo rɔ bawo anu ma ko-wo-ko nya-yen anuna yisi-gbɛlɛyɛ bolo.

Tɔn-Fɔɛ-Fila-Nyɔgɛ 23:17

“Isirɛla mɔgɔ fenfen kana a nyɛrɛ ma yɛlan la bɛsi-kɔ-tinɛnu tɔ.

Hiburunu 12:8

A ye ala dan bɛɛ kolola le. Ni a ma wo kolo, wo kɔrɛ le ko a nyɛrɛta den ma wo la worɔ. Fɔ ni wo mara nyɔ-mɔgɔ-dan la worɔ.