Hoseya 2:23 - ALLALA KUMƐ

²³ N si nta mɔgɛnu fui nyamanɛ wo rɔ ka anu bara-koe lata yarɔ. N ya a fɔ minnu ma ko, “Hinabɛlɛnu,” n si hina wonu na. N ya a fɔ minnu ma ko, “Nta ma,” n si a fɔ wonu ma ko, “Nta mɔgɛ le kɛnu na.” Wonu fanan si a fɔ ko, “Mata Alla le ile la.”

Hoseya 2:23 ပူးပေါင်းရင်းမြစ်များ

Yaburi 118:28

Nta Alla le ile la n si baraka bira min ye. N si i makawa-koe rakaran kan tinɛ bɛɛ rɔ.

Yaburi 22:27

Sibole bɛɛ hɛnkili si to Mari ko. Anu si anu ya-lamunun Mari la duninya-tonko-nanɛ bɛɛ rɔ. Sibole bɛɛ si a bato.

Yaburi 68:31

Kun-tiginu si bɔ Iyipiti nyamanɛ rɔ. Sudan kɛnu si anu bole sigi Alla ye ka madiyali kɛ.

Yaburi 72:16

Alamɛ fui-fan siyayara ala nyamanɛ rɔ duk! Alamɛ ki-fan raboroko-barakara kɔnkɛnu tɔ iko a ye Lɛbanan nyamanɛ rɔ nya min. I ni a ma, soenu na ni fa mɔgɛnu na penpen iko binyɛ waranɛ gbɛkolenu ma nya min.

Keninteya-Siginu 2:16

Ntɛ le ile, nna keminɛ la. Atɛ le nde fanan na. I ye nna baga-ferenu-diyɛ bɔla.

Aiseya 44:5

A ko mɔgɛnu si to a fɔla kelen-kelenyɛ ma ko Marita mɔgɛ le anu denu na. Anu si kofu male Isirɛla mɔgɛnu ma. Anu kelen-kelennamɛ-bɛɛ si Mari tɔgɛ sɛbɛ anu bole ma ka anu nyɛrɛ kele ko Allata mɔgɛ donu.

Yɛrɛmaya 16:19

E, Mari, n sɛnbɛ anubɛ n natankalɛ le ile la. Tɔrɔyɛ wa na tumɛ min, n si ta i wara n nakanan-koe rɔ. Sibolenu si bɔ duninya tonke bɛɛ rɔ ka na i wara. Anu si a fɔ ko, “Bɛsi-fuyi le ye ma benbanu bolo nun dɔrɔn! Anu bi bɛsi-fufafuyinu kɔla nun minnu ti ko nyinya anu ma.

Yɛrɛmaya 31:27

Mari ko wati ye nala, a si Isirɛla anubɛ Yuda nyamanɛnu nafa hadama-dan anubɛ kolo-fannu na.

Yɛrɛmaya 32:38

Wo wa ma tumɛ min, a ko anu si ma ata mɔgɛnu na, ale si ma anuta Alla la.

Yɛrɛmaya 33:26

Iko tɔn wonu banbannɛ nya min, Mari anubɛ Yakoba anubɛ Mansa Dawuda kegeyɛnuna sarama-kan banbannɛ wo nya na le. Iburayima kegeyɛ wo, Yakoba kegeyɛ wo, Isiyaka kegeyɛ wo, Mansa Dawuda kegeyɛnu si to wonu marala tolon! A si kinikini ala mɔgɛnu ma ka anu sabati tun.

Isikiyɛli 36:29

Koe min bɛɛ si anu natinya, n si anu nakanan wonu ma. N si a ma, fui-fannu ni sabati alako kɔnkɔ kana na nta mɔgɛnu bira tun.

Hoseya 1:6

Koma anubɛ Nɛbi Hoseya ya dan fila nyɔgɛ min sɔrɔn, wo mara dunmusi la. Mari ya a fɔ Nɛbi Hoseya ye ko, “I ni a tɔgɔ sa ‘Hinabɛlɛ’ bawo n ti keninteyɛ yira Isirɛla mɔgɛnu na tun, kuma sa anu makoto-koe ma.

Hoseya 8:2

Hali wo ye a fɔla ko wota Alla le nde la, ado nfan, wo ye a fɔla fanan ko ntɛ le wole la, ado wo ko wo ya nde, Mari lɔn,

Sakaraya 10:9

A ko hali ale ara a ma, anu ta ara nyɛnsɛn sibolo-gbɛrɛnu tɛma, hali anu bi wula-yan wonu na, anu si anu miri ale ma. A ko anubɛ anuna dannu si to anu niyi la ha anu ni anu kɔ sɛgi anu nyɔgɔn fɛ.

Sakaraya 13:9

A toe minnu bi tola anu niyi la, a si a lagbɛlɛya anu kuma alako anu ni sɛninya iko sɛnɛ anubɛ wodi-gbɛ si sɛninya tɛ rɔ nya min. Wo kɔma, ni min ya a madiya, a si a wɔlɔ matɔlɔ wo la. A si a fɔ anu ye ko atɛ le anu denu na. Anu fanan si anu sɔn a la ko anuta Alla le ale la.

Sakaraya 14:16

Sibolo-gbɛrɛ-toe minnu bi tola anu niyi la, san-bo-san, wonu si ta Yerusalɛm Mari Sɛnbɛ-Bɛɛ-Tigi bato-tinɛ ka a gbiliya iko mansɛ. Anu si Lele-Sɔɛ-Ladɛn kɛ anu nyɔgɔn fɛ.

Sakaraya 14:9

Wo wati rɔ, Mari si ma duninya-mumɛ-mansɛ la. Duninya-mɔgɛ bɛɛ si Mari kelan kele a tɔgɔ kelan la ka a bato.

Sakaraya 2:11

Wo wati wa ke, sibolo-gbɛrɛ mɔgɔ-siyaman si yɛlɛma ka na ale Mari ma. Ale si a mayigi wo tɛma. Wo ye a lɔnna wo le ma ko ale Mari Sɛnbɛ-Bɛɛ-Tigi ya n kilaya wo ma.

Malakayi 1:11

Ka bɔ tele bɔɛ ha tele-yigi, mɔgɛnu bi ale Mari gbiliyala. A ko mɔgɛnu bi isɛnti mintanna a ye ka saraka-bɛrɛnu bɔ a gbiliya-koe la.

Romu 3:29

Alla ye Yahudiyanu denu dɔrɔnna ko la, wa? Sibolo-gbɛrɛnu fananta Alla ma ale la? Wonutɛ le ale fanan na.

Yemesi 1:1

Alla anubɛ Mari Yisa, Allata-Mɔgɔ-Yabɔnɛla wɔli-kɛlɛ, Yemesi le ye kɛdi kɛ sɛbɛla. N bi Allala mɔgɛ bɛɛ kɔndɔnna minnu nyɛnsɛnnɛ duninya kan tinɛ bɛɛ rɔ.