Hoseya 2:21 - ALLALA KUMƐ

^21-22 Ni ile Isirɛla ya n matara ko-wo-ko rɔ wo wati rɔ, n si wo lamɔɛn. N si a ma, bandɛ ni bui dugi ma. Wo si a ma, Yɛsɛreli lɛɛ ni dɔn-fan labɔ, a fui-fen wo, a ki-fen wo.

Hoseya 2:21 ပူးပေါင်းရင်းမြစ်များ

Aiseya 55:10

Mari ko ata kumɛ mani de iko bandɛ anubɛ duri ye dugu-yi kɛla nya min, anu si ki-fannu nananfa. Mɔgɛ si sugi anubɛ dɔn-fan sɔrɔn ki-fan wonu tɔ.

Aiseya 62:4

Mɔgɛnu ti wo kele tun ko, “Allata Mɔgɔ-Bolokanɛnu.” Mɔgɛnu ti wola nyamanɛ kele tun ko, “Allata Nyamani-Halakini-Kɔrɛ.” Anu si wo kele ko, “Alla Diyana-Mɔgɛnu.” Wola nyamanɛ si kele ko, “Allata Kɔɛn-Kurɛ.” Wo dama ye mala le bawo wo di Mari ye. Wola nyamanɛ si taran a bolo iko musi ye taranna ala kei bolo nya min.

Aiseya 62:5

Iko keminɛ ye a wasila kɔɛn-kura-biyi la nya min, Mari ye a wasila wo biyi la wo nya na le. Iko kei ye sewala ala musu-kurɛ la nya min, ale Mari fanan bi sewala wo la wo nya na le.

Aiseya 65:24

Yanni anu ni anu miri min ma, Mari ara wo di anu ma. Anu tenbi ale Mari manyinikala anu dɛnbɛn-koe rɔ, yaga, wo ye anu dɛnban kun na.

Isikiyɛli 36:29

Koe min bɛɛ si anu natinya, n si anu nakanan wonu ma. N si a ma, fui-fannu ni sabati alako kɔnkɔ kana na nta mɔgɛnu bira tun.

Hoseya 14:7

Wo si taran nta latankalɛ rɔ tun iko fɔlɔ. Wo si ma sɛnɛ la min sabatinɛ a kila-bɛrɛbɛrɛ fɛ. Wo mankan si koloya iko Lɛbanan minni-fan ye nya min.

Yowɛli 2:19

Wo kɔma, Mari si a fɔ wo ye ko a si dɔn-fan anubɛ minni-fan anubɛ tuli di wo ma min si na wo wasa. Wo si a ma, sibolo-gbɛrɛ doinu ti wo ma yɛlɛnma-fan la tun.

Sakaraya 13:9

A toe minnu bi tola anu niyi la, a si a lagbɛlɛya anu kuma alako anu ni sɛninya iko sɛnɛ anubɛ wodi-gbɛ si sɛninya tɛ rɔ nya min. Wo kɔma, ni min ya a madiya, a si a wɔlɔ matɔlɔ wo la. A si a fɔ anu ye ko atɛ le anu denu na. Anu fanan si anu sɔn a la ko anuta Alla le ale la.

Sakaraya 8:12

A ko wo si wola fui-fannu fui wo fanbolo. A ko wola ki-fannu si nanfa kubukubu! Wola dugi si nɔrɔn ki-fannu kɔrɔ, ado bandɛ si na! A ko a si duwɛ kɛnu di wole, ata mɔgɛnu ma minnu tonɛ gbɛ!

Sakaraya 8:8

a ko a si wo kundɛn Yerusalɛm soe burɔ. Wo si ma ata mɔgɛnu na. Ale fanan si ma wota Alla la. A ko a si mansayɛ kɛ wo kun na lanayɛ anubɛ latelan rɔ.

Malakayi 3:10

A bɛnta, a ni yaka min nyɔgɔn sɔrɔn wo bolo, a ko wo ni na wo dama la Bato-Bɔn la woletɔ dɔn-fan ra si boroko-baraka nyɔ rɔ. Mari ko wo ni a rasuma. A ko wo si a yen ni a ti san-kolo-dɛnu naka ka fen-nyima-siyaman nayigi wo ma biribiri!

Malakayi 3:11

A ko a ti sɔn tunbinu ni wola ki-fannu tinya. Wola ki-fannu si gbɔ tisikiri!

Matiyu 6:33

Wo ni Allala mansayɛ anubɛ ata telenbagayɛ fɔlɔn nyini. Wo kɔma, ale ni na to fan kɛ bɛɛ dila wo ma.

Romu 8:32

A ma a nyɛrɛta dan, Yisa yamasansan fɔ ka a bɔ sarakɛ la ma damala ko la. Ni a ara ala dan di ma ma, a ti fan bɛɛsi di ma ma fanan, wa?