Hoseya 2:15 - ALLALA KUMƐ

¹⁵ N si ala ki-fannu nasɛgi a ma tun ka ala kɔndɔfili bɛɛ yɛlɛma a ye yigi la. A sɔndɔmɛ si sa ntɛ kuma buda iko fɔlɔ, a fonike wati min wo tumɛ a bɔ-san Iyipiti.

Hoseya 2:15 ပူးပေါင်းရင်းမြစ်များ

1 Mansɛnu 16:31

A ya hakɛ min kɛ iko Mansa Yɛrabowamitɛ, wo ma a wasa. A sɛgira tala Saidon Mansa Ɛtibeyalila dunmusi furula. Musi wo tɔgɛ le Yɛsɛbɛli. Wo kɔma, a ya bɛsɛ do kɔ min tɔgɛ Beyali.

Yaburi 106:12

Wo kɔma, ala mɔgɛnu lara ata lanyiri wonu na ka a tanto-bɛtinu bɔ.

Yaburi 129:1

Wole Isirɛla mɔgɛnu, wo ni kumɛ kɛ labira ka a fɔ n kɔma, “Kebi n dennɛ, n yogenu bi n niyi ragbɛrɛnna n ma.

Aiseya 65:10

Wo kɔma, a ko Sarɔn lɛɛ si ma sagɛnu de-nyini tinɛ la. Ekan lɛɛ si ma ninkinu daga makɛ tinɛ la. Mɔgɛ minnu bi bilala ale Mari fɛ, ninki wonu si ma wonu halalɛ la.

Aiseya 65:21

Soe wo burɔ, mɔgɛ si sigi a halala-bɔn kɔrɔ. Min bi sundi labɔla, wo le ye a tɔnɛ sɔrɔnna.

Yɛrɛmaya 2:1

Mari ya a fɔ n ye ko

Yɛrɛmaya 2:2

n ni ta kuma Yerusalɛm kɛnu na. A ko n ni a fɔ anu ye ko anu sibole wuli-san, anu telennɛ a ye. A ko ale Mari di anu ye nun koikoi iko kei di ala kɔɛn-kurɛ ye nya min. A ko anu bilanɛ a fɛ nun wulɛ rɔ, wulɛ min da-rakolɔn filili, kɔni.

Yɛrɛmaya 29:11

Ale le kelen pe ya a miriya lɔn wola ko la. A miriya ye wo la yarɔma-ta-koe le ma, kasarɛ ma de! A ye a fɛ, wo ni yigi-bɛrɛbɛrɛ sɔrɔn yarɔma.

Yɛrɛmaya 3:4

Kɔnɔ Mari ko wo ye a fɔla a ma ko kebi wo dennɛ, wo fa le ale Mari la, wo di min ye.

Yɛrɛmaya 32:15

Mari Sɛnbɛ-Bɛɛ-Tigi, Isirɛlata Alla ko yarɔma, a bon wo, a dugu wo, a wɔli-kɛ-tina wo, wo dama si ma feri-kɛ-fan la tun nyamanɛ kɛ rɔ.”

Nimisa Koe 3:21

Kɔnɔ n ba n miri ko kelen pe ma, wo le si a ma, n yigi ma ni diya.

Isikiyɛli 16:22

I ye ila yɛlɛnya-wulen-bɛ kɛ kun na, i sa i mirila ila denniya-tumɛ ma, wo tumɛ i makolɔn sani mamagala i sɔrɔn-yele rɔ.

Isikiyɛli 16:60

Kɔnɔ kebi i dennɛ, ma ya sarama-kan min kiri ma nyɔgɔn tɛma, n si n baralɛ latɔnbagaya. Sarama-kan wo ti yɛlɛma muk!

Isikiyɛli 16:8

“ ‘Nde, Mari tenbimatoe tun, n ya i taran nkɛkuna, n ya i yen ko i wara ke. Woletɔ n ya nna duruki-ba-tɔnkɔn lata ka a mamɔrɔ-mɔrɔ i gbu-makolɔn ma bawo i di n ye. N ya lanyiri kiri ka a tɛgɛ i furu-koe ma. Ile mara ntɛ la. Nde, i Tigi Mari kan le kɛ la.

Isikiyɛli 28:25

N Tigi Mari ya a fɔ ko, “N bara Isirɛla mɔgɛ minnu tanyɛnsɛn sibolo-gbɛrɛnu tɛma, n si wonu kundɛn Isirɛla nyamanɛ rɔ tun. Wo si a ma, sibole bɛɛ ni a lɔn ko n sɛnima. Isirɛla mɔgɛnu si sigi anu halala-dugi rɔ tun n ya min di nta wɔli-kɛla Yakoba ma, kɔni.

Isikiyɛli 28:26

Anu si sigi nyɔ lafɛrɛ rɔ. Anu si bɔnnu sɔ nyɔ ka ki-fannu ki. Sibole minnu tɛgɛnɛ anu tɔ, n si wonu tɔrɔ alako anu kanannɛ ni to nya min. Anu si a lɔn wo le ma ko anuta Mari Alla le nde la.”

Hoseya 11:1

Mari ko, “Fɔlɔ nun, wole Isirɛla bɔnsɔn dɔgɔ tumɛ min, wo diyara n ye iko n halala-dan! N ya wo kele ka bɔ Iyipiti.

Hoseya 12:13

Mari ya ala nɛbi do sɔ ka ta wole, ala mɔgɛnu kunka Iyipiti nyamanɛ rɔ ka wo fɛ-bira.

Hoseya 12:9

Kɔnɔ nde, wota Mari Alla min ya wo labɔ Iyipiti nyamanɛ rɔ, n ko n si a ma, wo ni wo sigi fani-bɔnnu na tun iko n ya a ma wo benbanu ye wula-da-rakolɔn rɔ nya min.

Hoseya 13:4

Mari ya a fɔ Isirɛla mɔgɛnu ye ko, “Wota Mari Alla le nde la min nara wo la ka bɔ Iyipiti nyamanɛ rɔ. Alla-gbɛrɛkɛ fenfen sa wo bolo nde kɔma, ado wola kisilɛ le nde kelan la.

Hoseya 2:12

A ya ki-fen-gbɔ-hakikɛ min bɛɛ sɔrɔn ala keminɛnu bolo a sarayɛ la, n si wo damasi halaki. N si ala ki-fan bɛɛ ma fɔgbɛ la, ado firarɔ-sogenu si to wonu dɔnna.

Emɔsi 9:14

Mari ko a si ala mɔgɛnu nasɛgi anu halala-dugi ma. Anu si anuna so-tinyanɛ sɔ tun ka anu sigi nyɔ. Anu si kɔlɔmanu ki ka anu gbɔɛ dɔn. Anu si ki-fannu ki ka wo fanan dɔn.

Sakaraya 9:12

Yigi ye wole mɔgɔ-biranɛ minnu bolo, wo ni wo sɛgi tun wola so-latankanɛnu tɔ. Wo ara min bɛɛsi nyɔgɔn tɔrɔyɛ dunu, a ko a si wo nyɔgɔn fila duwɛ di wo ma.

Yilan-Yilan Koe 21:17

Isirɛla mɔgɛnu ya bɛti kɛ bɔ wati wo le ko, “Ile kɔlɔn kɛ, yi-diyamɛ ni taran i rɔ. Ma si yi kɛ kɔndɔn bɛti la. Mansɛla dannu denu ya i sin. Mala kun-tiginu ya i rabɔ. Ile sinta mansɛla sɛnɛ-kɔlɔma la. I sinta habadan-mansɛ bolo.” Anu bɔra wulɛ wo rɔ ka ta kan tinɛ do min tɔgɛ Matana.

Yɔni 10:9

Nde le anu don-dɛ la. Min ba don nde fɛ, wo si kisi. A si ta-ni-sɛgi kɛ a de-nyini tinɛ.

Kɛwɔlɛnu 14:27

Anu kera Antiyaki tumɛ min, anu ya Mari Yisata mɔgɛ bɛɛ ladɛn. Alla ya koe min kɛ anu ye, anu ya wo bɛɛ fɔ nyɔ-mɔgɛnu ye katarala a ya kilɛ laka sibolo-gbɛrɛnu ye nya min alako anu fanan ni dɛnkɛninya Mari ma.

Yasowa 7:26

Anu ya kuru-kundinu nadɛn Ekan bugurɛ kuma. Wo ye nyɔ ha bi. Woletɔ ha bi, anu bi folo-wɛ wo kelela ko Nanparan fole.

Kɛlɛ-Kurugbɛnu 8:34

Anuta Mari Alla min ya anu kisi anu yogenu masibɛ ma anuna foolɛ rɔ, anu ma sɔn wo sako kɛ-koe ma tun.