Hoseya 2:14 - ALLALA KUMƐ

¹⁴ N bi nala tala a la wulɛ rɔ. N ba ke a la nyɔ, n si a manugu-nɛgɛ-kumɛnu fɔ alako n ni diya a ye tun.

Hoseya 2:14 ပူးပေါင်းရင်းမြစ်များ

Ko-Dabirɛnu 34:3

A ban a sala Daina fɛ, a diyara Sɛkɛm ye kati! A ya a madiya-kumɛ fɔ a ye alako a ni diya Daina ye.

Yobu 36:16

Nba, n fa Yobu, a sɔgɛ ye Alla la ka karɛ bɔ i ma. A ye i kelela i lafɛrɛ tinɛ. Alla ya dɔn-fen-sufa bɛɛ raka ila tebulu kuma

Keninteya-Siginu 1:4

N bi! Ma ni ta ma kun fɛ pon! I ni ma nna mansɛ la ka ta n na i bolo konko la. Ma si ma nyɔgɔn-diya bɔ. Ma ni tunu keninteyɛ rɔ pɔɛ! Ni i diyara musi bɛɛ ye, i kana tɛrɛna wo la.

Aiseya 30:18

Hali wo, Mari ye wo makɔnɔna alako a ni kinikini wo ma. A rabɛnnɛ ka kinikini wo ma bawo a ye ko-telenni-gbansan le mala. Mɔgɔ-sewanɛ le wo tigi la min lanɛ Mari la.

Aiseya 5:5

“N bi kɛ le mala nna nakɔɛ rɔ ki-fannu kɔrɔ. A sansannɛ min na, n ni wo tinya. N si a ma, sogenu ni nakɔɛ kɛ firan fiya!

Yɛrɛmaya 16:14

Wo wati ye nala, wo si wo keli ale Mari tɔgɔ rɔ tun. Kɔnɔ wo ti a kele tun ko, “Alla min ya ma bɔ Iyipiti nyamanɛ rɔ.”

Yɛrɛmaya 2:2

n ni ta kuma Yerusalɛm kɛnu na. A ko n ni a fɔ anu ye ko anu sibole wuli-san, anu telennɛ a ye. A ko ale Mari di anu ye nun koikoi iko kei di ala kɔɛn-kurɛ ye nya min. A ko anu bilanɛ a fɛ nun wulɛ rɔ, wulɛ min da-rakolɔn filili, kɔni.

Yɛrɛmaya 45:4

Kɔnɔ Mari ko ale ara min sɔ, a si wo labui. A ara min ki, a si wo wurun. A ko a si wo sigi duninya bɛɛ ma.

Isikiyɛli 20:10

“Woletɔ n ya anu kunyɛ bɔ gbaran rɔ Iyipiti ka ta anu na wula-da-rakolɔn rɔ.

Isikiyɛli 20:33

“Nde, wo Tigi Mari ya n keli n nyɛrɛ rɔ, n bi Isirɛla mɔgɛnu makawandila ko n si mansayɛ kɛ anu kuma yisi-bɔɛ anubɛ n sɛnbɛ bɛɛ la.

Hoseya 2:3

Ni a ma sɔn, n si a makolonya iko a na ya a sɔrɔn nya min. A si ma iko dugu-magbalanɛ anubɛ gbangban. Kan-nagbalɛ si a faga.

Maika 1:7

Wola bɛsi-da-gbɛlɛmɛ wonu ta si bunden. Wo ye wola kɔlɔma-malɛsɛnɛ anubɛ wola kuru-malɛsɛnɛ minnu kɔla, wonu bolokanɛ si belenna sundu-kunyɛnu ma. Wole Samariya mɔgɛnu ya fan minnu di wola yɛlannu ma minnu bi wola bɛsi-bɔnnu na, fan wo donu si mintan gburr! Ni wo bolo-fan minnu ma mintan, wo yogenu si na wonu bi ka ta anu na anuna yɛlannu ye anuna bɛsi-kɔ-tinɛnu tɔ.”

Maika 4:10

Nfen bi a tola, wole Yerusalɛm mɔgɛnu bi wo forongbesila iko musi buyi wa a lamaga. Bawo fɔ wo wa wo buri ka Yerusalɛm takolonya ka ta wo sigi kan-tina-rakolɔn do rɔ. Wo yogenu si ta wo la Babilɔn kɔnɔ wati wa tenbi wota Mari si wo kunyɛ bɔ wo rɔ.

Yɔni 12:32

Anu ba n nayɛlɛ san ma tumɛ min ka bɔ duninya kɛ rɔ, n si mɔgɛ bɛɛ madon n na.” (

Yɔni 6:44

Mɔgɔ-wo-mɔgɔ ti na n bara fɔ n Fa min ya n sɔ, ale le si wo lana n ma. Nba, tele-laban-lun, n si wo lawuli ka niyi di a ma.

Lankɛnimayɛ 12:14

Kokɛ-wɛ kanban filɛ dira musi wo ma alako a ni gban ka ta a warɛ wula-da-rakolɔn rɔ. Anu si a kandan nyɔ san sawa ani a tala ka kisi ninkinankɛ ma.

Lankɛnimayɛ 12:6

Musi wo ya a buri tala wulɛ rɔ. Alla ara wulɛ min tabɛn musi wo ye, a ya a buri tala nyɔ a kanan-koe la. A tora nyɔ tele waga kelen, tele kɛmɛ fila, ani tele bi-wɔrɔ (1,260) kɔrɔ.

Kɛlɛ-Kurugbɛnu 19:3

Wo kɔma, kei wo bɔra Ifɛrɛm nyamanɛ rɔ ka ta a fɛ-sigi-musi wo sagaran a fa warɛ. A sɔgɛ ye a la, a ni ta kuma-diyamɛ fɔ a fɛ-sigi-musi ye alako a ni sɛgi a warɛ bɔn la tun. A ya sofɛlɛ fila bi anubɛ ala wɔli-kɛlɛ. Anu tara. Anu ke a biran-kei warɛ Bɛtalehɛm soe burɔ, a fɛ-sigi-musi wo ya anu nabɛn ka anu yiya bɔn la. A biran-kei ya a yen tumɛ min, a nyagalenta a la ka a kɔndɔn bolo-nyimɛ-kɛ.