Hoseya 14:5 - ALLALA KUMƐ

⁵ N si diya wole, Isirɛla mɔgɛnu ye iko bandɛ wa kɛ dugu-gbalanɛ ma. Wo si ma iko kɔlɔma min bara fere bɛrɛkɛ! Wo si banban iko Lɛbanan kɔlɔma min suli yiginɛ pon!

Hoseya 14:5 ပူးပေါင်းရင်းမြစ်များ

2 Samuwɛli 23:4

wo mani de iko sun-tele min bi sɔla kunbi la, ado tele anubɛ bandɛ le binyɛ lanɔrɔnna.

2 Mansɛnu 19:30

a mɔgɛ toe min tonɛ Yuda nyamanɛ rɔ, wonu si sabati iko ki-fan min bi a suli layigila dugi rɔ pon, ka gbɔ-nyimɛ kɛ.

Yobu 29:19

N mani de iko kɔlɔma min suli ti foo yi la. Kunbi siginɛ kɔlɔma wo yanba-kunyɛ la tuma-wo-tuma.

Yaburi 133:3

Kan kelan wo mani de iko duri tenbi yigila Hɛrɔman kɔnkɛ ma, ni wo ma, duri min bi yigila Yerusalɛm kɔnkɛ ma. Mari ara ma yili-madiya habadan-nimayɛ la nyɔ le.

Yaburi 72:16

Alamɛ fui-fan siyayara ala nyamanɛ rɔ duk! Alamɛ ki-fan raboroko-barakara kɔnkɛnu tɔ iko a ye Lɛbanan nyamanɛ rɔ nya min. I ni a ma, soenu na ni fa mɔgɛnu na penpen iko binyɛ waranɛ gbɛkolenu ma nya min.

Yaburi 72:6

Alamɛ mansɛla mansayɛ ya ala mɔgɛnu munanfaga iko banda-yi ye ki-fannu nasabatila nya min.

Yaburi 80:9

I ya nyɔ kumaka alako a ni nanfa. A suli yigira saru! A ya a bolɔnnu nata nyamanɛ-tonko-nanɛ bɛɛ rɔ.

Yaburi 92:12

Mɔgɔ-telennɛnu bara-koe si yɛlɛ fulufele, iko tin-kuri. Anu si to koloyala iko kɔlɔma-hakikɛ minnu bi Lɛbanan nyamanɛ rɔ.

Yaburi 92:13

Anu bara-koe ye tala yarɔ Mari Alla Bato-Bɔn la iko kɔlɔmanu bi nanfala nya min.

Hɛnkilimaya-Kumɛnu 19:12

Ni mansɛ diminyara i ma, wo mani de iko yarɛ tenbi bɔrɔndɔ-bɔrɔndɔla kɔnɔ ni a sewara i la, wo mani de i ye iko banda-kun-fɔlɛ.

Keninteya-Siginu 2:16

Ntɛ le ile, nna keminɛ la. Atɛ le nde fanan na. I ye nna baga-ferenu-diyɛ bɔla.

Keninteya-Siginu 4:5

I kinyɛ monɛ iko minan-den fɛrɛn filɛ tenbi a de-nyinina baga-ferenu tɔ.

Aiseya 12:1

Wati ye nala, mɔgɛnu si to bɛti bɔla ko, “E, Mari, n bi i matɔgɔla. Hali i fununɛ ye ma la nun kɔnɔ mala diminyɛ sa i bolo tun, ado i ye ma ladiyala.

Aiseya 18:4

Mari ya a fɔ n ye ko a si a kolan layigi ka bɔ Arinyɛni tɔ a fɛrɛma iko duri tenbi yigila dɔn-fen-tɛgɛ-wati la nya min anubɛ iko tele-wuyan tele-latelan rɔ.

Aiseya 26:19

Mala mɔgɛ minnu bara faga nun kɔrɔma la, wonu niyi si sɛgi anu tɔ tun. Anu niyi si bila anu bagbuyi rɔ. Minnu bɛɛ ye kinɔgɔla kaburu rɔ, wonu si kunden ka sewa-sigi sa. Iko duri ye a diya donna gbangban rɔ nya min, Mari fanan bi niyi lasɛgila mɔgɔ-fagani-kɔrɛnu tɔ wo nya na le.

Aiseya 27:6

Wati ye nala, Yakoba kebilɛnu, Isirɛla mɔgɛnu, kɔni, anu si anu suli layigi pon iko kɔlɔma. Anu si gbusu ka fere. Anu gbɔɛ min bi sɔrɔnna nyɔ, duninya mumɛ si tɔnɛ sɔrɔn wo rɔ.

Aiseya 35:2

Wulɛ wo si sigi sa ka sarandɛ ratii sewɛ bolo. Nyɔ si kinya iko Lɛbanan kɔnkɛnu. A dugi si kinya iko Kamɛli kɔnkɛ anubɛ Sarɔn lɛɛ ye nya min. Mɔgɛ bɛɛ si Marita fanka anubɛ ata gbiliyɛ yen nyɔ.

Aiseya 44:3

A ko nyamanɛ min kan lagbalanɛ, a si yi di nyɔ ma. A si a ma, yi ni siyaya mala nyamanɛ rɔ. A ko a si ata Sɛnbɛ di mala dannu ma duk! A si duwɛ di mala kebilɛnu ma.

Aiseya 45:8

A ko a si nɔli-sɛnbɛ labɔ san ma ka a layigi iko gbɔrɔndɛ. Dugi fanan si a dɛ laka ka a lakunu. A si gbusu-dugi ma hɔrɔyɛ anubɛ telenbagayɛ la. Ale Mari ko a si a ma, kɛ dama ni ma.

Aiseya 57:18

A ko hali wo ye wo sɔn-yogomɛ da kun tɔ, a ko hali wo, a si to wo lakɛndɛyala. A ko a si wo bila kila-telennɛ fɛ ka wo lafɛrɛ.

Aiseya 57:19

Min nimisanɛ, wonu si a matɔgɔ. A ko minnu fɛ-yan a la wo, minnu fɛ-wuru a la wo, a ko a si yisi-kima-bɛrɛbɛrɛ anubɛ kɛndɛyɛ di wonu ma.

Yɛrɛmaya 3:22

Wole telenbɛlɛnu ni sɛgi a ma tun. Wo ni sɛgi a ma. A si wo makoto wola telenbɛlitayɛla ko la. A bɛnta wo ni a fɔ ko, “Ma namatoe le. Mata Mari Alla le ile Mari la.

Yɛrɛmaya 32:41

A ko ko-nyima-kɛ si a diya don a rɔ anu ye. A si anu banban nyamanɛ wo rɔ gben!

Hoseya 6:3

Ma ni ma sɛbɛ don Mari lɔn-koe ma alako a ni to sɛgila ma ma tun iko sun-tele-tiyi ye nala sɔgɔma-wo-sɔgɔma nya min. A si to sɛgila ma ma tun iko samɛ min bi donna san-bo-san.”

Maika 5:7

Isirɛla mɔgɛ toe minnu bi tola, wonu si bui ma yogenu ma tiriya iko bandɛ si bui dugi ma nya min bawo wo tungu sigini ma mɔgɛ la fɔ Mari.

Maika 7:18

Alla gbɛrɛ sa nyɔ min manɛ iko ile Mari. Mɔgɛ minnu bi anu niyi la kaka, ile si wonu makoto anu hakɛ la. I fonde magboyani ma ita mɔgɛnu kuma tuma-wo-tuma. I nyagalennɛ ka ila keninteyɛ yira anu na tuma-wo-tuma.

Matiyu 6:28

“Wo ye hɔnna fɛrɛya-bɔɛ la nfenna? Wo ni kɔn-ferenu sabatinɛ mafɛlɛn. Anu sa wɔlila ka anu nyɛrɛ fɛrɛya bɔ.

Luka 12:27

Wo ni kɔn-ferenu sabati-nya mafɛlɛn. Anu sa wɔlila ka anu nyɛrɛ fɛrɛya bɔ. Kɔnɔ n bi a fɔla wo ye, hali Mansa Silamɛni min bananyara nun, a makiri-nya ma ke kɔn-fere kɛ kelen tɔ.

Ɛfɛsa 3:17

N bi a matarala ko Kirasiti ni sigi tinɛ sɔrɔn wo yisi rɔ dɛnkɛninyɛ fɛ. Alamɛ wo suli banbanta ka sabati keninteyɛ rɔ.

Tɔn-Fɔɛ-Fila-Nyɔgɛ 32:2

Nta karan si bui iko banda-yi. A si sigi mɔgɔ yisi rɔ iko kunbi si sigi binyɛ la nya min. Nta kumɛ si na iko banda-tɔnɔnamɛ. Nta kumɛ manɛ le iko bandɛ min si ki-fan-yi sa a rɔ.