Hoseya 13:14 - ALLALA KUMƐ

¹⁴ Nde, Mari ti wo kunyɛ bɔ lakira bonda-dɛ la, ni wo ma, ka wo bɔ sayɛ sɛnbɛ kɔrɔ tun! Ile sayɛ, i ni na ila fitinɛ la i bolo. Ile lakira, na ila kasarɛ la. Nde, Mari ti kinikini wo ma.

Hoseya 13:14 ပူးပေါင်းရင်းမြစ်များ

Yobu 33:24

Melika wo si kinikini a ma, A si a fɔ Alla ye ko, “A boloka. A kana ta lakira. I ma a kunka-fan yen n bolo?”

Yobu 41:22

A kan siginɛ sɛnbɛ-wɛ rɔ. Mɔgɔ-wo-mɔgɔ ya a kun nabɔ a ma, wo kun ma si kɔ kilan bolo.

Yaburi 16:10

bawo n yili-latɛgɛnɛ le ko ile Mari ti i ban n na ka n kunyɛ ladon lakira. I ti sɔn ita mɔgɔ-latelennɛ ni tuli kanbɛ rɔ.

Yaburi 30:3

Mari, i ya n niyi lasɛgi n tɔ. I ma sɔn n ni ta lakira. A ara to nun se, n ni ta kolo-gbɛ-dugu kɔnɔ ile ya n niyi lasɛgi n ma.

Yaburi 49:15

Kɔnɔ Alla le si n nakanan saya-masibɛ ma.

Yaburi 49:16

Ni mɔgɛ mara nɔnfulu-tigi la, wo kana wo yisi magboya wola ko la. Hali ala nɔnfuli tora yiribala, wo kana wo yisi tɔrɔ wo ma.

Yaburi 71:20

I ya tɔrɔyɛ anubɛ dumɛ lana n ma, hali wo, i si na n sɛnbɛ kuraya. I si a ma, n ti yigi kanbɛ rɔ tun.

Yaburi 86:13

Ila keninteya-dannatɛgɛbɛlɛ kolo n ye. I wara n nakanan lakira-masibɛ ma.

Aiseya 25:8

Ma Tigi Mari si tɔn sigi sayɛ la burubukai! A si bɛɛ ya-yi firan a ya-denkɛ rɔ. Ata mɔgɛnu bara yarabiyi min bɛɛ sɔrɔn duninya rɔ, a si miliyɛ wo bɔ anu yɛ la. Mari nyɛrɛ kuman-kan le kɛ la.

Aiseya 26:19

Mala mɔgɛ minnu bara faga nun kɔrɔma la, wonu niyi si sɛgi anu tɔ tun. Anu niyi si bila anu bagbuyi rɔ. Minnu bɛɛ ye kinɔgɔla kaburu rɔ, wonu si kunden ka sewa-sigi sa. Iko duri ye a diya donna gbangban rɔ nya min, Mari fanan bi niyi lasɛgila mɔgɔ-fagani-kɔrɛnu tɔ wo nya na le.

Yɛrɛmaya 15:6

Mari ko wole, Yerusalɛm mɔgɛnu bara wo ban a la, ado wo ye tola tala le tun. Wo sa wo yɛ lasɛgila. Woletɔ a ko a ye wo dan labirala ka wo tɔrɔ. A ko wola koe min nakɔlɔn-kɔlɔnnɛ a burɔ, a ti ke wo birala-a-rɔ tun.

Yɛrɛmaya 20:16

Alamɛ mɔgɛ wo mara iko soe wonu, Mari ya minnu tinya a fondo-bɔnɛ la. Alamɛ anu ni kɛlɛ-na-kan lamɔɛn subaga ma biribiri! Alamɛ a ni to kɛlɛ-sɔnkɛ lamɔɛnna burubukai!

Yɛrɛmaya 31:35

Alla ya tele labɔ le alako waan ra ni to kala. A ye a mala, karɛ anubɛ lolenu ta ni gbɛ suyi rɔ. A ye kɔgɔ-yi latugula a rɔ alako anu ni kuma. A tɔgɛ le Mari Sɛnbɛ-Bɛɛ-Tigi.

Isikiyɛli 37:9

Wo kɔma, Mari ya a fɔ n ye ko, “Ile hadama-dan, nna kumɛ fɔ fɔnyɔ ye. A fɔ a ye ko a Tigi Mari ye ale fɔnyɔ lawulila ka bɔ duninya-tonko-nanɛ bɛɛ rɔ. A ni na a lafɛ furi kɛnu tɔ alako anu ni anu niyi sɔrɔn tun.”

Hoseya 6:2

Tele fila, sawa wa tenbi tumɛ min, ma si fisaya. Wo kɔma, ma si taran ma kɛndɛ la Mari fɛ.

Hoseya 7:10

Wole Isirɛla mɔgɛnu, wola wasinteyɛ ye sereyɛ bɔla wo kan ma. Hali koe min bara tenbi nun, wo ma wo miri wonu ma ka sɛgi nde, Mari Alla ma.

Malakayi 3:6

Mari ko Mari le ale la. A ti yɛlɛma muk! Ka a tɛgɛ wo ma, a ko wole Yakoba kegeyɛnu, wo la ma ban natola wɛ.

Yilan-Yilan Koe 23:19

Alla sa iko mɔgɔni-finyɛ minnu si foninyɛ fɔ. A ti a miriya yɛlɛma iko hadama-dannu. A ya lanyiri kiri fenfenna ko la, a si wo ma, yɔ! Ni a kumara, a ara ban.

Romu 11:15

ado Alla ya a ban Isirɛla mɔgɛnu na tumɛ min, wole sibolo-gbɛrɛnu mara Alla diyana-mɔgɛnu na. Alla wa anu tabira tun ka anu ma ata mɔgɛnu na, wo si ma iko furi niyi wa sɛgi a rɔ!

Romu 11:29

ado Alla ara minnu yatɔnbɔn ka ata duwɛ layigi min kuma, a miriya ti yɛlɛma wonuna ko la.

2 Kɔrɛnti 5:4

Ma tenbi duninya-fani-bɔn kɛ la, ma ye kurunna iko mɔgɛ tenbi dunu-belebele-wɛ kɔrɔ. Ma sa a fɛ, ma ni bɔ ma fɛrɛ-bɔnkɛ kɛnu tɔ fɔ ka Arinyɛnɛtɛ fanan bila ma kan na. Woletɔ ma fɛrɛ-bɔnku-fagamatoe kɛnu si yɛlɛma nimayɛ la.

Filipai 3:21

A si ma bagbu-rakolɔn kɛnu yɛlɛma ka anu ma iko a nyɛrɛ bagbu-sɛninyanɛ ye nya min. A si ata sɛnbɛ lawɔli alako a si fan bɛɛ don a nyɛrɛ fanka kɔrɔ nya min.

1 Tɛsalonaika 4:14

Ma lanɛ a la ko Yisa fagara, wo kɔma, a wulita tun. Woletɔ Alla wa Yisa lana tun, ma lanɛ a la ko minnu dɛnkɛninyara Yisa ma anu bi anu kɛndɛ la tumɛ min, Alla si wonubɛ Yisa lana ka bɔ san-kole rɔ anu nyɔgɔn fɛ.

Yemesi 1:17

Kɔ-fen-nyimɛ-bɛɛ anubɛ kɔ-fen-kanbalinɛ-bɛɛ ye bɔla Arinyɛni tɔ. A ye yigila ka bɔ Alla bolo min ya san-koleta wan-takɛ-fannu dan. Ale Alla ti yɛlɛma iko ninɛ yɛlɛmanɛ ye nya min.

Lankɛnimayɛ 20:13

Kɔgɔ-yi ya ata furinu nabɔ. Sayɛ anubɛ lakira fanan ya anuta furinu nabɔ. Furi wonu dama kiti tɛgɛra iko anuna kɛwɔlɛnu bi nya min.

Lankɛnimayɛ 21:4

A si ya-yi bɛɛ firan anu yɛ la. Saya ti kɛ tun. Yisi-gbala sa tun. Di-kɛ ti kɛ tun. Hali dumɛ, a ti taran. Ko-kɔrɛnu bara tenbi ka tunu yen!”

Lankɛnimayɛ 6:8

N ya so-pɔrɔkɔsɛ yen. Min siginɛ a kuma, wo tɔgɛ “Sayɛ.” Lakira bilanɛ a kɔma. Alla ya sarati di sayɛ anubɛ lakira ma ka mɔgɛnu faga kɛlɛ anubɛ kɔnkɔ-fitinɛ anubɛ kirayɛ anubɛ sogo-feremɛnu na duninya-tonko-nanɛ wo kelan tɔ.

1 Samuwɛli 15:29

Isirɛlata Alla-makawanɛ, wo ti foninyɛ fɔ hali ka a miriyanu yɛlɛma bawo mɔgɔ ma ale la iko a ye nala a miriyanu yɛlɛmana.”