Hoseya 12:8 - ALLALA KUMƐ

⁸ Wo ye a fɔla ko, ‘Ma ara ma nɔnfulu-tiginu na, ado mɔgɔ-den-kelen ti ke a fɔla ma ma ko ma ara kɛ sɔrɔn kensunyɛ le tɔ.’

Hoseya 12:8 ပူးပေါင်းရင်းမြစ်များ

Yaburi 52:7

“Wo ni mɔgɛ kɛ mafɛlɛn, a ma la Alla la ko wo le si a kanan. Fɔ ata nɔnfuli, a lara wo le la. A lara ata karagbɛlɛyɛ la ko wo le si a kisi.”

Yaburi 62:10

I kana i yigi sa kɛlɛ-nyɔgɔnyɛ kuma. I kana i hɛnkili latɛgɛ kankanya-fen-sɔrɔn ma. Hali ila nɔnfuli sabatira nya-wo-nya, i kana i hɛnkili latɛgɛ wo ma.

Hɛnkilimaya-Kumɛnu 11:1

Mari ko mɔgɛ min bi kensunyɛ kɛla fen-suman-fan la, wo ma di a ye. Kɔnɔ mɔgɛ min bi fan sumanna a kilɛ fɛ, Mari ko wo di a ye.

Hɛnkilimaya-Kumɛnu 30:12

Mɔgɛ donu fanan bi nyɔ, anu ya a lɔn ko anu nyɛrɛ sɛninyani de kɔnɔ yaga, anu kɔsɔnɛ lass!

Hɛnkilimaya-Kumɛnu 30:20

Koe do ye nyɔ fanan min makawara iko musu-yɛlan si ta yɛlɛnya-kɛ-tinɛ nya min. A ban fen-dɔn-kɛla ka a dɛ mafiran, wo kɔma, a si a fɔ ko, “Nde ya nfen tinya?”

Yɛrɛmaya 2:23

A ko wo le si ke a fɔla kama gbɛ ko wo kɔsɔni ma Beyali kɔ-koe bolo? Ado nfan, wo ni wo miri wo ya koe minnu ma Bɛn-Hinɔm lɛɛ rɔ. Wo ni wo miri wola bɛsi-kɔ-koe ma. Wo mani de dɔrɔn iko kei-sɔgɛ ye nyomo-musi min na. A ye a burila kan-tinɛ bɛɛ rɔ.

Yɛrɛmaya 2:35

kɔnɔ wo ye sɛgila a fɔla tun ko fɛɛ sa wo la. Wo ma la a la ko Mari kɔrɔtɔnɛ wo ma mumɛ! Kɔnɔ Mari ko a si wo tɔrɔ bawo wo ara wo da ragbɛlɛya ko wo ma hakɛ kɛ.

Yɛrɛmaya 5:27

Iko sansan lafanɛ sisinu na nya min, ka a tɛgɛ anuna yanfanteyɛ la, karagbɛlɛ kɛnu bara anuna bɔnnu nafa kankanya-fannu na wo nya na le. A bɛɛ ara ma-a-la kankanya-fan le tɔ.

Isikiyɛli 28:5

A tora halliya-yilayɛnu kɛla ka tɔnɛ sɔrɔn, ado ala nɔnfulu-tigiyɛ wara a ma wasinte la.

Hoseya 13:6

Wo kenɛ nyamani-hakikɛ kɛ rɔ, wo makoe bɛɛ nyinyara ha wo wasara. Wo kɔma, wo wasira ka nyina nde, Mari ko.

Hoseya 14:1

Wole Isirɛla mɔgɛnu, wo ni wo sɛgi wota Mari Alla ma bawo wo hakɛ ara wo tonko-tankan ka wo labui.

Hoseya 4:8

Wo ye tɔnɛ sɔrɔnna ka a tɛgɛ nta mɔgɛnuna hakɛ-kɛ-koe ma. Woletɔ wo ye tola anu natuntunna hakɛ rɔ tolon!

Emɔsi 8:5

Wo ye gbaranna wo nyɛrɛ la, wo ye a fɔla ko, “A sɔgɛ ye ma la, tele-sɛnimɛ kɛnuna wati ni ban tiriya, alako ma ni sɛgi mala yilaya-kɛ-tinɛ. Sulen-Tele kɛ wa ka-a-la, ma si don mala fen-mayirɛnu tɔ tun. Ma si mala fan dɛ gbɛlɛya. Ma si mɔgɛnu kensunya fen-suma-tinɛ. Ma si mɔgɛnu kensunya fannuna gbiliyɛ rɔ fanan.

Habakuku 1:16

Anu ba ban wo la, anu ni don anuna yalɛ wonu batoe rɔ ka sarakɛ bɔ wonu ye bawo anu bi nyinina fan min bɛɛsi ma, anu bi wonu sɔrɔnna yalɛ wonu tɔ.

Sakaraya 11:5

Minnu bi anu sanna, wonu si anu faga, anu ti nanparan-wo-nanparan sɔrɔn. Minnu bi anu soge mayirala, anu si a fɔ ko, “Mari tanto, n bi mala fen-tigi la.” Minnu bi saga-fɛ-birala nun, wonu bɛrɛn ma kinikini sagɛnu ma.

Malakayi 2:17

Wola kuma-siyamɛnu bara a ma, Mari ara gbunya wo kɔrɔ. Kɔnɔ wo ye a fɔla ko, “Male ya a ma kama a gbunyara ma kɔrɔ?” Bawo wo ye a fɔla ko, “Mari Sɛnbɛ-Bɛɛ-Tigi mirinɛ ko-yogoma-kɛlɛnu ma ko anu kin. Wo kɔma, anu bara-koe di a ye.” Wo ye a fɔla tun ko, “Alla-telennɛ kɛ ye mintɔ?”

Malakayi 3:13

Mari ko wo ya kuma-gbondanɛ fɔ a ma. Kɔnɔ wo ya a manyinika ko, “Ma ya nfen fɔ i ma nun?”

Luka 10:29

Kɔnɔ tɔn-karan-mɔgɛ ye nyinina a nyɛrɛ fɛkala. Woletɔ a ya Yisa manyinika ko, “N sigi-nyɔgɛ ye yon na?”

Luka 12:19

Wo kɔma, n si a fɔ n nyɛrɛ ye ko, “Nde harayɛgɛ-tigi, n mako ye fen-nyimɛ min bɛɛ la san siyaman kɔrɔ, n bara wo bɛɛ sɔrɔn. N ni n sigi n fanbolo fen dɔn tinɛ ka n min gbɛɛtorenu fɛ ka n nyɛrɛ lasewa!” ’

Luka 16:13

“Wɔli-kɛlɛ ti ke wɔlila tigi fila ye wati kelan rɔ. Ni a ya wo ma, kelen si diya a ye, kelen si gboya a ye. A si kelan gbiliya ka kelan lafɛya. Wole fanan bi wo nya na le. Wo ti Alla anubɛ nɔnfuli nyini nya-kun-kelen.”

Luka 16:15

Yisa ya a fɔ anu ye ko, “Minnu bi anu nyɛrɛ yen-nya rabɛnna mɔgɛnu yala, wole le wonu na kɔnɔ Alla ya wo burɛ lɔn, ado mɔgɛ ye a mirila min ma ko a kolo, kisimiriya-koe le wo la Alla yala.

Tɔn-Fɔɛ-Fila-Nyɔgɛ 8:17

Wo tenbi sewɛ wo rɔ, wo kana wo miri ko wo ye fan wonu sɔrɔnna wo nyɛrɛta fanka anubɛ wola kɛwunteyɛ le la.

1 Timoti 6:17

Nɔnfuli ye minnu bolo duninya kɛ rɔ, i ni wonu makawandi ko anu kana wasi. Anu kana anu yigi sa nɔnfuli kuma iko fen de min bi mɛla. Anu ni anu yigi sa Alla kuma min bi fan bɛɛ dila ma ma foninsereyɛ la ka ma lasewa.

1 Timoti 6:5

ado tuma-wo-tuma anu bi sɔsɔli sala. Mɔgɛ wonu hɛnkili tinyanɛ, tonya sa anu bolo muk! Anu bi anu mirila ko dina-koe, nɔnfulu-sɔrɔn-kilɛ le.

Lankɛnimayɛ 3:17

Wo ye wo kɔgɔ rakala ko nɔnfulu-tigi le wole la. Wo ko wola nɔnfuli ara wara. Wo ko wo makoe ye min bɛɛ la, wo ye wo bolo. Kɔnɔ wo makinikininɛ nya min wo, wo tɔrɔnɛ nya min wo, wo ma wo lɔn feu! Wo bolo-kolɔn gbɛ! Wo fiyonyanɛ. Kura sa wo ma.