Hoseya 12:7 - ALLALA KUMƐ

⁷ Mari ko, “Wole Isirɛla mɔgɛnu telenni ma ha wo mara iko Kenan kɛnu. Minnu bi nala feri kɛla wo ma, wonu kensɔn di wo ye fen-suman-tinɛ.

Hoseya 12:7 ပူးပေါင်းရင်းမြစ်များ

Ko-Dabirɛnu 49:18

Yakoba ya madiyali kɛ ko, “E, n Mari, mabɛ nna dannu bi ila kisi-koe makɔnɔna.” Wo kɔma, a ya wɔlɔyiya-kumɛ dabira tun.

Hɛnkilimaya-Kumɛnu 11:1

Mari ko mɔgɛ min bi kensunyɛ kɛla fen-suman-fan la, wo ma di a ye. Kɔnɔ mɔgɛ min bi fan sumanna a kilɛ fɛ, Mari ko wo di a ye.

Hɛnkilimaya-Kumɛnu 16:11

Ka fan suman telenbagayɛ la, wo ye bɔla Mari le bolo, ado Mari ti sɔn kensunteyɛ ma.

Aiseya 3:5

Mɔgɛnu si to anu nyɔgɔn niyi ragbɛrɛnna. Kemini-mɛsɛnu si yo kinanu ma. Kuntannu si yo mɔgɔ-gbiliyanɛnu ma.

Aiseya 56:1

Mari ya kɛ le fɔ ala mɔgɛnu ye. A ko wo ni don ko-telenni-kɛ rɔ bawo kisi-koe fɛ ma yan wo la tun. Wo kunyɛ si bɔ gbaran rɔ mɔgɛ bɛɛ yala.

Isikiyɛli 16:3

A fɔ Yerusalɛm kɛnu ye ko nde, wo Tigi Mari kan le kɛ la. “ ‘Ile Yerusalɛm soe, i fa le Amoranu na. I na le Hɛtinu na bawo wonu denu ya ile Yerusalɛm soe datɛgɛ Kenan nyamanɛ tɛma.

Isikiyɛli 22:29

Anuna fen-tiginu bi mɔgɔ-bolo-labirɛ anubɛ kankanyɛ le kun na. Anu bi bolo-kolɔnnu bira boloko-yogomɛ-kɛla. Anu bi sundannu kensunyala.

Isikiyɛli 28:5

A tora halliya-yilayɛnu kɛla ka tɔnɛ sɔrɔn, ado ala nɔnfulu-tigiyɛ wara a ma wasinte la.

Hoseya 14:2

Wo sɛgi Mari ma. Wo ni matarali-su-kɛ kɛ ko, “Ma makoto ma hakɛ la ka mala matarali-kan labira. Wo kɔma, ma si i matɔgɔ iko ma ara lanyiri kiri i ye nya min.”

Yowɛli 2:12

Mari ko wo ni sunyɛ don ka di. Wo ni tubi bɛrɛbɛrɛkɛ kaka ka wo fan nasɛgi a ma.

Emɔsi 2:7

Wo ye bolo-kolɔnnu natosokɔrɔla ka tagama anu kuma. “Wola yɔɔn-musi minnu bi wo tɛma, fa wo, ala den wo, anu filɛ ye anu sala wonu fɛ. Wola ko-ladan-bole wo ara ma Mari tɔgɔ-tinya-koe la.

Emɔsi 3:9

Nɛbi Emɔsi ya Mari kuman-kan natenbi Iyipiti mansɛ ma anubɛ Filisitinuna mansɛ ma min siginɛ Asadadi soe rɔ. A ko, “Mari ko nyamani-kun filɛ kɛ mɔgɛnu ni anu nadɛn kɔnkɛnu kuma Samariya soe dafɛ ka anu yɛ bɛn Isirɛla mɔgɛ wonu ma, anu bi ko-yogoma-sifa minnu mala.

Emɔsi 4:1

Wole Samariya musu-ba-kunbanu Basan nyamanɛ rɔ, wo kunbayanɛ iko bɔrɔkɛ. Wo ni wo tole masɔ. Wo sa fɛlɛtenɛnu anubɛ bolo-kolɔnnu birala a kin na! Wo ye wola keinu fɔrɔsɛla alako anu ni to nala baan la wo ye tuma-wo-tuma.

Emɔsi 5:11

Wo ara bolo-kolɔnnu tɔrɔ ka anuna dɔntɛnu bi anu bolo fufafu! Wo ara wo ma min kɛ, woletɔ Mari ko wo ara bon-hakikɛ minnu sɔ, wo ti don anu na. Wola ki-fen-hakikɛ minnu bi wo bolo, wo ti wonu dɔn.

Maika 2:1

“Gbalo si taran wo mɔgɛnu ma minnu si anu miri ko-yogomɛ ma anu ta-nyɔgɛnuna ko ma suyi rɔ. Anu bi duwala le ko banda ni ka. Bandɛ wa ka tumɛ min, anu si anu nawuli anuna karagbɛlɛyɛnu na anu bolo iko anu ya anu miri a ma suyi rɔ nya min.

Maika 7:2

Hali mɔgɔ-den-kelen sa wole, Isirɛla mɔgɛnu tɛma min telennɛ Alla ye. Mɔgɛ bɛɛ kɔnkɔnnɛ a ta-nyɔgɛ faga-koe ma. Wo ye belenna gbɛrɛnu nasigila wo nyɔgɔn ye.

Sakaraya 14:21

Dagɛ min bɛɛsi ye Yuda anubɛ Yerusalɛm, dagɛ wonu dantɛgɛnɛ si to Mari Sɛnbɛ-Bɛɛ-Tigi ma. Saraka-bɔlɛnu si dagɛ kɛnu ma saraka sogo-te-fan la. Wo wati wa ke, yila-wo-yila ti taran Mari Sɛnbɛ-Bɛɛ-Tigi Bato-Bɔn la.

Sakaraya 5:8

Melika ya a fɔ n ye ko, “Wunduyogoyɛ tamasere le musi kɛ la.” Wo kɔma, a ya musi wo kunyɛ madigin digi wo burɔ a gbɛ rɔ ka a da latogon.

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Yɔni 2:16

Minnu bi kangbɔɛnu ferela, a ya a fɔ wonu ye ko, “Wo ni anu bɔ yan! Wo kana n Fala bɔn ma feri-kɛ-tinɛ la!”

Yemesi 5:4

Mɔgɛ minnu wɔlita wo ye wola sɛnɛnu tɔ, wo ya wonu kensunya. Alla ara wola yasere-masa-kan lamɔɛn. Nba, minnu ya wola fui-fan tɛgɛ ka a ladɛn wo ye, wonu di-kɛ-kan ara ke Mari Alla Sɛnbɛ Bɛɛ Tigi tole rɔ!

1 Samuwɛli 12:3

Wo ma n sɔnɛ yen kɛ la? Ni n bara ko-yogomɛ ma min na wo tɛma, wo tigi ni a sɔ n tɔ Mari anubɛ ala mansa-yabɔnɛ yakɔrɔ yan tɔ. Ni n bara mɔgɛ minna ninki bi a bolo, ni wo ma, ala sofɛlɛ, wo tigi ni a sɔ n tɔ yan tɔ. Ni n bara min kensunya, ni n bara min tɔrɔ ka a kɔndɔfili, ni n bara dogonta-fan bira min bolo, ni n bara kɛ sufa ma mɔgɔ-wo-mɔgɔ la wo tɛma, wo tigi ni a sɔ n tɔ. Ni n ya min bi wo tigi bolo, n si a lasɛgi wo ma tun.”