Hoseya 12:6 - ALLALA KUMƐ

⁶ Woletɔ wole Yakoba kegeyɛnu, wo ni la wota Alla la ka sɛgi a ma. Wo ni lanayɛ kɛ ka keninteyɛ yira wota Alla la. Wo ni wo muin ha Alla ni ata wɔlɛ kɛ.

Hoseya 12:6 ပူးပေါင်းရင်းမြစ်များ

Ko-Dabirɛnu 49:18

Yakoba ya madiyali kɛ ko, “E, n Mari, mabɛ nna dannu bi ila kisi-koe makɔnɔna.” Wo kɔma, a ya wɔlɔyiya-kumɛ dabira tun.

Yaburi 123:2

E, mata Mari Alla, ma yɛ bɛnnɛ i ma ha i ni kinikini ma ma iko wɔli-kɛlɛ si a yɛ bɛn a tigi ma nya min.

Yaburi 27:14

Ma ni la Mari la. Ma kana bandan. Ma ni to Mari makɔnɔna tolon!

Yaburi 37:7

I muin. I ni Mari makɔni. Hɔnya kana i bira bawo mɔgɛ donu bara-koe ye tala yarɔ. I kana hɔn bawo ko-yogoma-kɛ ara diya ko-yogoma-kɛlɛnu na.

Bɔ-Koe-Iyipiti 3:15

“Ta a fɔ Isirɛla mɔgɛnu fanan ye ko nde, anu benbanuta Mari Alla, Iburayimata Alla, anubɛ Isiyakata Alla, anubɛ Yakobata Alla, kɔni, wo le ya i kilaya anu ma. N tɔgɛ le ‘N bi nya min, n bi wo nya na le.’ I ni a fɔ Isirɛla mɔgɛnu ye wo nya le ko min tɔgɛ NDE LE, wo le ara i kilaya anu ma. Nta habadan-tɔgɛ le wo la. N tɔgɛ wo si ma tamasere la kebilɛ bɛɛ ye.

Hɛnkilimaya-Kumɛnu 1:23

N tenbi wo makumala, wo ni wo tole masɔ n na. N bi nyɔ ka wo dɛnbɛ ka hɛnkili di wo ma. N bi wo makawandi-nyimɛ-kɛla alako wo ni ko-siyaman nya-yen n bolo.

Hɛnkilimaya-Kumɛnu 21:3

Ka ko-latelennɛ kɛ, wo di Mari ye saraka-bɔɛ ko.

Aiseya 1:16

A ko wo ni wo nyɛrɛ ku ka wo sɛninya. A ya wo yen karagbɛlɛyɛ minnu kɛla, a ko wo ni wo bole bɔ wonu tɔ. Wo fara ko-yogoma-kɛ la

Aiseya 30:18

Hali wo, Mari ye wo makɔnɔna alako a ni kinikini wo ma. A rabɛnnɛ ka kinikini wo ma bawo a ye ko-telenni-gbansan le mala. Mɔgɔ-sewanɛ le wo tigi la min lanɛ Mari la.

Aiseya 31:6

Mari ya a fɔ n ye ko wole Isirɛla mɔgɛnu bara hakɛ kɛ a la ka anu kan-kɔ sɔ a la. Kɔnɔ a ko wo ni sɛgi a ma kaka.

Aiseya 40:31

Kɔnɔ minnu bi anu yɛ bɛnna Mari ma anu dɛnbɛn-koe rɔ, wonu sɛnbɛ ma si to kofula. Anu wara-koe si to yɛlɛla iko kokɛ wa a kanban rafulen san ma. Anu si anu buri furr, kɔnɔ anu ti bandan. Anu si tagama ha, kɔnɔ anu ta ti kun.

Aiseya 58:6

Mari ko ale ye nyinina min ma sun-don-bole rɔ, wo le kɛ la. Wo ara minnu nadon yele la anu yoe kuma, wo ni wonu nabɔ ka yɔlɔkɛ ratɛgɛ anu ma. Wo ni anu kunyɛ bɔ wɔli-wulen-bɛ kɔrɔ.

Aiseya 8:17

Hali Mari ara a dogon ala mɔgɛnu ma, nde lanɛ ale la bawo n yigi le ale la.

Yɛrɛmaya 22:15

Mari ko ale mansɛ miri ko sida-fɛrɛn-siyamɛ si a ma mansa-tɔgɔlamɛ la ka tenbi a fa la. A fa ye mansayɛ la tumɛ min, dɔn-fan le dɔrɔn ya wo wasa. Mari ko wo ya ko-telennɛ anubɛ ko-nyimɛ le ma a siyi-tele-bɛɛ kɔrɔ. Woletɔ koe bɛɛ tara a kilɛ fɛ a bolo.

Isikiyɛli 18:30

“Woletɔ nde, wo Tigi Mari ye a fɔla Isirɛla mɔgɛnu ye ko n si anu dama kiti kelen-kelenyɛ ma iko bɛɛta kɛwɔlɛ ye nya min. Anu ni anu kan-kɔ sɔ anuna karagbɛlɛyɛ bɛɛ la. Anu ka a ma, anuna hakɛ ni anu halaki.

Hoseya 10:12

Wo ni dugu-kurɛ rasin wo nyɛrɛ ye ka telenbagayɛ ki a rɔ. Tɔ-a-la, wo si duwɛ tɛgɛ a rɔ iko wo ye tɔnɛ min sɔrɔnna wo nyɛrɛ latenbi rɔ nde, Mari ma. Wo ya-lamunun-wati ara ke nde, wota Mari la. Wo kɔma, n ni to nna duwɛ labɔnna wo ma.

Hoseya 14:1

Wole Isirɛla mɔgɛnu, wo ni wo sɛgi wota Mari Alla ma bawo wo hakɛ ara wo tonko-tankan ka wo labui.

Hoseya 4:1

Mari ko a ye Isirɛla mɔgɛnu sɔn fɛrɛnna anu na. Wole Isirɛla mɔgɛnu, wo ni wo tole masɔ a la. A ko telenbagayɛ anubɛ keninteya fenfen sa wola nyamanɛ rɔ tun. Min sanɛ wo kuma, a ko mɔgɔ-wo-mɔgɔ ma ale lɔn Alla la tun.

Yowɛli 2:12

Mari ko wo ni sunyɛ don ka di. Wo ni tubi bɛrɛbɛrɛkɛ kaka ka wo fan nasɛgi a ma.

Yowɛli 2:13

Wo kana wola durukinu tafara yisi-tinya bolo tun kɔnɔ a ko wo ni tubi-yisi-bɛrɛbɛrɛ sɔrɔn. Wo ni wo ya-lamunun wota Mari Alla la bawo wo di a ye, ado a nyimayanɛ wo ye. A fonde ti bɔ yona, ado ala keninteyɛ kolo. A rabɛnnɛ wo makoto-koe la, wo tɔrɔ ko ma de!

Emɔsi 4:13

Sɛnbɛ-Bɛɛ-Tigi le ale Mari la. Ale Alla nyɛrɛ le ya kɔnkɛnu anubɛ fɔnyɔ ladan. Ale le si a ma, hadama-dannu ni a miriyanu lɔn. Ale le ye suyi anubɛ tele labɔla. Ale le ye duninya bɛɛ kuma mansayɛ la.

Emɔsi 5:24

Yanni wo ni wo ma, wola ko-latelennɛnu ni wara iko bɛ wa yanbɛ gbesi, a ma ti sagan mumɛ!

Maika 6:8

Nɛbi Maika ko, “Ma si min ma wona, Mari ara wo fɔ ma ye nun. A ye nyinina minnu ma ma bolo, wo le kɛnu na. A dabira fɔlɔtɛ, a ko ma ni ko-latelennɛ kɛ. A fila nyɔgɛ, ma ni ma nyɔgɔn keni anubɛ Alla. A sawa nyɔgɛ, ma ni Alla diyana-koenu kɛ gbiliyɛ rɔ.

Maika 7:7

“Hali wo, nde, Nɛbi Maika, n bi n kisilɛ Mari Alla makɔnɔna. Nta Mari Alla si a wɔlɔ matɔlɔ nta kumɛ kɛ la.”

Habakuku 2:3

A sɛbɛ bawo koe min bi nala mala, wo wati ma ke wɛ. Kɔnɔ a ti mɛ tun, wati wo si ke. N bi nala koe minnu yirala i la, wonu si ma, yɔ! A si ma i yala iko a sa mala tiriya kɔnɔ a makɔnɔ tun!

Sɛfanaya 3:8

Kɔnɔ Mari ko wo ni a makɔnɔ tun! Lunyɛ do, fɔ a wa sibole bɛɛ kiti. Mari ko a ara ban a latɛgɛla ko a si sibole bɛɛsi ladɛn alako anu ni ata diminyɛ-sɛnbɛ lɔn. A ko ata diminyɛ wo si ma tɛ la min si duninya mumɛ halaki.

Sakaraya 1:3

Kɔnɔ kaka, a ye a fɔla ko wo ni sɛgi ale Mari ma. A ko ale bɛrɛn si a ya-lamunun wo la.

Sakaraya 8:16

A ko wo ye min mala, wo le kɛ la. Wo ni tonyɛ fɔ wo nyɔgɔn ye. A ko wo ni telenbagaya-bɛrɛbɛrɛ lana kiti-sa-tinɛ alako yisi-kimɛ ni to wo tɛma.

Kɛwɔlɛnu 2:38

Pita ya a fɔ anu ye ko, “Wo kelen-kelennamɛ-bɛɛ ni yɛlɛma ka wo kan-kɔ sɔ wola hakɛnu na. Wo kɔma, wo ni batasi ale Yisa, Allata-Mɔgɔ-Yabɔnɛ tɔgɛ rɔ, woletɔ Alla si wo makoto wola hakɛnu ma. Alla si ata Ni-Sɛnimɛ di wo ma.

Kɛwɔlɛnu 26:20

Ka a dabira Damasika ha ka ke Yerusalɛm anubɛ Yudiya nyamanɛ bɛɛ ha sibolo-gbɛrɛnu tɛma, n ya kawandili bɔ wo bɛɛ rɔ. N ya a fɔ anu ye ko anu ni fara hakɛ kɛla ko anu ni na Alla wara. N ko anu ni kɛwɔlɛ wonu kɛ min si a yira ko anu bara yɛlɛma.

Yemesi 1:27

Ma Fa Alla si sɔn dina min ma, wo le kɛ la. Wo tigi ni kelennɛnu anubɛ kɛɛ-musinu dɛnbɛ anuna tɔrɔyɛ rɔ. A ni a nyɛrɛ sɛninyanɛ mara duninya-ko-yogomɛ-bɛɛ ma. Dina kɛ, fɛɛ-wo-fɛɛ sa a la, ado dina-latinyani ma.

Yemesi 2:13

Alla tenbi kinikinibɛlɛnu kitila tumɛ min, a ti kinikini wonu ma. Kɔnɔ kinikini tigi wa sɔ kiti tɛgɛ tinɛ, Alla si kinikini wo tigi ma.