Hoseya 12:13 - ALLALA KUMƐ

¹³ Mari ya ala nɛbi do sɔ ka ta wole, ala mɔgɛnu kunka Iyipiti nyamanɛ rɔ ka wo fɛ-bira.

Hoseya 12:13 ပူးပေါင်းရင်းမြစ်များ

Ko-Dabirɛnu 28:2

I ni ta i benba Bɛtuwɛli wara Mɛsopotemiya nyamanɛ rɔ ka i berin Lebanna dunmusi do furu nyɔ.

Ko-Dabirɛnu 29:20

Woletɔ Yakoba wɔlita Resɛlila ko la san wɔrɔnfila. Wo mara a yala iko tele fila kamasɔrɔn a ya Resɛli keni ha ka a dan-natenbi.

Yaburi 77:20

I ye ila mɔgɛnu yarɔ iko saga-kandannɛ. Musa anubɛ Aruna ye anu kun na.

Bɔ-Koe-Iyipiti 13:3

Musa ya a fɔ mɔgɛnu ye ko, “Wo bɔra yɔɔnyɛ rɔ Iyipiti nyamanɛ rɔ tele min ma, wo ni wo hɛnkili to tele wo nyɛrɛ ko. Wo ni wo ma kamasɔrɔn Mari ya wo labɔ Iyipiti nyamanɛ rɔ a kɔɛn-sɛnbɛmɛ la wo wulɔn tele rɔ. Wo kana biredi-yɛlɛnɛ fenfen dɔn tele wo ma.

Bɔ-Koe-Iyipiti 14:19

Allala melika min bi banda-fin-gbɛ wo rɔ Isirɛla mɔgɛnu yarɔ, wo bɔra nyɔ ka sɛgi anu kɔma kilɛ la.

Hoseya 11:1

Mari ko, “Fɔlɔ nun, wole Isirɛla bɔnsɔn dɔgɔ tumɛ min, wo diyara n ye iko n halala-dan! N ya wo kele ka bɔ Iyipiti.

Hoseya 2:15

N si ala ki-fannu nasɛgi a ma tun ka ala kɔndɔfili bɛɛ yɛlɛma a ye yigi la. A sɔndɔmɛ si sa ntɛ kuma buda iko fɔlɔ, a fonike wati min wo tumɛ a bɔ-san Iyipiti.

Maika 6:4

Ale le ya wo labɔ yɔɔnyɛ rɔ Iyipiti nyamanɛ rɔ ka na wo la yan. Ale le ya Musa sɔ wo yarɔ anubɛ Aruna anubɛ Miriyam.

Yilan-Yilan Koe 12:8

Mabɛ Musa si kuma ma nyɔgɔn na kɔnɔ n sa tamayi-kumɛ fɔla a ye. Ka tenbi wo bɛɛ la, a ya n nyɛrɛta tamasere yen, yɔ! Nfen ya a to gbɛ, wo sa kilanna ka murutiya-kumɛ kɛ fɔ a ma.”

Tɔn-Fɔɛ-Fila-Nyɔgɛ 26:5

Wo kɔma, wo si a fɔ Mari ya la nyɔ ko, ‘Ma benba anubɛ ala denbayɛ bɔra Aram nyamanɛ rɔ ka to yilan-yilanna ha anu tara anu sigi Iyipiti nyamanɛ rɔ. Anu bi tala nyɔ tumɛ min, anu ma siya kɔnɔ wati-tenbinɛ, a bɔnsɔn ya fanka sɔrɔn ka siyaya.

1 Samuwɛli 12:8

“Ma benba Yakoba anubɛ ala denbayɛnu tara anu sigi Iyipiti tumɛ min, Iyipiti kɛnu tora anu tɔrɔ-belebele-wɛ kɛla ka anu kɔndɔfili. Wo benbanu tora dila Mari dala anu dɛnbɛn-koe la. A ya Musa anubɛ Aruna lata anu kunka tinɛ. Wonu denu bɔra wo benbanu na Iyipiti ka na anu na nyamanɛ kɛ rɔ yan.