Hoseya 10:8 - ALLALA KUMƐ

⁸ Wola bɛsi-kɔ-tinɛ minnu bi kɔnkɛ kuma Bɛti-Efɛn soe dafɛ, wo si hakɛ kɛ kan min, wonu si kasara pɔ! Nyɔnu si ma wɔnɔ-firɛ anubɛ binyɛ la. Wo ye nala a fɔla kɔnkɛnu ma ko, “Wo ni wo keri ma kuma alako ma wara-koe ni ka-a-la.”

Hoseya 10:8 ပူးပေါင်းရင်းမြစ်များ

Ko-Dabirɛnu 3:8

Wurɛ wo la, anu ya Mari Alla na-kan lamɔɛn nakɔɛ rɔ. Woletɔ anu ya anu buri Mari Alla kɔrɔ ka ta anu dogon kɔlɔma-kurinu kɔma.

1 Mansɛnu 13:2

Allata mɔgɛ wo kumara saraka-mintan-tinɛ ma iko Mari ya a fɔ a ye nya min. A ya a fɔ saraka-mintan-tinɛ wo ma ko, “E, saraka-mintan-tinɛ, Mari ara kɛ le fɔ ila ko rɔ, a ko, dan do si na sɔrɔn Dawuda bɔnsɔn rɔ. Anu si wo kele ko Yosaya. Saraka-masɔlɛ minnu bi sarakɛ mintanna ile saraka-mintan-tinɛ kɛ kuma, Mari ko dan wo le ye saraka-masɔlɛ wonu fagala ka anu kolenu mintan ile kuma.”

1 Mansɛnu 13:34

Yɛrabowami ya hakɛ min kɛ kɛ la, wo le ya fɛɛ sa ala mansayɛ la. Mansayɛ bɔra a bolo. Mansayɛ ma sɛgi ala bɔn la tun.

1 Mansɛnu 14:16

Mari ko bawo Mansa Yɛrabowami ara mɔgɛnu bɔ ale wara la ka anu nadon hakɛ rɔ, a si a ban Isirɛla mɔgɛnu na.”

2 Mansɛnu 23:15

Nebatila den Mansa Yɛrabowami min ya Isirɛla mɔgɛnu nadon hakɛ rɔ, wo ya bɛsi-kɔ-tinɛ min nadan Bɛtɛli, Mansa Yosaya ya wo fanan tinya. Kuri minnu nadannɛ saraka-mintan-tinɛ la, a ya wonu tatiitii ka anu munku iko gbangban ka Asurala muninyɛ mintan.

2 Ko-Kɔrɔta-Karan 31:1

Ladɛn wo kanɛ a la, Isirɛla mɔgɛ bɛɛ tara Yuda nyamanɛ soenu tɔ ka bɛsi-kɔ-tinɛnu tinya. Kɔlɔma minnu lɛsɛnɛ bɛsi-musila muninyɛ la, anu ya wonu tatɛgɛtɛgɛ. Bɛsi wo tɔgɛ le ko, “Asura.” Kuri-lɛsɛnɛnu fanan, anu ya wonu tatiitii. Anu tara wo le sufa ma Bɛnyamɛ anubɛ Ifɛrɛm anubɛ Manasa bɔnsɔn-mɔgɛnu barɛnu tɔ. Anu ban bɛsɛ wonu tinyana, bɛɛ sɛgira a warɛ.

Aiseya 2:19

Mari wa na dugu layɛrɛyɛrɛn tinɛ tumɛ min, mɔgɛnu si na anu dogon farannu na kɔnkɛnu tɔ. Anu bi dugu-kɔrɔ-kilɛnu sala alako anu ni bɔ Marita fondo-bɔɛ kɔrɔ. Anu bi anu dogonna ala sɛnbɛ anubɛ ala gbiliyɛ kɔrɔ.

Aiseya 2:21

Mari wa na dugu layɛrɛyɛrɛn tinɛ tumɛ min, mɔgɛnu si na anu dogon farannu na kɔnkɛnu tɔ. Anu bi dugu-kɔrɔ-kilɛnu sala alako anu ni bɔ Marita fondo-bɔɛ kɔrɔ. Anu sɛbɛ donnɛ ka anu dogon Marita sɛnbɛ anubɛ gbiliyɛ kɔrɔ.

Aiseya 32:13

Fenfen sa nyɔnu tɔ wɔnɛ kɔma. Minnu sewanɛ nun anuna bɔnnu na wo, minnu sewanɛ anuna soenu tɔ nun wo, wo ni di wonuna ko la.

Aiseya 34:13

Wɔnɔ-sufa bɛɛ si fɛrɛn kun-tiginuna bɔn la anubɛ tarɛ mininɛ soe minnu ma. Fɔ sulukinu anubɛ gbingbinnyagan denu dɔrɔn si taran nyɔ.

Hoseya 10:2

Yanfante-kɔrɛnu de wole la. Fɔ wo wa tɔrɔ wo hakɛla ko la. Mari si wola saraka-mintan-tinɛnu anubɛ kuru-malɛsɛnɛnu tinya feufeu!

Hoseya 10:5

Sɛnɛ min nadannɛ ninki-danla muninyɛ la Bɛti-Efɛn soe burɔ, wole Samariya kɛnu bi kilanna ko anu kana na foo wo la. Wo yogenu ba sɛnɛ wo bɛɛ ka kɔlɔma-lɛsɛnɛ wo ma, bɛsɛ wo kɔlɛnu anubɛ a saraka-masɔlɛnu si na di bɛsɛ wola ko la bawo anu bara foo a la.

Hoseya 10:9

Mari ko, “Kebi wole, Isirɛla mɔgɛnu ya hakɛ-kɛ dabira Kibiya soe burɔ, wo ma fara a la tun! Woletɔ kɛlɛ-bole si sa wo rɔ Kibiya.

Hoseya 2:6

Ka a tɛgɛ wo le ma, n bi wɔnɔ-sansan donna a ma. N si sansan don ka kilɛ tɛgɛ a ma.

Hoseya 4:13

Wo ye bɛsɛnu kɔla kan-tina-mayɛlɛnɛnu tɔ kɔnkɛnu kuma kɔlɔma-kuru-wɛnu kɔrɔ bawo nyɔ-ninɛ di wo ye. “Wo ara kɛ-nya-yogomɛnu bi min kɛ, wola dunmusinu anubɛ wo mamani-nyaganɛnu bara anu nyɛrɛ don yɛlɛnyɛ rɔ.

Hoseya 4:15

“Hali wole, Isirɛla mɔgɛnu ma telen n ye kɔnɔ Yuda mɔgɛnu kana anuta kɛ-nyanu bi. Wo kana batoli-kɛ Kiligali soe anubɛ Bɛti-Efɛn soe burɔ. Wo kana lanyiri kiri nyɔ nde, Mari-nimɛ tɔgɛ rɔ.

Hoseya 5:8

Wo ni kɛlɛ-buri fɛ Isirɛla nyamanita soenu tɔ, Kibiya wo, Rema wo, anubɛ Bɛtɛli. Wole Bɛnyamɛ bɔnsɔn kɛlɛ-dannu, wo ni wo mabɛn kɛlɛ-kɛ-koe la.

Hoseya 8:5

Sɛnɛ min nadannɛ tura-danla muninyɛ rɔ, Samariya kɛnu bi min batola, wo batoe gbo n ye dɔgɔma-ma-de! Wo ara n yisi kɔrɔtɔ n ma kosɛbɛ! Wo si wo fara wola bɛsi-kɔɛ kɛ la muntuma?

Hoseya 9:6

Hali wo ya wo buri tɔrɔyɛ kɔrɔ, Iyipiti mɔgɛnu si wo kundɛn tun kan-tina-kelen. Anuna so-karantan-mɔgɛnu si wo togon soe do rɔ nyɔ min tɔgɛ, “Mɛmfisi.” Wola wodi-gbɛnu namara tinɛnu anubɛ wola bon-kinyanɛnu si ma gbɔfɛ la binyɛ anubɛ wɔnɛ bolo.

Emɔsi 1:5

A ko a si Damasika tara-dɛ keri. A ko a ye nala mɔgɛ wonu gbenna minnu bi Efɛn lɛɛ rɔ anubɛ wola kun-tigi min bi Bɛti-Idɛn soe kun na. Mɔgɛ donu si na bui Siriyanu ma ka ta anu na Kira nyamanɛ rɔ.” Filisitinu

Emɔsi 3:14

Wo ni a fɔ anu ye ko Mari wa na anu tɔrɔ tinɛ tumɛ min anu hakɛla ko la, a si anuna saraka-mintan-tinɛ tinya min bi Bɛtɛli soe burɔ. A si anuna saraka-mintan-tinɛ bolon nanɛ keri, mɔgɛnu si anu dun min na anu niyi kisi-koe la.

Emɔsi 7:9

Nɛbi Emɔsi ya Mari kuman-kannu natenbi ko, “Isiyaka kegeyɛnu bi ale Mari batola anuta kan-tina-sɛnimɛ minnu tɔ Isirɛla nyamanɛ rɔ, Mari ko a si kan tinɛ wonu kasara ka nyɔnu ma tonbon-kole la. Mari ko a si mansayɛ bɔ Mansa Yɛrabowami kebilɛ bolo.”

Emɔsi 8:14

Wo ye tola tala Samariya bɛsɛnu bara wo dɛnbɛn-koe rɔ. Wo ye belenna wo gborola Dan kegeyɛnuta bɛsɛ rɔ. Wo ye tagamana min kɛ ka ta Biri-Siba, wo ara wo yigi sa wo kuma. Kɔnɔ fufafu le wo la. Mari ko a si wo labui. Wo ti ke wo lasɔla tun.

Maika 1:13

“Lesi soe wo tɔgɔ-kɔrɛ mani de iko ‘so-kurɔn min si kirindi sagan.’ Wole Lesi mɔgɛnu, wo ni wola soeenu kiri wola kirindinu na alako wo buri-koela ko la. Wo ya wo sanka Isirɛla nyamanita-mɔgɛnu ma hakɛ-kɛ-koe rɔ ka na wo la Yuda nyamanɛ rɔ. Wo ara a ma, Yerusalɛm mɔgɛnu bara anu sanka wole fanan ma hakɛ-kɛ-koe rɔ.

Maika 1:5

“Min bi a tola, kɛ dama ye nala mala bawo Isirɛla mɔgɛnu anubɛ Yuda mɔgɛnu bara hakɛ kɛ. Nfen sufa hakɛ le wonu na? Bawo anu bara bɛsi-kɔ-koe anubɛ karagbɛlɛyɛ dan-natenbi, hali anuna mansa-soenu tɔ, Yerusalɛm anubɛ Samariya.

Nehami 3:11

A si ma ile Ninɛfa nyɛrɛ yala iko i wara i min ha i kun ta ara fin. I si i dogon-tinɛ nyini i yogenu kɔrɔ alako i si kisi nya min kɔnɔ i ti wo yen muk!

Luka 23:30

Mɔgɛnu si a fɔ kɔnkɛnu ye wulɔn ko, ‘Wo ni bui ma kuma!’ Anu si a fɔ gburukulinu ye ko, ‘Wo ni ma yamatogon,’

Tɔn-Fɔɛ-Fila-Nyɔgɛ 9:21

N ya wola fen-kɔsɔnɛ wo bi, wola ninki-danla muninyɛ, kɔni, ka a lakɛ tɛ rɔ. Wo kɔma, n ya a rakerikeri ka a ramɛsɛya ha a mara gbangban la. N ya a gbangban bi ka a rawuya yi rɔ min kunyɛ sɔnɛ kɔnkɛ wo ma. Yi wo yigira gbangban wo la pon!

Lankɛnimayɛ 6:16

Anu ya anu kuli mayɛlɛ kɔnkɛnu anubɛ farɛnu ye ko, “Wo ni bui ma kuma ka ma dogon alako min siginɛ mansaya-sigi-fan rɔ, wo kana na ma yen. Wo ni ma bɔ ale saga-danta diminyɛ kɔrɔ,

Lankɛnimayɛ 9:6

Karɛ lolɛ wo kɔrɔ, mɔgɛ wonu si sayɛ nyini kɔnɔ anu ti ke a sɔrɔnna. Faga-sɔgɛ si anu bira kɔnɔ sayɛ si a buri anu kɔrɔ.