Hoseya 10:14 - ALLALA KUMƐ

¹⁴ wo si a ma, kɛlɛ ni na wo ma. Wola so-latankanɛnu si tii mɛmɛ! Soe wonu si ma iko Mansa Salama ya Bɛti-Araba daga-koro-tiyi-kɛ nya min ka a fi-koro-tiyi kɛ. Denbɛ anubɛ anuna dannu kunyɛ si to-a-rɔ bofe!

Hoseya 10:14 ပူးပေါင်းရင်းမြစ်များ

Ko-Dabirɛnu 32:11

N bi i madiyala, Mari, i yandi, n kisi n kɔrɔ Isɔ masibɛ ma kamasɔrɔn n kilannɛ le a la alako a kana mabɛ nna denbayɛnu faga.

2 Mansɛnu 17:16

Anu ya anuta Mari Allata tɔn bɛɛ tinya. Anu ya nɛgɛ ladan ninki-den filala muninyɛ la. Anu ya kɔlɔma lɛsɛ musila muninyɛ la ka a kele ko Asura. Anu ya lolenu bato. Anu ya anuna bɛsi Beyali kɔ.

2 Mansɛnu 17:3

Asiriya Mansa Salamanisa nara bui Isirɛla Mansa Hoseya ma. Wo mara ala wɔli-kɛlɛ la. San-bo-san, a si to a kunka-fan natala a ma Asiriya nyamanɛ rɔ.

2 Mansɛnu 18:33

Sibolo-gbɛrɛkɛ do ye nyɔ rɔ minnuna bɛsɛ ara anuna nyamanɛ kunka Asiriya mansɛ bolo, wa?

Aiseya 17:3

A ko Isirɛla mɔgɛ minnu bi so-latankanɛnu tɔ, wonu ti ke anu nyɛrɛ kumafunfanna tun. Damasika kɛnu ti to anu nyɛrɛ la tun. A ko Siriya-toe minnu tonɛ, wonu si to miliyɛ kɔrɔ iko Isirɛla mɔgɛnu. Mari Sɛnbɛ-Bɛɛ-Tigi kan le kɛ la.

Aiseya 33:14

Yerusalɛm hakɛ-tiginu bi yɛrɛyɛrɛnna kilan bolo. Anu bi a fɔla ko, “Marita kiti mani de iko tɛ min ti sa mumɛ! Ta-sufa wo si male do to a niyi la?”

Yɛrɛmaya 13:14

A ko a si a ma, wole Yuda mɔgɛnu ni to tonko-tankanna ka bui wo nyɔgɔn kuma. Den wo, fa wo, bɛɛ si bui a nyɔgɔn kuma. A ko wola hina-wo-hina ti don ale tɔ. A ko ata hinanteyɛ ti a ma, wo ni to wo niyi la.

Yɛrɛmaya 48:41

Anu si Mohabu soe bɛɛ bira-a-la anubɛ a so-latankanɛnu. Tele wo ma, Mohabu kɛlɛ-dannu si kilan iko musi buyi wa a lamaga.”

Hoseya 10:15

Wole Bɛtɛli kɛnu, n bi a mala wole fanan na wo nya na le ka a tɛgɛ wola karagbɛlɛya-yogomɛ ma. Kɛlɛ wo ye buila nya min wo, Isirɛla mansɛ wo ye fagala le.”

Hoseya 13:16

Wola Samariya so-karantan si tɔrɔ ka a tɛgɛ ala murutiyɛ ma nde, Alla ma. Wole Samariya kɛnu kunyɛ si to kɛlɛ rɔ ka wola dannu gbesi dugi la ka wola musu-kolomɛnu buyi laka faan la.”

Emɔsi 3:14

Wo ni a fɔ anu ye ko Mari wa na anu tɔrɔ tinɛ tumɛ min anu hakɛla ko la, a si anuna saraka-mintan-tinɛ tinya min bi Bɛtɛli soe burɔ. A si anuna saraka-mintan-tinɛ bolon nanɛ keri, mɔgɛnu si anu dun min na anu niyi kisi-koe la.

Emɔsi 9:5

Ma Tigi Mari Sɛnbɛ-Bɛɛ-Tigi wa a kɔɛn tugu dugi la, a ra si maga. Nyɔ-sigilɛnu si di biribiri, ado dugu-kole mumɛ si yigi-ni-yɛlɛ kɛ iko Nayɛli bɛ si yɛlɛ ka sagan nya min.

Maika 5:11

Wo hɛnkili latɛgɛnɛ wola soe minnu ma anubɛ wola kan-tinɛnu ko wo si kanan nyɔ, Mari si wonu tinya pɔ!

Nehami 3:10

Kɔnɔ hali wo, ale Tibisi kɛnu yogenu tara anu dununa pon! Anu yogenu ya anuna dannu bi ka anu gbesi dugi la ha anu fagara. Anu ya wo ma kan-tina-siyaman tɔ soe wo burɔ. Anu ya anuna mɔgɔ-banu kiri yɔlɔkɛnu na. Wo kɔma, anu ya mɔgɔ-ba wonu tatala koron-nakɛ fɛ.

Nehami 3:12

Wole Ninɛfa kɛnu, wola so-latankanɛ kɛ si ma iko toro-kuri min mɔɛ ye a la bawo mɔgɔ wa a gbisin-gbisin doni, a gbɔɛ wonu si yalan a da rɔ.

Habakuku 1:10

Anu si nyamani-tiginu nafɛya. Anu ma mɔgɔ-banu lɔn fenfen na. Ni anu ya tara-minini taran soe min ma, anu si bɔnkɛ ladɛn wo fɛ ka yigi a burɔ tiriya!