Hiburunu 9:7 - ALLALA KUMƐ

⁷ Kɔnɔ fɔ saraka-masɔla-kun-tigi-wɛ kelen pe, wo le si don fani-bon-burɔtɛ wo burɔ, ado a si don nyɔ iko kelen pe san kɔrɔ. A tenbi donna fɔ a ni don saraka-yele la a bolo. Mɔgɛnu ma hakɛ minnu nawuli a ma, a ye yele wo bɔla Alla ye a nyɛrɛta hakɛla ko la anubɛ mɔgɛnutɛ.

Hiburunu 9:7 ပူးပေါင်းရင်းမြစ်များ

2 Samuwɛli 6:7

Mari fonde bɔra Yusa ma. A ya a faga a gbɛ rɔ nyɔ bawo a ara a bole tugu tɔn-kenkirɛ wo la ka a lafɛya.

2 Ko-Kɔrɔta-Karan 33:9

Mansa Manasa ya a ma, Yuda anubɛ Yerusalɛm kɛnu ya hakɛ kɛ dɔgɔma-ma-de, hali ka tenbi mɔgɛ wonu na Mari ya minnu gben anu yarɔ nun.

Yaburi 19:12

Mɔgɔ-wo-mɔgɔ ti ke a nyɛrɛta fɛɛ yenna. Mari, nde ma nna fɛɛ minnu lɔn, wonu masɛgi n na.

Yaburi 95:10

Mari ko san bi-nani dɛgɛdɛgɛ, a kɔrɔtɔnɛ anu ma. A ko kan-kelen-tigi ma anu na. Anu ma sɔn ata kumɛ birala mumɛ!

Bɔ-Koe-Iyipiti 30:10

San-bo-san, Aruna ni hakɛ-yamatogon-saraka-yele sisa isɛnti mintan tinɛ bolɔnnu ma alako isɛnti mintan tinɛ si sɛninya nya min. San-bo-san, saraka-masɔla-wɛ si to kɛ mala a siyi-tele-bɛɛ kɔrɔ. Fɔ isɛnti mintan tinɛ, wo ni to sɛninyɛ rɔ nde, Mari ye feu!”

Aiseya 28:7

A nɛbi wo, a saraka-masɔla wo, wo bɛɛ ye tonko-tankanna gbɛɛ-minyɛ bolo. Anu bara baan-su bɛɛ min ha anu bi tola anu nyɛrɛ mabondanna. Alla ye ko-rayirɛ minnu nanala, anu ti ke wonu nya-yenna gbɛɛ bolo. Saraka-masɔlɛnu ti ke kiti tɛgɛla yalafinyɛ bolo.

Aiseya 29:14

Woletɔ a ko a si to anu mabanna fitina-gbesili la. Minnu hɛnkili kolo, a ko wonu si ma kun-takolɔn la. Anuna kɛwuyɛ bɛɛ si ma fufafuyi la.

Aiseya 3:12

Kemini-mɛsɛnu bi nna mɔgɛnu tɔrɔla. Musinu bi kun-tigiyɛ kɛla anu kuma. Anuna mɔgɔ-banu bi anu bolo labirala, ado anu ma a lɔn anu si anu ya-lamunun kun-tigi minnu na.

Aiseya 9:16

Wonu minnu bɛnta ka kila-telennɛ yira mɔgɛnu na, anu ma wo ma fɔ ka kila-radunɛ yira anu na alako ka mɔgɛnu kɔndɔfili pirikali!

Hoseya 4:12

Wo ye kɔlɔma-malɛsɛnɛnu mala wola nya-nyini-kɛ-fannu na. Kɔlɔma-fuyi le wonu na dɔrɔn. Wo si min ma, wonu denu bi wo labilala wonu na. Wo ara wo kan-kɔ don nde, Mari la feufeu! Wo ara nde, Mari boloka iko musu-yɛlan si ala kei boloka nya min ka ta yɛlɛnya-kɛ-tinɛ.

Saraka-Masɔlɛnuta Tɔnnu 16:34

Wo si tɔn kɛnu bira ka to sarakɛ kɛnu bɔla san la iko kelen ka a fɔlɔ bi ma ha tumɛ min fanan di Alla ye. Wo ye kɛ le mala alako wo hakɛnu yama si togon nya min.” Anu ya a ma iko Mari ya a fɔ Musa ye nya min.

Saraka-Masɔlɛnuta Tɔnnu 5:18

A si na saga-yigi la a bolo, fɛɛ sa min na ka wo ma a yiliki-sarakɛ la. Anu si kolo-fan wo mɔlɔn tɛgɛ iko Marita Fani-Bɔnna wodi ye nya min. Saraka-masɔlɛ si kolo-fan wo bi ka a di Mari ma saraka-bɔlɛ hakɛla ko la. Sarakɛ kɛ si a hakɛ yamatogon. Mari si a makoto worɔ.”

Emɔsi 2:14

Hali buri-kɛla-wɛnu, wonu kian ra si faga kuluba! Fanka-tiginu si fɛya iko duduyi. Kɛlɛ-dan minnu bɛnta ka mɔgɔ-gbɛrɛnu nakisi, wonu ti ke anu nyɛrɛ gbuyɛ lakisila.

Yilan-Yilan Koe 15:25

Saraka-masɔlɛ si a ma, mɔgɛ bɛɛsila hakɛ yama ni togon iko anuta namu ye nya min. Ni anu ya sarakɛ wo bɔ, wo kɔma, nde, Mari si anu makoto bawo anu nyinara le.

Ɛfɛsa 4:18

Anu hɛnkili ye pinpi rɔ. Alla ye nimayɛ min dila male ma, anuta fenfen sa wo rɔ bawo anu ma ko-wo-ko nya-yen anuna yisi-gbɛlɛyɛ bolo.

Hiburunu 10:3

Kɔnɔ tura-yele anubɛ baa-yele ti ke hakɛnu banna. San-bo-san, sarakɛ wonu bi mɔgɛnu hɛnkili labilala anu hakɛnu ma tolon!

Hiburunu 6:19

Yigi wo ye ma bolo min si ma niyi lakandan, Yisa, kɔni. Ale si ke tenbila Sɛnima-Sɛnima-Tinɛ yorolan kɔma min bi Alla-Bato-Bɔn tɛma Arinyɛni tɔ.

Hiburunu 7:27

Ale sa iko saraka-masɔla-kun-tigi-wɛ doinu. Ka sarakɛ masɔ a nyɛrɛ hakɛla ko la tele-wo-tele, a mako sa wo la. A mako sa tele-wo-tele-sarakɛ la mɔgɛnu hakɛla ko la fanan. A ya saraka kelen pe le bɔ ka dan wo ma. A ya a nyɛrɛ niyi ni sarakayɛ la tumɛ min, a ya wo ma wo le tɔ.

Hiburunu 9:3

Yorolan kɔma, nyɔ tɔgɔ le, “Sɛnima-Sɛnima-Tinɛ.”