Hiburunu 9:5 - ALLALA KUMƐ

⁵ Melikala muninyɛnu sɔnɛ kenkirɛ wo da-latogɔn kuma. Wonu bi Allata gbiliyɛ yirala. Anu kanbannu tafulennɛ kenkirɛ da-latogɔn kuma mɔgɛnu hakɛ yama si togon kan min. Hali n ma koe wo bɛɛ faranfasi kelen-kelenyɛ ma kaka.

Hiburunu 9:5 ပူးပေါင်းရင်းမြစ်များ

2 Mansɛnu 19:15

A donta matarali-kɛ rɔ, a ko, “E, Isirɛlata Mari Alla, ile min mayiginɛ melika filɛ muninyɛ tɛma tɔn-kenkirɛ kuma. Alla, ile le kelen pe le duninya rɔ. Ile le ya san-kole anubɛ dugu-kole dan.

1 Ko-Kɔrɔta-Karan 28:11

Mansa Dawuda ya Bato-Bɔn sɔ-bole yira ala den Silamɛni na. A fen namara tina wo, a konko wo, katarala Sɛnima-Sɛnima-Tinɛ ma, hakɛ yama si togon kan min.

Yaburi 80:1

Ile min bi Isirɛla kandanna iko saga-fɛ-biralɛ, i wɔlɔ matɔlɔ ma kuman-kan la. Ifɛrɛm bɔnsɔn wo, Bɛnyamɛ bɔnsɔn wo, Manasa bɔnsɔn wo, i ni i nyɛrɛ yira wonu na, ile min mayiginɛ melika-muninya filɛ tɛma, kɔni. I fanka mayira ma la. Na ma lakisi.

Yaburi 99:1

Mari le mansɛ la. A bɛnta mɔgɛnu ni yɛrɛyɛrɛn a kɔrɔ. A mayiginɛ ala mansaya-waganɛ rɔ melika-muninya filɛ tɛma. A bɛnta duninya ni yɛrɛyɛrɛn a kɔrɔ.

Saraka-Masɔlɛnuta Tɔnnu 16:13

A wa ta yorolan kɔma, a si isɛnti wo sa ta-wɔlɔn wo kuma nyɔ. Wo ye ta-sisɛ min nabɔla, wo si tɔn-kenkirɛ kuma-fannu yamatogon alako Aruna kana a yen. A kana faga.

Saraka-Masɔlɛnuta Tɔnnu 16:2

Wo kɔma, Mari ya a fɔ Musa ye ko, “A fɔ i kɔrɔ Aruna ye ko a kana ta yorolan kɔma Sɛnima-Sɛnima-Tinɛ rɔ bawo nyɔ ta-wati latɛgɛnɛ de a bolo. A kana to tala nyɔ tuma-wo-tuma. Nde, Mari si bɔ gbɛ rɔ banda-fin-gbɛ rɔ nyɔ tɔn-kenkirɛ da-latogɔn kuma. Kɔnɔ ni i kɔrɔ ma nna kumɛ kɛ bɛɛ bira, ale fanan si faga.

Yilan-Yilan Koe 7:89

Musa tara Marita Fani-Bɔn la tumɛ min ka kuma Mari ye, a ya Mari kuman-kan lamɔɛn bɔla tɔn-kenkirɛ kuma melikanuna muninya filɛ tɛma.

Romu 9:4

Allala mɔgɔ-yabɔnɛ le anu denu na. A ya anu ma ala dannu na ka ata gbiliyɛ yira anu na. Anubɛ Alla ya sarama-kannu kiri. A ya ala tɔn-kitabu di anu denu ma fanan. A sɔnta ko anu denu ni a bato a kilɛ fɛ, ado anu bara Allala lanyirinu sɔrɔn.

Ɛfɛsa 3:10

A ya wo dogon anu ma nun alako melika-kun-tiginu anubɛ nyina-kun-tigi minnu bi kan tinɛ bɛɛ rɔ, wonu ni ata hɛnkilimaya-su bɛɛ nya-yen chɔchi baraka rɔ kaka.

Hiburunu 4:16

Ma ni na ma sɔ Alla yakɔrɔ yisi-latɛgɛ la. Ma si kinikinɛ anubɛ hinɛ sɔrɔn nyɔ le. Ma makoe wa bila fenfen na tumɛ min, a si ma dɛnbɛ wo la.

1 Pita 1:12

Alla ya a yira nɛbi wonu na ko anuna wɔlɔyiyɛ ti ko-nyinya anu denu ma anuta wati rɔ fɔ woleta wati. Iko anu kumara nya min ka tonyɛ fɔ, wo ara wo lamɔɛn kaka. Anu ya kawandili bɔ wo ye Allata Ni-Sɛnimɛ baraka rɔ, min nara ka bɔ Arinyɛni tɔ. Hali a lɔn-sɔgɛ ye melikanu na nun, kawandili wo bɔra wole le dɔrɔnna ko la.

1 Samuwɛli 4:4

Woletɔ anu ya mɔgɛnu nata Mari Sɛnbɛ-Bɛɛ-Tigita tɔn-kenkirɛ wo bi-tinɛ Sailo soe bawo Mari mayiginɛ melika-muninya filɛ wonu tɛma tɔn-kenkirɛ wo kuma. Ilayila den-kemini filɛ, Hɔfini anubɛ Finihasi bilara tɔn-kenkirɛ wo fɛ.