Hiburunu 9:4 - ALLALA KUMƐ

⁴ Isɛnti mintan tinɛ min nadannɛ sɛnɛ la, anubɛ tɔn-kenkirɛ siginɛ nyɔ burɔ. Sɛnɛ nɔrɔnnɛ kenkirɛ wo bɛɛ ma. Dɔn-fan min tɔgɛ “Allata biredi,” wo ye sɛnɛ-dagɛ rɔ. Sɛnɛ-dagɛ wo ye kenkirɛ wo burɔ anubɛ Arunata sewuri min ya a matii anubɛ kuru-walan filɛ sarama-kan sɛbɛnɛ minnu ma.

Hiburunu 9:4 ပူးပေါင်းရင်းမြစ်များ

1 Mansɛnu 7:50

Wo kɔma, a ya yi-lafɛnu anubɛ lɛnpu-ladufen-fannu nadan anubɛ yi-bi-mirannu. A ya isɛnti-bi-fannu anubɛ ta-kɔ-mirannu nadan. A ya Sɛnima-Sɛnima-Tinɛ dɛ-bira-fannu anubɛ a da-wɛ-bira-fannu nadan. Wo bɛɛ ladanta sɛnɛ la.

1 Mansɛnu 8:21

N bara kan tinɛ do rabɛn bɔn wo burɔ tɔn-kenkirɛ anubɛ kuru-walan filɛ wonu si to kan min. Ma benba Isirɛla mɔgɛnu bɔra Iyipiti tumɛ min, a ya sarama-kan sɛbɛ kuru-walan minnu ma, wonu denu sanɛ kenkirɛ wo burɔ.”

1 Mansɛnu 8:9

Fenfen sa tɔn-kenkirɛ wo burɔ fɔ Musa ya kuru-walan filɛ minnu sa a rɔ Sinayi kɔnkɛ dafɛ. Isirɛla mɔgɛnu bɔra Iyipiti tumɛ min, Mari ya tɔn sɛbɛ kuru-walan wonu denu ma alako anubɛ Isirɛla mɔgɛnu si sarama-kan kiri anu nyɔgɔn tɛma nya min.

2 Ko-Kɔrɔta-Karan 5:10

Fenfen sa tɔn-kenkirɛ wo burɔ fɔ Musa ya kuru-walan filɛ minnu sa a rɔ Sinayi kɔnkɛ dafɛ. Isirɛla mɔgɛnu bɔra Iyipiti nyamanɛ rɔ tumɛ min, Mari ya tɔn sɛbɛ kuru-walan wonu denu ma alako anubɛ Isirɛla mɔgɛnu si lanyiri kiri anu nyɔgɔn tɛma nya min.

Bɔ-Koe-Iyipiti 26:33

Wo ni yorolan dun sɛnɛ-lundan wonu na kɔlɔma nanɛ wonu na ka tɔn-kenkirɛ latenbi yorolan wo kɔma kilɛ la. Yorolan wo si ma dan la Kan-Tina-Sɛnimɛ anubɛ Sɛnima-Sɛnima-Tinɛ tɛma.

Bɔ-Koe-Iyipiti 31:18

Mari ban kɛ fɔla Musa ye Sinayi kɔnkɛ kuma, Mari ya kuru-walan fila don a bolo ale nyɛrɛ ya ala tɔnnu sɛbɛ minnu ma a kɔɛn la.

Bɔ-Koe-Iyipiti 32:15

Wo kɔma, Musa ya kuru-walan filɛ wonu bi Marita tɔn sɛbɛnɛ min tɔnkɔn filɛ ma. Alla nyɛrɛ le ya kuru-walan wonu nadan ka ala tɔnnu sɛbɛ wonu ma. Musa ye kɔnkɛ wo yigila tumɛ min ka ta mɔgɛ wonu taran,

Bɔ-Koe-Iyipiti 34:29

Musa ye Sinayi kɔnkɛ yigila tumɛ min tɔn-walan filɛ wo la a bolo, a yakɔrɛ ye malan-malanna kamasɔrɔn a kumara Mari fɛ. Aruna anubɛ Isirɛla mɔgɛ bɛɛ ya anu yɛ lata Musa ma tumɛ min, anu ya a yen a yakɔrɛ ye malan-malanna. Anu kilanta anu madonna a la kɔnɔ ale Musa ma a lɔn a yakɔrɛ ye malanna.

Bɔ-Koe-Iyipiti 37:25

A ya isɛnti mintan tinɛ ladan kɔlɔma do la min tɔgɛ akasiya. A ya isɛnti mintan tinɛ sɔɛ ma nunkan-nya fila. A ya ala yanyɛ ma nunkan-nya kelen. A ya a kɔnɛ ma nunkan-nya kelen. A ya a tɔnkɔn nanɛ rakɛnya bɛrɛtɛ. A ya isɛnti mintan tinɛ anubɛ a bolɔnnu nadan nya-kun-kelen.

Bɔ-Koe-Iyipiti 39:35

Anu nara tɔn-kenkirɛ anubɛ a da-latogɔn anubɛ a bi-kɔlɔmanu na.

Bɔ-Koe-Iyipiti 40:3

I ni tɔn-kenkirɛ ladon Fani-Bɔn wo burɔ ka yorolan dun kenkirɛ wo ya ma.

Saraka-Masɔlɛnuta Tɔnnu 16:12

a si ta-wɔlɔn do bi ka bɔ saraka-mintan-tinɛ rɔ. Wo kɔma, a si isɛnti-munke bolo-nya fila bi anubɛ ta-wɔlɔn wo ka ta anu na Sɛnima-Sɛnima-Tinɛ rɔ.

Yilan-Yilan Koe 17:10

Mari ya a fɔ Musa ye tun ko, “Arunata sewuri wo bi ka a lasɛgi a gbɛ rɔ kenkirɛ kɔrɔ. I si a lamara nyɔ habadan! Isirɛla mɔgɛnu si to anu hɛnkili lamirila sewuri kɛ ma ko anu kana murutiyɛ lawuli tun! Ni anu ya murutiyɛ lawuli tumɛ min, anu dama si faga tɛrr!”

Yilan-Yilan Koe 17:5

Ni nde ya mɔgɛ min yabɔ, wota kɔlɔma si a matii. Wo le si tɔn sigi gbunya-kumɛ la wo ma Isirɛla mɔgɛnu bolo.”

Yilan-Yilan Koe 17:8

Wo wulun sɔgɔma, Musa tara Marita Fani-Bɔn burɔ tɔn-kenkirɛ ye kan min. Arunata kɔlɔma min bi Lifayi bɔnsɔn nyɔgɔnyɛ la, Musa ya a yen ko wo le kelen pe ara a matii ka a nɔrɔn yabu-yabu! A yanba-kunyɛ siyaman bi a ma anubɛ a ferenu anubɛ a gbɔɛnu.

Tɔn-Fɔɛ-Fila-Nyɔgɛ 9:11

“Tele bi-nani anubɛ su bi-nanɛ dafara tumɛ min, Mari ya wonu denu denu don n bolo nyɔ.

Tɔn-Fɔɛ-Fila-Nyɔgɛ 9:9

Wobɛ Mari sarata min na, wo sɛbɛnɛ kuru-walannu ma. N tara kɔnkɛ kuma kuru-walan wonu bi tinɛ ka su bi-nani ani tele bi-nani le bɔ nyɔ. N ma fenfen dɔn hali ka n min.

Lankɛnimayɛ 11:19

Alla-Bato-Bɔn min bi Arinyɛni tɔ, wo lakara. Tɔn-kenkirɛ ye kan min, bɛɛ si ke wo yenna Alla-Bato-Bɔn wo la. Wo kɔma, bandɛ ya a nyin masɔgɔ. A tugura. San serenta. Dugu yɛrɛyɛrɛnta. Banda-kolo-wɛnu buira.

Lankɛnimayɛ 8:3

Sɛnɛ-dagɛ ye melika-gbɛrɛ bolo fen-suma-diyamɛ ye min tɔ. Wo nara sɔ saraka-bɔ-tinɛ dafɛ. Alla ya fen-suma-diyamɛ-siyaman di a ma min si kofu Allala mɔgɛ bɛɛta madiyalɛnu ma. Saraka-bɔ-tinɛ min nadannɛ sɛnɛ la, wo sɔnɛ mansaya-sigi-fan yakɔrɔ. Melika wo ya fen-suma-diyamɛ wo mintan saraka mintan tinɛ wo kuma.