Hiburunu 9:24 - ALLALA KUMƐ

²⁴ Kirasiti ma don Kan-Tina-Sɛnimɛ rɔ min nadannɛ hadama-dan bolo. Min bi Arinyɛni tɔ, fani-bɔn wola muninyɛ le wo la dɔrɔn. Kirasiti tara Arinyɛnɛ nyɛrɛ le tɔ, a ye Alla yakɔrɔ kan min kaka ma dɛnbɛn-koe la.

Hiburunu 9:24 ပူးပေါင်းရင်းမြစ်များ

Yaburi 68:18

A ara yɛlɛ ala kɔnkɛ kuma mɔgɔ-biranɛnu na a bolo. A ye kɔ-fannu birala hali mɔgɔ-murutiyanɛnu bolo. Mari Alla si a mayigi nyɔ.

Bɔ-Koe-Iyipiti 28:12

Wo ni kuru filɛ wonu sa saraka-masɔla-wɛta kura-kundi-fugbɛ kɛɛ filɛ kuma. Anu si ma tamasere-kurinu na alako nde, Mari yili ni to Isirɛla mɔgɛnu ko. Aruna si kura-kundi-fugbɛ wo don a kan na. Wo si ma yili to kurinu na a kanban kun filɛ kuma nde, Mari ye.

Bɔ-Koe-Iyipiti 28:29

“Aruna tenbi Kan-Tina-Sɛnimɛ rɔ tumɛ min, a ni a makiri-miran don a kan na Isirɛla bɔnsɔn tan-ni-filɛ tɔgɔ sɛbɛnɛ min ma. A kiri kura-kundi-fugbɛ ma, woletɔ nde, Alla si n hɛnkili to anu ko tuma-wo-tuma, ni a yogoma ma.

Sakaraya 3:1

Ko-rayirɛ do fanan tɔ tun, Mari ya Saraka-Masɔla-Kun-Tigi-Wɛ Yasowa yira n na. A sɔnɛ Mari yakɔrɔ melikala muninyɛ rɔ. Setanɛ sɔnɛ ale Yasowa bolo nyimɛ wara la. Yasowa tɔgɔ-tinya-sɔgɛ ye a la anu bolo.

Matiyu 18:10

“Wo ni a ma wo fɛrɛma, wo kana dennɛ kɛ kelen bɛrɛn nafɛya. N bi a fɔla wo ye ko anuna kandan-melikanu bi Arinyɛni tɔ. Anu bi n Fa Alla da kɔrɔ Arinyɛni tɔ wati bɛɛ. [

Maraka 14:58

Anu ko, “Ma ya a lamɔɛn a ye a fɔla ko mɔgɛnu bara Alla-Bato-Bɔn kɛ min sɔ, a si wo wayan. Tele sawa kɔma, a si a kurɛ sɔ tun, mɔgɔ ma min sɔ.”

Maraka 16:19

Mari Yisa banta kumala anu ye tumɛ min, a layɛlɛta Arinyɛni tɔ ka a mayigi Alla kɔɛn-nyimɛ rɔ.

Luka 24:51

Nba, a ye duwala anu ye tumɛ min, a bɔra anu dafɛ. A layɛlɛta Arinyɛni tɔ.

Yɔni 16:28

N bɔra n Fa Alla warɛ le serr, ka na duninya kɛ rɔ. Kaka, n bi bɔla duninya kɛ rɔ ka sɛgi n Fa Alla warɛ.”

Yɔni 6:62

Nde, Hadama-dan bɔra kan min nun, ni wo ya n yen sɛgila nyɔ don?

Kɛwɔlɛnu 3:21

Kɔnɔ fɔ a ni to Arinyɛni tɔ ha fan-bɛɛ-kuraya-wati ni ke iko Alla ya a fɔ ala nɛbi-sɛnimɛnu fɛ nya min fɔlɔfɔlɔ.

Romu 8:33

Alla nyɛrɛ ara minnu yo sa, yon si a bolo-nɔlɔnɛ sɔ Allala mɔgɛ wo la?

2 Kɔrɛnti 5:1

Ma ya a lɔn ko ma ye fani-bɔn kɛ minnu burɔ duninya kɛ rɔ, ma bagbuyi, kɔni, wonu ba wayan tumɛ min, bɔn ye Alla bolo Arinyɛni tɔ ma niyi ye, ado hadama-den ma bɔn wo sɔ. Wo si ma habadan-bɔn la ma ye.

Kɔlɔsi 3:2

Wo ni to wo mirila nyɔ-koenu ma dɛɛ! Wo kana wo miri dugu-kole kɛ-koenu ma dɔrɔn.

Hiburunu 1:3

Allala dan ye Allata gbiliyɛ labɔla gbɛ rɔ. Alla nyɛrɛta muninyɛ le ale la. A ya duninya mara ala kuma-sɛnbɛmɛnu fɛ. A banta mɔgɛnu makotola anu hakɛnu ma tumɛ min, a ya a mayigi Alla Sɛnbɛ Bɛɛ Tigi kɔɛn-nyimɛ rɔ Arinyɛni tɔ.

Hiburunu 12:2

Ma ni la Yisa la dɛɛ bawo ale le ye mala dɛnkɛninyɛ dabirɛ anubɛ ala ban la. A ma a ban faga-koe ma kɔlɔma ma! Miliyɛ wo bɔrɔ ma taran a ye. A fonde latɛgɛnɛ sewɛ wola ko la min siginɛ a yarɔ, ado a siginɛ Alla kɔɛn-nyimɛ rɔ kaka.

Hiburunu 4:14

Saraka-masɔla-kun-tigi-wɛ ye ma bolo min bara ta ha Alla yakɔrɔ, Allala dan Yisa, kɔni. Nba, ma ara dɛnkɛninya Yisa ma min kɛ, ma ni dɛnkɛninyɛ wo bira ma bolo filɛ la gben,

Hiburunu 6:20

Yisa ara ta ma yarɔ nyɔ malela ko la. A ara ma saraka-masɔla-kun-tigi-wɛ la habadan iko Mɛlikisidaki.

Hiburunu 8:2

A ye saraka-masɔlayɛ la Sɛnima-Sɛnima-Tinɛ rɔ fani-bon-bɛrɛ la Arinyɛni tɔ. Fani-bon-bɛrɛ kɛ, mɔgɔ ma wo sɔ fɔ Mari nyɛrɛ.

Hiburunu 8:5

Anu bi saraka-masɔ-wɔlɛ kɛla fani-bɔn min na Arinyɛni tɔ, wo mamunnɛ le yantɛ la dɔrɔn, ado Nɛbi Musa ye fani-bɔn sɔ-koe rɔ tumɛ min, Alla ya a fɔ a ye ko, “I ni fan bɛɛ ladan yati, iko n ya a yira i la nya min kɔnkɛ kuma.”

Hiburunu 9:1

Alla ya sarama-kan-fɔlɔtɛ min kiri anubɛ ata mɔgɛnu tɛma, tɔn siyaman bi a rɔ mɔgɛ si a bato nya min. Hadama-dannu si Allata fani-bɔn sɔ nya min, anu si a lawɔli nya min, wo bɛɛ sɛbɛnɛ tɔn wonu tɔ.

Hiburunu 9:23

San-kolela muninyɛ le koe wonu na, ado fɔ koe wonu ni sɛninya wo nya na le. Kɔnɔ san-koleta koenu nyɛrɛ makoe ye saraka-bɛrɛ la minnu tenbira doi wonu na.

Hiburunu 9:9

Misalɛ le kɛ la ka a bɛn wati kɛ ma. Wo kɔrɛ le ko kɔ-fan anubɛ sarakɛ minnu dinɛ Alla ma, wonu ti ke a batolɛnu sɔndɔmɛ sɛninyala

1 Pita 3:22

Ale Yisa tara Arinyɛni tɔ. A siginɛ a Fa Alla kɔɛn-nyimɛ rɔ nyɔ. A ye kun-tigiyɛ kɛla Arinyɛnitɔ-melikanu anubɛ sɛnbɛ-tiginu anubɛ nyɔ-kun-tigi-bɛɛ kun na.

Lankɛnimayɛ 8:3

Sɛnɛ-dagɛ ye melika-gbɛrɛ bolo fen-suma-diyamɛ ye min tɔ. Wo nara sɔ saraka-bɔ-tinɛ dafɛ. Alla ya fen-suma-diyamɛ-siyaman di a ma min si kofu Allala mɔgɛ bɛɛta madiyalɛnu ma. Saraka-bɔ-tinɛ min nadannɛ sɛnɛ la, wo sɔnɛ mansaya-sigi-fan yakɔrɔ. Melika wo ya fen-suma-diyamɛ wo mintan saraka mintan tinɛ wo kuma.