Hiburunu 9:2 - ALLALA KUMƐ

² Woletɔ anu ya fani-bɔn sɔ. Bɔn wo burɛ faranɛ fila la yorolan la. Dinkira-fɔlɔtɛ tɔgɔ le, “Kan-Tina-Sɛnimɛ.” Lɛnpu anubɛ tebulu ye nyɔ burɔ. Biredi min dantɛgɛnɛ Alla ma siginɛ tebulu wo kuma.

Hiburunu 9:2 ပူးပေါင်းရင်းမြစ်များ

Bɔ-Koe-Iyipiti 25:23

“I ni akasiya kɔlɔma bi ka tebulu ladan. A yanyɛ ni ma nunkan-nya fila la, a kɔnɛ ni ma nunkan-nya kelen. A kiannu ni ma nunkan-nya kelen ani a tala la.

Bɔ-Koe-Iyipiti 25:30

Biredi minnu dantɛgɛnɛ nde, Mari ma, wo si to wonu sala tebulu wo kuma n ye nyɔ tuma-wo-tuma.”

Bɔ-Koe-Iyipiti 25:31

“I ni sɛnɛ gbesi a kin na ka a ma lɛnpu la. A kuri wo, a gbaga-kuru makɛ tinɛ wo, a gbuyi minnu bi mala a bolɔnnu na wo, a tuli-kɛ-tinɛ minnu bi sɔla a bolɔn wonu kuma wo, mɔlɔnɛ do minnu manɛ iko kɔn-ferela muninyɛ wo, wo ni wonu nadan ka anu kankan anu nyɔgɔn ma nya-kun-kelen.

Bɔ-Koe-Iyipiti 26:1

Anu bi kura-hakikɛ min kelela linɛn, wo ni wo ma nta Fani-Bɔn la. Wo si kurɛ wo walan tan bi ka anu ma nta Fani-Bon-miran do la. Mɔgɛ minnu kusan boloma-wɔlɛ kɛla, wonu ni melikala muninyɛ sɔgɔ kura-walan tan wo kelen-kelennamɛ ma yesekari subolo sawɛ kɛnu na, yesekara-yalafinyɛ wo, a bilolamɛ wo, anubɛ yesekara-wulan.

Bɔ-Koe-Iyipiti 26:33

Wo ni yorolan dun sɛnɛ-lundan wonu na kɔlɔma nanɛ wonu na ka tɔn-kenkirɛ latenbi yorolan wo kɔma kilɛ la. Yorolan wo si ma dan la Kan-Tina-Sɛnimɛ anubɛ Sɛnima-Sɛnima-Tinɛ tɛma.

Bɔ-Koe-Iyipiti 26:35

Wo ni tebulu sigi Kan-Tina-Sɛnimɛ rɔ bolo-nyimɛ wara la ka lɛnpu sigi tebulu ya-telen ma Kan-Tina-Sɛnimɛ bolo-maran wara la. Don-Da-Kurɛ Wara-Koe

Bɔ-Koe-Iyipiti 29:1

“I wa wuli Aruna anubɛ ala dannu dantɛgɛla nde, Alla ma saraka-masɔ-wɔlɛla ko la tumɛ min, i si na sarakɛ kɛnu na, tura-bulan kelen anubɛ saga-yigi fila, fɛɛ sa minnu na.

Bɔ-Koe-Iyipiti 29:35

“I ni a ma iko n bara a fɔ Aruna anubɛ ala den-keinu na ko la nya min kɛ la. Anuna dantɛgɛ koe nde, Alla ma, wo si ma tele wɔrɔnfila la.

Bɔ-Koe-Iyipiti 40:2

“I ni nta Fani-Bɔn sɔ san karɛ fɔlɛ a tele fɔlɛ ma.

Bɔ-Koe-Iyipiti 40:4

Biredi si sa tebulu min kuma, i ni wo ladon ka a fɛ-mirannu tabɛn. I ni lɛnpu ladon ka a lamalan.

Matiyu 12:4

A donta Allala bɔn la. Biredi min dantɛgɛnɛ Alla ma, hali anu bi tɔn tinyana a dɔn tinɛ, anubɛ ala keminɛnu ya wo dɔn, ado saraka-masɔlɛnu denu dɔrɔn bɛnta ka biredi wo dɔn nun.

Matiyu 5:15

Mɔgɔ ti lɛnpu lamalan ka bɔnku-dagɛ burun a kuma fɔ ka a sigi san ma. A si waan raka mɔgɛ bɛɛ ye bɔn la worɔ.

Hiburunu 9:25

San-bo-san, Yahudiyanuna saraka-masɔla-kun-tigi-wɛ si don Sɛnima-Sɛnima-Tinɛ rɔ sogo-yele la a bolo. Kɔnɔ Kirasiti ma don ka a nyɛrɛ bɔ sarakayɛ la kinyama siyaman.