Hiburunu 9:19 - ALLALA KUMƐ

¹⁹ Nɛbi Musa ya tɔn bɛɛ rakaran mɔgɛnu ye iko a sɛbɛnɛ Allata tɔn rɔ nya min. Wo kɔma, a ya tura-yele bi anubɛ baa-yele ka wonu tabasan yi la. A ya yanba-kunyɛ bi min tɔgɛ hisɔpu anubɛ saga-siyi anu bara min nawulen alako a si yele wo purupuru Tɔn-Kitabu anubɛ mɔgɛ bɛɛ ma nya min.

Hiburunu 9:19 ပူးပေါင်းရင်းမြစ်များ

Yaburi 51:7

N hakɛ bɔ n ma alako n ni gbɛ. N mayesi. N ni gbɛ ka tenbi bɛgi-gbɛ la.

Bɔ-Koe-Iyipiti 12:22

Kɔlɔma min tɔgɛ hisɔpu, wo ni wo bolɔn donu bi. Wo ya kolo-fen-yele minnu kɛ mirannu tɔ, wo ni hisɔpu bolɔn wonu bi ka anu nayigi yele wo rɔ ka a susa bonda-dɛ tɔnkɔn filɛ ma anubɛ dɛ kumɛ. Mɔgɔ-wo-mɔgɔ kana bɔ bɔn la ha sɔgɔma.

Aiseya 52:15

Kɔnɔ kaka, sibolenu ba a yen, anu si kawa. Mansɛnu ba a yen, anu si anu bole sa anu dɛ la. Anu si koe do nya-yen, anu ma min yen bɛ tele-kelen-bɛrɛni!

Isikiyɛli 36:25

N si yi-sɛnimɛ purupuru anu ma alako anu ni sɛninya bɛsi-kɔ-koe anubɛ anu kɛ-nya-yogomɛ bɛɛ ma min bara anu natinya.

Saraka-Masɔlɛnuta Tɔnnu 1:10

“Ni mɔgɛ ye sarakɛ bɔla ata saga-wɔrɛ rɔ, ni wo ma, ata baa wɔrɛ rɔ ka a ma saraka-mintantɛ la, fɔ a ni ma a keimɛ la fɛɛ sa min na.

Saraka-Masɔlɛnuta Tɔnnu 3:6

“Min tenbi nala sagɛ la, ni wo ma, baa la a bolo, a mara a keima la wo, a mara a musuma la wo ka wo ma yisi-kima-sarakɛ la, fɛɛ kana taran a la.

Yilan-Yilan Koe 19:18

Mɔgɛ min sɛninyanɛ iko tɔn ya a fɔ nya min, wo si kɔlɔma-wurumɛ wo kelen tɛgɛ a la min tɔgɔ hisɔpu. A si kɔlɔma wo bi ka a sungban sɔ yi wo rɔ. Wo kɔma, a si yi wo sosa mɔgɔ-sɛninyabɛlɛ wo ma kɔlɔma wo la.

Yilan-Yilan Koe 19:6

Ɛliyasa si kɔlɔma bolɔn do bi min tɔgɔ sida anubɛ kɔlɔma-wurumɛ do, anu bi min kelela ko hisɔpu anubɛ yili-kolo-wulan. A si kɛ mumɛ bi ka a lakɛ ninki fɛ tɛ rɔ. Wonu dama si mintan anu nyɔgɔn fɛ.

Matiyu 27:28

Anu ya a mawuran ka duruku-yan-wulenmɛ don a kan na.

Maraka 15:17

Anu ya duruku-yan kara-fin-damɛ don Yisa kan na ka wɔnɛ ma mansaya-fulɛ la a ye ka wo don a kunyɛ la.

Maraka 15:20

Anu banta a mayɛlɛnna tumɛ min, anu ya duruku-yan kara-fin-damɛ wo bɔ a kan na ka a nyɛrɛta fanɛnu don a ma tun. Anu tara a la a gbangban tinɛ kɔlɔma ma.

Yɔni 19:2

Kɛlɛ-dannu ya mansaya-fulɛ ladan wɔnɛ la ka a don a salɛ la. Anu ya duruki-yalawulan bila a kan na.

Yɔni 19:5

Yisa bɔra luyi ma. Anu ya mansaya-fulɛ min nadan wɔnɛ la, wo donnɛ a salɛ la anubɛ duruki-yalawulan ye a kan na. Pailɛti ya a fɔ anu ye ko, “Wo ma a yen?”

Hiburunu 1:1

Fɔlɔ-nun, Alla kumara ma benbanu ye wati siyaman anubɛ nya-siyaman ma nɛbinu baraka rɔ

Hiburunu 10:22

ma ni ma gbɛrɛn Alla ma worɔ. Ma ni ma gbɛrɛn ma yisi bɛɛ anubɛ dɛnkɛninya-bɛrɛ la ma bolo bawo ma sɔn-yilikinɛnu bara sɛninya, ado ma fɛrɛ-bɔnkɛnu manɛ iko anu bara ku yi-sɛninyanɛ le la.

Hiburunu 12:24

Sarama-kan-kurɛ ara kiri Yisa yele min fɛ, wo ara ke wo fanan ma, ado a yele-purupurunɛ tenbira Ebɛli yele la.

Hiburunu 9:12

Kirasiti donta Sɛnima-Sɛnima-Tinɛ rɔ iko kelen pe ka dan wo ma. A ma baa-yele anubɛ tura-yele bɔ sarakayɛ la. A ya a nyɛrɛ yele le bɔ ka kisi-koe sɔrɔn ma ye wo fɛ habadan!

Hiburunu 9:13

Sarama-kan-kɔrɔmɛ wati rɔ, baa-yele wo, tura-yele wo, ninki-den-mintannɛ ta-gbangban wo, wonu purupuruta mɔgɔ-sɛninyabɛlɛnu ma alako anu si sɛninya nya min.

Hiburunu 9:18

Wo le ya a to, hali sarama-kan-fɔlɔtɛ kɛ ti ko-wo-ko nyinya mɔgɛ ma, ni kolo-fan ma faga ka a yele bɔ sarakayɛ la.

1 Pita 1:2

Wo yabɔnɛ le iko Fa Alla nyɛrɛta ko-latɛgɛnɛ ye nya min. Wo mara mɔgɔ-sɛnimɛnu na ala Ni-Sɛnimɛ baraka rɔ alako wo si Yisa Kirasitila kumɛ bira nya min, ado wo ara sɛninya a yele fɛ. Alamɛ ma Fa Allata hinɛ anubɛ yisi-kimɛ ni wara wo ye nya bɛɛ ma.