Hiburunu 9:16 - ALLALA KUMƐ

¹⁶ Ni min bara kɛɛ-fara-kɛdi sɛbɛ, fɔ sereyɛ ni bɔ ko wo tigi ara faga.

Hiburunu 9:16 ပူးပေါင်းရင်းမြစ်များ

Romu 5:12

Ma benba Hadama le ya hakɛ lana duninya rɔ. Hakɛ wo le nara sayɛ la male hadama-dannu tɛma. Wo ya sayɛ lana mɔgɛ bɛɛ kuma bawo bɛɛ ara hakɛ kɛ.

Romu 6:23

Hakɛ sarɛ le sayɛ la kɔnɔ Allala sanbɛ le habadan-nimayɛ la ma Mari Yisa, Allata-Mɔgɔ-Yabɔnɛ baraka rɔ.

1 Kɔrɛnti 15:22

Ado nfan, mɔgɛ bɛɛ bɔra ma benba Hadama le tɔ ka faga. Iko wonu bi fagala nya min, minnu bɛɛ ara dɛnkɛninya Kirasiti ma, wo bɛɛ la si wuli wo nya na le ka habadan-nimayɛ sɔrɔn.

Hiburunu 1:3

Allala dan ye Allata gbiliyɛ labɔla gbɛ rɔ. Alla nyɛrɛta muninyɛ le ale la. A ya duninya mara ala kuma-sɛnbɛmɛnu fɛ. A banta mɔgɛnu makotola anu hakɛnu ma tumɛ min, a ya a mayigi Alla Sɛnbɛ Bɛɛ Tigi kɔɛn-nyimɛ rɔ Arinyɛni tɔ.

Hiburunu 13:20

Yisa mara saga-fɛ-birala-wɛ la ata saya le fɛ, habadan-sarama-kan kirita ata yele min fɛ. Alla ara ma Mari Yisa lawuli ka a bɔ furinu tɛma. Alla kelan min bi yisi-kimɛ dila wo ma,

Hiburunu 9:15

Kirasiti ye sarama-kan-kurɛ rabɛnna Alla anubɛ ata mɔgɛnu tɛma. Kirasiti ya wo ma alako minnu kelenɛ Alla bolo, Alla ya lanyiri kiri habadan-duwɛ minna ko la, wonu si wo sɔrɔn. Minnu bara sarama-kan-kɔrɔmɛ tinya hakɛ fɛ, Kirasiti fagara alako wonu ni hɔrɔya nya min.

Hiburunu 9:17

A sɛbɛlɛ kɛndɛ tumɛ min, kɛɛ-fara-kɛdi ti ko-wo-ko nyinya mɔgɛ ma. A ti ko-wo-ko nyinya fɔ a sɛbɛlɛ wa faga.

Yemesi 2:10

Hali mɔgɛ ya Allata tɔn bɛɛ bira kɔnɔ a ni kelen dɔrɔn tinya, a ara yiliki sɔrɔn a bɛɛ rɔ.